Hælisleitendur eru ekki kvótaflóttamenn

og það er nauðsynlegt að gera greinarmun þar á.

Þetta viðurkenndi Óli Björn Kárason á fundi Sjálfstæðismanna í Kópavogi í gær. Sjálfstæðisflokkurinn kæmist ekki hjá því að ræða hvað blasir við í þessum málum. Auðvitað er það skylda að taka á móti stríðshrjáðum flóttamönnum samkvæmt alþjóðlegum samningum. En við yrðum að spyrja okkur hvort við viljum velja á milli open borders eða velferðarkerfisins íslenska. Annaðhvort að leggja það af eða veikla stórkostlega eða opna landamærin fyrir stjórnlausum innflutningi fólks. Við kæmumst ekki hjá því að breyta kerfinu því að við ráðum ekkert við núverandi ástand.

Fólk hefur áhyggjur af þróun þessara mála. Hælisleitendur eru flestir í leit að betra lífi frá eymd heima fyrir. Við getum hinsvegar ekki haldið okkar velferðarkerfi á sama tíma og við leyfum óheftan innflutning fólks.

Útlendingalögin taka gildi innan skamms. Þá mega innflytjendur flytja inn fjölskyldur sínar. Hafa menn yfirleitt hugmynd um hvað þetta getur kostað margt fólk og mikið fé?

Það er reginmunur á hælisleitendum og kvótaflóttamönnum.

Athugasemdir

[Hafsteinn Reykjalin (IP-tala skráð) 9.10.2016 kl. 12:47]

Staða þessara mála er þingflokki Sjálfstæðisflokksins að kenna, 

Hann virðist oft selja sig fyrir annað rugl. Þeir ættu að gera sér grein fyrir því hvað þeir eru búnir að kalla yfir þjóðina.

[Halldór Guðmundsson (IP-tala skráð) 9.10.2016 kl. 12:55]

Það hefði nú mátt spyrja Óla Björn, hvort honum væri kunnugt um hvaða kjánar, það eru í ríkistjórninni, sem koma í veg fyrir að 48 tíma reglan taki gildi á Íslandi, heilt ár er síðan Norðmenn tóku hana upp hjá sér, og Svíar og Danir eru ornir mun strangari en Norðmenn.

[Jón Bjarni, 9.10.2016 kl. 12:56]

Flóttamenn koma ekki hingað til að lifa á bótum. Hér er gríðarlegur skortur á vinnuafli. Fleiri vinnandi hendur styrkja getu ríkisins til að viðhalda velferðarkerfinu þær veikja það ekki. Þetta vandamál sem þið þjóðrembingarnir eruð að reyna búa til er þessvegna ekki til staðar

[Halldór Jónsson, 9.10.2016 kl. 18:30]

Jón Bjarni

Ertu ekki að vinna erlendis sjálfur í stað þess að leggja þitt til að metta skortinn? En lógíkkin þín virðist ekki ganga upp á Norðurlöndunum. Af hverju myndi hún ganga upp hérlendis?

Mér er sama um götustrákauppnefni þín, en okkar sjónarmið í innflytjendamálum eiga ekkert skylt við þjóðrembu.

[Anna Sigríður Guðmundsdóttir, 9.10.2016 kl. 21:07]

Halldór. Ertu að tala um "velferðarkerfið", sem er að drepa þá minnstu, sviknustu og varnarlausustu á Íslandi?

M.b.kv.