Laugardagsfundur

hjá Sjálfstæðisflokknum í Kópavogi fór fram að vanda þótt ekkert fyrirmenni hefði boðað komu sína. Á þriðja tug fólks kom samt og voru menn beðnir að segja eitthvað í pontu sem þeim dytti hug.

Fram kom mikið traust á formanni flokksins Bjarna Benediktssyni.Fólk var sammála um að hann hefði leitt flokkinn afburða vel í kosningabaráttunni og fólk treysti honum í stjórnarmyndunarviðræðunum sem yfir standa. Undirstrikuðu fundarmenn þetta með dynjandi lófataki.

Mörg sjónarmið komu fram um möguleg stjórnarmynstur. Einn taldi það myndi vera gott í komandi kjaraviðræðum að hafa Katrínu Jakobs í hlutverki forsætisráðherra. Hún væri þá brimbrjótur stjórnarinnar sem væri hugsanlega stjórnkænska og Bjarni yrði þá áfram fjármálaráðherra. Út á við yrði þetta lyftistöng fyrir Ísland með fleiri konur í stjórninni.

Menn ræddu sögu Sjálfstæðisflokksins. Einn taldi stjórnkerfið gjalda gamals hringsnúnings flokksins í virðisaukaskattsmálum þegar ferðamannaiðnaðurinn skilaði ekki þeim tekjum sem hann gæti vegna gamalla ráðstafana. Við hefðum látið bankana fara á hausinn í stað Þessa að prenta handa þeim næga peninga eins og annarsstaðar var gert. Við værum í dag að borga kostnaðinn af þessu með hærri vöxtum sem við réðum ekki við.

Annar benti á að lífeyrissjóðakerfið væri ekki einboðið rétt þegar kæmi að vaxtagreiðslum. Unga fólkið gæti ekki tekið lán á þeim vöxtum sem eldri sjóðsfélagarnir krefðust fyrir sig og sinn lífeyri. Það væri grundvöllur umræðunnar þegar fólk vildi taka upp aðra mynt eða binda krónuna við erlendan gjaldmiðil. Gjaldfærslur sveitarfélaganna á lífeyrisskuldbindingum, jafnvel uppsafnaðar, væru hrikalegar og hefði mikil áhrif á gæði þjónustunnar.

Spurningar komu upp um lífeyrissjóðakerfið í heild. Hvort rétt væri yfirleitt að viðhalda því í núverandi mynd. Hvað þá að magna það upp ennfremur eins og ráðgert er. Hvort það væri hið eina rétta með öllu því misræmi sem þar er að finna?

Hinn leitandi andi var sannarlega viðstaddur þennan fund hjá Sjálfstæðisflokknum í Kópavogi þó að kosningaspenningurinn væri að mestu liðinn hjá. Fundarmenn voru sammála um að flokknum hefði gengið vel í kosningunum þegar hann leiddi í öllum kjördæmum. Fólkið hefði hafnað vinstri stjórn og kallað á Sjálfstæðisflokkinn til að verða kjölfestuna á komandi tíma.

Framundan væru alvarlegir tímar erfiðra kjaraviðræðna sem enginn sæi  hvernig fara myndu. Nýfallin Kjaradómur hefði ekki verið góð byrjun á þeim viðfangsefnum.

Einn ræðumaður spurði þeirrar óþægilegu spurningar hvort enginn hefði virkilega séð þetta fyrir með Kjaradóm og áhrif hans?Íslenskir stjórnmálamenn eyddu mestri sinni orku í efnahagsráðstafanir sem væru afleiðing af kjaramálum. Erlendis væri þetta ekki svo. Þær fengjust menn við brýnni mál. 

Þessi Laugardagsfundur varð betri en enginn að dómi bloggarans.

 

Athugasemdir

[Óskar Helgi Helgason (IP-tala skráð) 5.11.2016 kl. 14:25]

Sæll Halldór jafnan - sem og aðrir gestir, þínir !

Fremur hvimleitt: gerist nú áframhaldandi dekur þitt, við þessa flokks ómynd, sem orðin er, Halldór minn.

Laugardags fundir ykkar Kópavogsbúa - minna einna helzt á cellu fundi Bolchévíka Leníns, og allrar þeirrar ónáttúru, sem hann og hans lið stóðu fyrir, austur í Rússlandi, í undanfara og eftirleik falls Keisaradæmisins Aust- Rómverska og Rússneska:: um og eftir 1917.

Margumtalaður Sjálfstæðisflokkur (líkt: hinum 5 - 6, sem kosningu hlutu 29. Október s.l.) stendur einfaldlega fyrir síaukinni skattpíningu og gjaldafargani, úr vösum landsmanna, án þess að sýna nokkurn lit á betrun þar.

Dæmi :

Ríkisútvarpið, með öðru hvoru megin við 300 starfsmanna hér á landi / (í Færeyjum útvarps og sjónvarps þar, eru þeir innan við 95 - 99, t.d., og dugir fyllilega).

Allur þorri vegafjár (Olíugjald / Benzíngjald og Bifreiðagöld, að ógleymdu Kolvetnis gjaldinu) fer í rekstur hinna og þessarra gælu battería, í stað þess að fara í vegi og brýr, og það ráðslag styðja ALLIR flokkarnir reyndar, undir drep.

Virðisaukaskattur: er enn 24% / í stað þess að 10% ættu að nægja, og þar með allur Svartur markaður hyrfi, fyrir utan lækkun allra annarra skatta - beinna og óbeinna, t.d.

Væri Sjálfstæðisflokurinn rekinn - á forsendum hugsjóna og hugmyndafræði stofnenda hans, undir leiðsögn Jóns heitins Þorlákssonar Landsverkfræðings og félaga hans 1929, værum við einfaldlega að tala um allt aðra hluti í dag, Verkfræð ingur góður ! 

Með beztu kveðjum / engu að síður - af Suðurlandi //

 

[Jón Baldur Lorange, 5.11.2016 kl. 17:50]

Takk fyrir þennan pistil Halldór og gott að vita að sjálfstæðisfólk í Kópavogi lætur sitt ekki eftir liggja að vanda. Og ert þú ekki með næstum 100% mætingu síðusta áratuginn eða lengur?

[Halldór Jónsson, 5.11.2016 kl. 18:24]

Óskar minn Helgi

Ekki býstu við að stjórnarandstöðuflokkunum sé treystandi til að lækka hér vaskinn og gera við alla vegi og brýr? Þurfum við ekki að vera raunsæir og gera okkur grein fyrir að tímar Jóns Þorlákssonar koma ekki aftur. Og sífelldur innflutningur á fólki sem er ekki líklegat að vilja vinna í þessu þjóðfélagi bætir hér ekki um.

Jón Baldur, ég sakna þess að þú kemur aldrei. Mér finnst ég fara út af þessum fundum fróðari en þegar ég kom. Eins og Bjarni Benediktsson sagði: Pólitíkin hefur gert mig að betri manni en ég var. Ég tek undir þetta, maður hefur gott af að fá að hlusta á aðra.

[Einar S. Hálfdánarson (IP-tala skráð) 5.11.2016 kl. 18:48]

Sæll vertu

Ekki er ég nú á því að fundurinn hafi verið uppbyggilegur, en ég efa ekki að þú segir rétt frá. Núll prósent vextirnir í Evrópu eru merki um alvarlegan brest. Þrjú prósent raunvextir eru merki um hið gagnstæða. Þá er fjarstæða að halda að peningaprentun til handa gjalþrota bönkum geti nokkru sinni orðið til góðs. Svoan má áfram halda.

Það hefði ekki veitt af einhverjum til að svara svona hugmyndum.

Bestu kveðjur

[Halldór Jónsson, 5.11.2016 kl. 19:34]

Þeim var svarað, þarns var fólk sem skilur hagfræðina Einar.

Það sem veldur lágu vaxtastigi í Evrópu núna er gríðarlegt innstreymi peninga frá milljarði sparenda í Kína sem vilja bara fá að geyma peningana sína ókeypis. Lífeyrissjóðirnir okkar kynda vaxtaokrið hérlendis, við þurfum að fá Kínapeninga hingað og borga þeim ekkert fyrir geymsluna eða er ekki svo? 3.5 % ávöxtunarkrafa lífeyrissjóða er ekki lengur raunhæf. Ég hal að þessir greifar fái ekki þennan gróða þó þeir fari til útlanda.

Ég veit ekkio hvað Loyds-TSB er að greiða í rentu núna, en ég held að það hljóti að vera nálægt núllinu ef ekki í mínus.

[Halldór Jónsson, 5.11.2016 kl. 19:35]

held ekki hal

[Óskar Helgi Helgason (IP-tala skráð) 5.11.2016 kl. 20:35]

Komið þið sælir - á ný !

Halldór Verkfr. !

Nei: því fer mikið víðs fjarri, að ég reiknaði með einhverjum stökkbreytingum skatta- og gjalda fargansins, af hálfu vinstra liðsins:: og allra sízt, héðan af.

Því ankannalegra er - að þínir flokksfélagar skuli leitazt við, að halda ástandinu óbreyttu, eins og ég áréttaði hér, að ofan.

Afætu stofnanirnar: eru / og verða ekkert betri viðureignar, þó þær njóti áframhaldandi velvildar flokksfélaga þinna, Halldór minn.

Svo - langt, í frá.

Með þeim sömu kveðjum - sem seinustu /

[Helga Kristjánsdóttir, 5.11.2016 kl. 21:57]

Gott að heyra að það er líf í félagsskapnum. Berðu konu þinni kveðju mína með þakklæti fyrir stuðninginn út í bílinn minn,dagana fyrir kosningar.

[Halldór Jónsson, 5.11.2016 kl. 22:02]

Takk Helga, Steinunn biður að heilsa þér og þakkar fyrir skemmtunina

[Halldór Jónsson, 5.11.2016 kl. 22:02]

Óskar Helgi

þú ert nú aðeins að róast sýnsit mér.

[Hrólfur Þ Hraundal, 6.11.2016 kl. 09:35]

Þetta hefur verið góður fundur hjá ykkur þarna í Kópavogi og það var ekki að mínu viti vitlausasta spurningin, þessi um kjararáð, svo oft sem það hefur valdið deilum og sannast sagna þá hélt ég að það væri löngu jarðað og yfirkeyrt með traktorum, en það er ljóslega bara draumur eða fáránleg ímyndun.

 Það er full ástæða til að sína Bjarna traust, þegar við búum við flokk sveimandi formanna sem kosnir voru af kjánum af eintómri trú en engu viti. 

Margir flokka styrkja ekki lýðræðið og ég legg til að þessi ónýti ruslahaugur sem við kusum, snari sér í að mynda stjórn og þegar hún springur af eintómum fíflaskap við bros Lísu í undralandi með jólaköttinn í baksætinnu, þá kjósum við aftur og aftur þangað til að við verðum leið á því og handveljum okkur foringja.

Nóga höfum við handleggina þó þeir hafi legið í dvala til tuktunar síðan á síldarárunnum fyrir austan.   

[Óskar Helgi Helgason (IP-tala skráð) 6.11.2016 kl. 13:35]

Komið þið sæl - sem fyrr !

Halldór Verkfr. !

Mestan part: hefir rólyndið svifið yfir vötnum / í hinum fyrri athugasemdum mínum hér ofar, sem og nú:: þó ærin væru tilefnin til hins gagnstæða, fornvinur góður.

Hrólfur Vélfr. !

Væri ekki árangursríkara: að handvelja leiðtogana strax / í stað þess að reyna að ná þeim fram, í innihalds- og fremur árangurslausum kosningum, Eyrbyggi góður ?

Sjáum - hversu : Ítölum / Svíum og Spánverjum, auk fjölda annarra, hefir mislukkast kosninga kraðakið:: stundum oft á ári, Hrólfur minn - án nokkurrar vitrænnar niðurstöðu.

Bjarni Benediktsson t.d.: núverandi handhafi stjórnar myndunar umboðs, er svona ámóta galgopi og sveimhugi, eins og Stefán krati Löfven í Svíþjóð, sem er þessa dagana að svæla innborna Svía út úr landinu, til þess að móttaka ruzlaralýð frá Sómalíu, sem og Mið- Austurlöndum og nágrenni þeirra, þess í stað.

Finnst þér mikið gefandi - fyrir svona liðleskjur, eins og Bjarna: hérlendis, sem og Löfven, fyrir hönd Svíanna, Hrólfur minn ?

Bjarni er: sams konar gufa gagnvart innrásarliði Múhameðs, eins og : Birgitta / Óttar Proppé / Sigurður Ingi / Katrín Jakobsd. / Benedikt Jóhannesson og Logi Már í örfylkingu kratanna (Samfylkingunni), Hrólfur Vélfræðingur.

Íslendingar - hafa lítið við svona lúpur að gera, í sínum framvarðarsveitum, gott fólk !!!

Með þeim sömu kveðjum - sem öllum fyrri, og áður/ 

[Hrólfur Þ Hraundal, 6.11.2016 kl. 14:11]

Já og svo kemur mega vitleysan, það klikkar ekki. 

[Ómar Bjarki Kristjánsson, 6.11.2016 kl. 22:21]

Ástæða þess að vaxtastig á meginlandi Evrópu er lágt, - heitir Evra.   Hér verður aldrei neitt með viti peningastjórnunarlega séð með krónu.  Peningastjórnun hér með krónu getur aðeins orðið mis vitlaus.  Aldrei góð eða góðar afleiðingar ss. lágt vaxtastig.

Sjallar og elítan, sérhagsmunaklíkur allskonar, vilja ekki að almenningur fái notið gæða Evrunnar og ESB.  

Hissa á að þetta hafi ekki frést til Kópavogs.

[Óskar Helgi Helgason (IP-tala skráð) 7.11.2016 kl. 00:26]

Komið þið sæl - sem jafnan !

Ómar Bjarki !

Ég hélt: að Holtaþokuvæli þínu, í þágu hins fáránlega Evrópusambands tæki að linna, með hryðjuverkum Merkel og vina hennar, með tilstuðlan þeirra, að óheftu flæði INNRÁSARLÝÐS, frá ýmsum Múhameðsku landanna, en þú forherðist enn, í þinni glýju, fyrir hinu algjörlega misheppnaða Fjórða ríki, þeirra Brusselinga / með Berlínar fjarstýringunni.

Veistu ekki enn Ómar - að Visegrad ríkin : Tékkland / Ungverjaland / Slóvakía og Pólland eru að stemma sívaxandi stigu við Afríska og Mið- Austurlanda fólkinu, sem veður yfir nágranna okkar í austri, í fullkomnu ofstæki og villimennzku Saúdí- Arabíska erindrekstrarins.

Þar fyrir utan: er Evru garmurinn á hverfanda hveli eða, ... hvernig skýrir þú stigmögnum styrkleika Svissneska Frankans t.d. Ómar Bjarki, með hverjum deginum sem líður, á meðan Evru ræksnið steytir stömpum óvissu- og frekari rénunar ?

Jú - jú, rétt er það aftur á móti: sérhagsmuna klíkur þingflokkanna innlendu verða eftir sem áður ógeðfelldari, með hverjum deginum sem líður, en, ..... það breytir ekki nokkrum hlut, um gliðnun og áframhaldandi rotnun Evrópu sambandsins þíns, Ómar minn.

Hversu marga staurana: sem þú og þínir líkar, kjósið að rembast við - ennþá !

Með sömu kveðjum - sem seinustu /   

[Halldór Jónsson, 7.11.2016 kl. 08:06]

'omar, hefurðu ekki velt fyrir hversvegna atvinnuleysið sé 50 sumstaðar í  ESB en 2.4 % héran?