Vantar peninga í heilbrigðiskerfið?

svo segja margir.

Eitt af stórum málum í stjórnmálum er að ríkið þurfi að selja bankana sem það á. En liggur svo á því?

Þessar upplýsingar eru á netinu:

Hátt eiginfjárhlutfall

Eigið fé stóru bankanna þriggja er tæpir 660 milljarðar króna og er hlutur ríkisins í því eigin fé um 500 milljarðar sem nálgast ein fjárlög íslenska ríkisins og um 20% af landsframleiðslu. Til samanburðar má einnig nefna að samkvæmt tölum Seðlabankans eru nettó skuldir íslenska ríkisins um 40% af landsframleiðslu.

Eiginfjárhlutfall bankanna er frá 25,5% upp í rúm 29% sem er afar hátt í alþjóðlegum samanburði. Varfærni hefur gætt í eiginfjárkröfu banka vegna óvissu sem tengist afléttingu gjaldeyrishafta. Öll skilyrði þess að losa um þau að mestu leyti eru fyrir hendi og því er líklegt að eiginfjárkrafa fjármálakerfisins færist nær því sem gengur og gerist í nágrannalöndum.

Þetta þýðir að varlega má áætla að hægt sé að losa 175 milljarða króna sem bundnir eru í bankakerfinu og greiða þá út til eigenda. Vogaðri nálgun við uppbyggingu eiginfjár banka myndi skila enn hærri tölu.

„Þetta er í rauninni dautt fé í hagkerfinu og erfitt fyrir bankana að ná viðunandi ávöxtun á þetta eigið fé,“ segir Snorri Jakobsson, fjármála- og hagfræðiráðgjafi hjá Capacent. Hann bætir því við að svona mikil binding að óþörfu sé mjög óhagkvæm fyrir þjóðfélagið. „Þetta hefur því ekki bara áhrif á bankana sjálfa, heldur allt atvinnulífið.“

Til samanburðar má nefna að hlutdeild ríkisins í fé sem losnað gæti úr bönkunum myndi duga fyrir því að byggja nýjan Landspítala tvisvar.

Hvað liggur á að selja bankana þó það vanti peninga í heilbrigðiskerfið?

Athugasemdir

[Ásgrímur Hartmannsson, 24.11.2016 kl. 16:59]

Ekki gefa þeim neinar nýjar hugmyndir.

Menn sem geta ekki rekið kerfi með alveg nóg (reyndar meira en nóg) til verksins eiga ekkert heimtingu á að fá meira.

[Erla Magna Alexandersdóttir, 24.11.2016 kl. 21:02]

hrægammar og vinir ríkisstjórnar bíða eftir að fá banka með storgróða á kostnað almennings gefins- svo til að að ná uppí tap við þessa vinagjöf okkar allra- þarf að hækka skatta ! eruð þið sem borgið ekki alveg jákvæð þessari fórn  til vinanna ???

[Jónas Gunnlaugsson, 25.11.2016 kl. 12:37]

Erum við búnir að gleyma því að, að peningar eru aðeins bókhald.

Síðast þegar við seldum bankana, bókhaldið til fjárfesta, þá bókfærðu þeir allt til andskotans.

Þá hirtu fjárfestar flest á Íslandi.

Nú höfum við hjálpað fjárfestum til að komast með ránsfenginn, (má ég nota orðið ránsfenginn ?) til útlanda.

Er rétt að setja það fyrir dóm hvort þetta hafi verið löglegt?

Er hugsanlegt að einhverjir aðilar hafi reynt að sýna röggsemi og dugnað, en gert allar gömlu gerðirnar, og þá hjálpað fjármálakerfinu að koma ránsfengnum undan. (var það ránsfengur? Það fari fyrir dóm).

Röggsemi er ágæt, en það skiptir mestu máli að gera réttu hlutina.

Við rákum Sigmund Davíð Gunnlaugsson úr Ríkisstjórninni, þegar hann skellti hurðum, og byrjaði að láta fjármálastofnanir færa eignir aftur til fólksins.

Nú stendur Trump, frammi fyrir því að breyta Federal reserve, peningabókhaldi Bandaríkjamanna.

Okkar háskólamenn, ekki síst þeir reiknisfæru, raunvísindamennirnir, eru skyldugir til að fara að hugsa upp og lesa sér til um hvernig nýja fjármálakerfið á að vera.

Það myndi hjálpa Trump til að breyta fjármálakerfinu hjá sér.

Það erum við, sem verðum að mata stjórnmálamennina á hvernig á að gera hlutina.

Ef við hugsum upp nýjar og betri leiðir, þá geta stjórnmálamennirnir farið þá slóð sem við höfum lýst upp með einföldum leiðbeiningum.

Auðvitað erum við allir í sykrinum og sexinu, og gleymdum því að ef alþýðan, það erum við, erum rugluð þá ruglast þjóðfélagið.

Ruglið okkar alþýðunnar, verður Alþingi, og svo Ríkisstjórn.

Vinsamlegast, byrja strax að finna nýju lausnirnar.

Það er ég, það ert þú, það erum við, sem eigum að leita lausnanna.

Egilsstaðir, 25.11.2016 Jónas Gunnlaugsson

[Helgi Jónsson (IP-tala skráð) 25.11.2016 kl. 14:53]

Skil ekki alveg þennan pistil hjá þér Halldór, er farin að halda að þú sért bara að reyna að ganga í augun á ritstjóranum eina ferðina enn. Auðvitað vantar pening í heilbrigðiskerfið, ertu búinn að gleyma því þegar að Guðlaugur Þór skar og skar niður þrátt fyrir gervigóðærið ykkar íhaldsins..?.

Það er stórhættulegt ef SjálfstæðisFLokkurinn kemst aftur til valda, því hættan er auðvitað sú að Bjarni og félagar útdeili bönkum og öðrum ríkisfyrirtækjum til vina og vandamanna.