Vinstri græn eru vesælli

en maður hélt í barnaskap sínum. Maður hélt að það væri hægt að kveikja ljós hjá þessum leðurblökum og lýsa upp myrkrið sem ríkir í þeirra vansælu sálum.

Nei, þar ríkir öfundin eins og óánægja með allt og alla sem einhverju jákvæðu vilja leggja lið. Allan gróður sem hefur sig upp úr móanum verður að skella ofan af í þeirri trú að þá spretti sá lægri betur. Og það sem verra er, að þeir virðast  njóta eymdarinnar hvar sem hana er að finna.

Þessa lífssýn og neikvæðni þessa fólks virðist ekki hægt að laga. Það getur engu sáð og ekkert uppskorið, það sér aðeins böl og þraut og þjóðfélag öfundar og óánægju. Það er eins og það líti aldrei glaðan dag og vilji heldur alls ekki að neinn upplifi slíkt.

Það er ekki hægt að ná samstarfi með þessu þunglynda fólki.Það veit heldur ekki sjálft hvernig það getur náð einhverju fram í leit sinni að meira þunglyndi.

Vesalings grunnhyggna fólkið í þessum flokki er ekki af þessari öld. 

Athugasemdir

[Halldór Jónsson, 2.12.2016 kl. 07:43]

Páll Vilhjálmsson orðar álit sitt á fyrrum flokkssystkinum sínum svo:

""Hugmynd formanns Vinstri grænna, um þjóðstjórn sjö flokka, er viðurkenning á vangetu flokksins að draga rökréttar ályktanir af lýðræðislegum þingkosningum. Þjóðstjórn sjö flokka útilokaði stjórnarandstöðu. Aðeins það eitt ætti að útiloka þann möguleika."

[Elle_, 2.12.2016 kl. 11:00]

Getur maður ekki lent í vandræðum fyrir að kalla stjórnmálamenn leðurbl eða leður -eitthvað?  Með myrkar sálir?  Hættan eykst svo ef 7-8 ofboðslega samstíga flokkar verða saman í ríkisstjórn.

[GSS (IP-tala skráð) 2.12.2016 kl. 11:58]

Álitgjafinn Eiríkur Bergmann segir þjóðstjórn örþrifaráð. Til þess er gripið þegar vá steðjar að, styrjöld eða stórfelldar náttúruhamfarir. Um slíkt er ekki að ræða hér á landi. Katrín Jakobsdóttir grípur þetta hálmstrá og fjölmiðlar sumir fara um fögrum orðum. En lýsir í raun ótta, hún þorir ekki að takast á við verkefnin framundan; hugsanleg átök á vinnumarkaði og kröfur sem verða gerðar til næstu ríkisstjórnar um stóraukin framlög til allra málaflokka í ríkisrekstrinum. Að taka á sig ábyrgð í landsstjórninni víkur fyrir hagsmunum flokksins og óttanum við fylgistap. Það er erfitt að átta sig á vinsældum Katrínar sem stjórnmálamanns. Hún hefur ekkert afrekað á sínum stjórnmálaferli í þágu lands og þjóðar sem hönd á festir. Hún var menntamálaráðherra í vinstri stjórninni 2009-13 og varaformaður VG. Ekkert bitastætt situr eftir frá ráðherraferli hennar. Hún hreyfði ekki andmælum þegar Steingrímur hrakti þrjá mæta þingmenn úr flokknum og Jón Bjarnason var settur af sem ráðherra án athugasemda af hennar hálfu. Hún samþykkti Icesave samningana refjalaust, sveik kosningaloforð VG í ESB málum og stóð að hinni misheppnuðu 110% leið sem sendi þúsundir heimila í gjaldþrot. Þrátt fyrir allt þetta nýtur hún vinsælda og er hampað af fjölmiðlum. Þykir hafa persónutöfra en þegar kemur að afrekaskrá hennar á pólitíska sviðinu er fátt um svör. Hún þorir ekki að taka á sig ábyrgð. Hún er ofmetnasti stjórnmálamaður landsins. 

[Elle_, 2.12.2016 kl. 14:17]

Já Katrín er alltof ofmetin.  Ekki stór manneskja sem gat horft á sviplaus og þögul meðan ráðist var að Jóni Bjarnasyni og nokkrum óhlýðnum stoltum villiköttum enn, og sett svo bara aftur upp engilsvipinn. 

[Helgi Jónsson (IP-tala skráð) 2.12.2016 kl. 14:31]

Legg til að Jóhönnu Sigurðardóttur verði falið að mynda utanþingsstjórn og hún verði forsætisráðherra og Össur Skarphéðinsson verði utanríkisráðherra, held að sú ráðstöfun yrði landi og þjóð til sóma.

[Elle_, 2.12.2016 kl. 17:22]

 Guð hjálpi okkur Helgi ef þú færð að ráða.

[goggi (IP-tala skráð) 2.12.2016 kl. 17:56]

Halldór Jónsson   þú ert drullusokkur.

[Sigurður K Hjaltested (IP-tala skráð) 2.12.2016 kl. 19:28]

Goggi á bloggi,

heldur sig stóran.

Þorir ekki að koma undir

nafni,

enda lítil í honum

lífstóran.

[Anna Sigríður Guðmundsdóttir, 2.12.2016 kl. 22:20]

Halldór. hvaða flokkur ræður yfir Dómsstólaspillingunni á Íslandi, og hefur gert í marga áratugi?

Varla hefur þú trúað því að Sjálfstæðisflokkurinn ætti alla innan Vinstri Grænna endalaust? Í viðbót við þá sem voru kúgaðir til að hlýða toppum Frammara í síðustu "ríkisstjórn" Íslands?

Skömm að því hvernig valda-frekjukarlarnir flokkalíkuðu hegða sér hér á landinu Frímúrara-Dómsstólasvikna til margra áratuga!

Ég hélt að þú væri siðmenntaður og almennt velviljaður vitur maður, en mér skjátlaðist greinilega.

M.b.kv.

[Halldór Jónsson, 4.12.2016 kl. 12:42]

Goggi, ég er ekkert sérstaklega ósammála þér.

Anna Sigríður, mér þykir leitt ef þú ert svona óánægð með mig.