Hreinsum út úr Hæstarétti

og hrindum um borðum víxlaranna sem þar sitja.

Eiga ekki Hæstaréttardómarar að vera yfir allt veraldarbrask hafnir? Var ekki Magnús Thoroddsen hrakinn úr réttinum fyrir óhófleg brennivínskaup að einhvers mati?  

Eiga dómendur Geirs H. Haarde bara að sitja áfram og labba með Forsetanum á kjól og hvítt á tyllidögum með Fálkakrossinn um hálsinn? Er þetta sú virðing sem Hæstarétti ber í huga þjóðarinnar?

Er ekki Jón Steinar búinn að rekja embættisfærslur einstakra dómara í Hæstarétti nægilega skýrt í bók sinni?

Verða dómarar í Hæstarétti ekki að vera yfir sjóðabrask Baugsveldisins í Glitni hafnir? Eru þeir ekki launaðir sérstaklega til þess að þurfa ekki á slíku að halda?

Er ekki mál að moka nú út úr Hæstarétti?

 

Athugasemdir

[Ásthildur Cesil Þórðardóttir, 5.12.2016 kl. 21:43]

Jú svo sannarlega þarf að hreinsa þarna út. 

[Hafsteinn Reykjalin (IP-tala skráð) 5.12.2016 kl. 21:57]

Það er ekki svo auðvelt að reka þá, þá þarf að hækka föstu launin svo gríðarlega.

[Jón Þórhallsson, 5.12.2016 kl. 22:27]

Það væri sennilega best að hafa það þannig að þeir

mættu ekki eiga  í neinum fyrirtækjum

í framtíðinni.

[Sigurður Antonsson, 6.12.2016 kl. 01:22]

Hvort kom á undan, eggið eða hænan? Glæpurinn eða krónan. Lögin eða krónan? Hversvegna eiga óvitar í banka að vera með eldspýtur? Er gullkrónan gulltryggð?

Er löggjafinn stikkfrí þegar seðlastjórinn framkvæmir 500 húsleitir og rannsóknir í leit að krónunni? 

Sömu nóttina og herra Renzi tapaði kosningunum um stjórnarskrána á Ítalíu styrktist krónan. Þvílíkir snillingar erum við Halldór. Von að spurt sé um bauginn sem umvefur krónuna. Frelsið frá ESB göldrum, Brexit og Euro? Af hverju eru ekki hreinsanir í Færeyjum? "Ölvið ykkur - á skáldskap eða dyggðum".