Byrjendabragur

fannst mér vera á Kastljósumræðum í sjónvarpinu í gær. Byrjendurnir í stjórnmálum töluðu lengst málið um ekki neitt þar sem þeir greinilega skilja ekki út á hvað stjórnmál yfirleitt ganga. Þau á hægri enda hringsins virtust halda að hægt sé að smella fingrum og þar með sé komin stjórn.

Það er greinilegt að reynsluleysi nýrra þingmanna háir framgangi mála þar sem þeir skilja ekki enn til fulls hvað stjórnmál eru. Og sumir þeirra eldri virðast hugsanlega eiga eitthvað eftir ólært þó lengri viðveru hafi haft á Alþingi. Sama má segja um Forseta Íslands að hann virðist betur hafa átt meira af pólitískri reynslu þegar kom að opinberri útdeilingu sakaramentanna í sambandi við stjórnarmyndunarumboð sem enginn veit í raun hvað er eða hvaðan kemur. 

Það var talsvert annað að hlusta á Guðlaug Þór sem talaði af reynslu og yfirvegun.  Auðvitað sér Guðlaugur Þór hvaða möguleikar eru í stöðunni og líklega sér Sigurður Ingi þá líka. En hugsanlega hefur formaður VG orðið að leika ýmsa biðleiki fram til þessa til að sýna hver sé munurinn á hennar flokki og flokkum byrjendanna. Og líka til að kljást við ólguna innan flokksins þar sem eitthvað virðist vera af gömlum óstýrilátum köttum.

En er ekki að vera kominn tími til að ræða hvað samstarf við VG muni kosta. Hverjar séu minnstu kröfur Katrínar og hvernig þeim megi mæta?

En að öðru leyti var óneitanlega talsverður byrjendabragur á þessum viðræðum í Kastljósi sem ekki skildu mikið eftir sig hjá venjulegu fólki.

Athugasemdir

[Jóhann Elíasson, 14.12.2016 kl. 14:37]

Nú var "Sámur Fóstri" að detta inn um lúguna hjá mér og er ég aðeins búinn að fletta blaðinu.  Þarna er urmull af áhugaverðum greinum og er nokkuð ljóst að næstu dagar fara í blaðið hjá mér.  Ég get ekki betur séð en að mjög vel hafi tekist til og vil ég nota tækifærið til að óska þér til hamingju með blaðið Halldór..

[Halldór Jónsson, 14.12.2016 kl. 17:12]

Í hvaða sveitarfélagi býrðu Jóhann? Ég er forvitinn vegna þess að ég frétti af blaðinu í Grindavík í gær svoa að Pósturinn er aledilis að standa sig.

Og þakka þér fyrir hlý orð í garð Sáms fóstra. Ég var sjálfur nokkuð sáttur við þetta.

[Jóhann Elíasson, 14.12.2016 kl. 17:21]

Ég bý á Ásbrú í Reykjanesbæ.  Það er ekkert að þakka Halldór, það á að nefna það sem vel er gert ekki eingöngu að væla yfir því sem miður fer...

[Erla Magna Alexandersdóttir, 14.12.2016 kl. 17:38]

HALDA BARA EKKI bJARNI OG CO ÁFRAM - ÞVÍ ENGINN VEIT NEITT Í SINN HAUS AF HINU LIÐINU- HANN HELDUR ÞÁ ÁFRAM AÐ LÁTA ELDRIBORGARA OG FATLAÐA BORGA NIÐUR SKULDIR--- ANNARS--- HVAÐA SKULDIR OG HVE LENGI ENN --?

[Sigurgeir Jónsson, 14.12.2016 kl. 22:45]

Ríkisstjórn Sigurðar Inga verður að fara frá.Hún  hefur ekki þingmeirihluta á Alþingi.Aldrei áður frá því ísland varð fullvalda ríki hefur verið við völd á Íslandi ríkisstjórn sem hefur ekki þingmeirihluta eftir að þing kom saman.1959 og 1979 voru minnihlutastjórnir Alþýðuflokksins við völd og höfðu stuðning Sjálfstæðisflokksins,eftir að þing kom saman og störfuðu þar til meirihlutastjórnir höfðu verið settar saman.Það er skýrt í stjórnarskrá að ríkisstjórn verður að hafa stuðning þngsins til að vera við völd.Það eru nýliðar á þingi.Forsetinn er nýliði og virðist ekki geta lesið stjórnarskrána sér til gagns.En mesti nýliðinn er forsætisráðherran,sem rænir völdum með stuðningi foesetans og kemst upp með það.En Sámur frændi er komin aftur á Suðurnesin.Ég býð hann velkominn.

[Hrólfur Þ Hraundal, 14.12.2016 kl. 22:59]

Þó að ég ber ekki mikla virðingu fyrir þessum Sigurði Inga, þá hef ég áhyggjur að vanþroska þínum Sigurgeir Jónsson. 

[Halldór Jónsson, 15.12.2016 kl. 05:35]

Það er nú þroskamerki Hrólfur hjá Sigurgeiri að líka vel við Sám frænda(fóstra?) hvað sem manni finnst um stjórnmálaskoðanir hans, sem eru stundum vel í stórkarlalegra lagi á stundum eins og núna.

Mér finnst nú þessi ríkisstjórn dýralæknisins vera skárri en það sem Birgitta var að fara að bjóða uppá með stærðfræðingnum Smára. Eða hvernig leist Sigurgeiri á það?