Gengisfall

strax segir Óttar Proppé, hljóðmaður, rokkari og og bóksali með gagnfræðapróf frá  Bandaríkjunum.

Endurskoðun peningastefnunnar og tenging við Evruna segir hann líka. Og svo verði greidd atkvæði um viðræður við ESB.Skilur hann yfirleitt hugtök hagfræðinnar?

Benedikt úr TM Software hefur líka látið uppi sína skoðun um nauðsyn gengisfalls og áframhald viðræðna við ESB. Hann ætti að geta skilið afleiðingar tillagna sinna en kýs að ræða þær ekki.

 

Við erum ekki að fara í aðildarviðræður við ESB segir Bjarni Benediktsson. Við eigum eftir að ræða stjórnarskrármálið og fleira sem útaf stendur.

Allt í lygnum sjó og Viðreisn komin 87.5 % til að vera framvegis keppinautur Sjálfstæðisflokksins segir Benedikt. Þorgerður Katrín kemst kannski aftur einhverja túra sem ráðherra á næstu Ólympíuleika.

Gerir almenningur sér ljóst hvaða áhrif það hefur á lífskjörin ef þessir menn fá að ráða genginu með brjóstviti sínu en ekki Seðlabankinn? Allt hækkar í verði og kaupmáttur hrapar.Bílar og bensín rýkur upp.  Grímur í Bláalóninu græðir meira, ferðaþjónustan og útgerðin  fá fleiri mölétnar verðbólgukrónur í vasann til að borga almúganum lægra kaup. Gott innlegg í komandi kjaraviðræður eða hvað finnst Vilhjálmi Birgissyni um það?.

Á að blása á allt vit í peningamálum sem hefur kristallast í Má Guðmundssyni? Hafa þeir Óttar Proppé og  Benedikt Jóhannesson allt í einu vit á við hann og Seðlabankann í hagfræði? Lækka vexti fyrir lántakendur í eftirspurnarþenslunni segja þeir líka. Má bara reka Má sem óþarfan mann?

Á ég virkilega a trúa því að Bjarni Benediktsson ætli að leiða þessa hagfræðilegu ESB-rugludalla í ríkisstjórn?

Athugasemdir

[Sigurður K Hjaltested (IP-tala skráð) 2.1.2017 kl. 20:42]

Sæll Halldór og gleðilegt nýtt ár.

Hvort það verði gleðilegt eða ekki, er

spurningin sem þú ert í raun ert að spyrja um

í þínum góða pistli.

Ef af þessu verður, er BB algjörlega búin að fórna

allri þeirri hugsjón sem sjálfstæðisflokkurinn á að standa

fyrir.

Ég verð að taka undir það sem Geir Harde sagði

á sínum tíma....

"Guð blessi Ísland."

Það áttu aldrei að vera kosningar sl. haust og

hefði aldrei komið til ef BB hefði staðið í

lappirnar og hegðað sér eins og alvöru foringi.

Hann gerði það ekki, og því miður er ástandið

eins og það er og allt vegna kjarkleysis BB.

M.b.kv.

[Halldór Jónsson, 2.1.2017 kl. 21:21]

Já sæll Sigurður og gleðilegt ár. Við gleðjumst allavega inná við ef við fáum okkur bjór.

Bjarni vildi kosningar í haust því hann taldi að staðan yrði verii ef nokkuð væri í vor eftir alla kjarasamninga og slíkt væntanlega eða þannig skildi ég ástæðurnar.

En Viðreisn er eitrað peð fyrir Sjálfstæðisflokkinn sem ég tel betra að þiggja ekki.

[Guðbjörg Snót Jónsdóttir (IP-tala skráð) 2.1.2017 kl. 21:55]

Satt segirðu, Halldór. Hvernig er það eiginlega, getið þið flokksmenn í Sjálfstæðisflokknum ekki þrýst á Bjarna að taka frekar tilboði Sigurðar Inga og Kötu litlu, sem eru að bera víuranr í hann? Eða þýðir það kannske ekki neitt, fyrr en hann hefur reynt það til þrautar að mynda þessa ólánlegu ríkisstjórn með frænda sínum og Óttari, sem mundi án efa leggja niður laupana, áður en þeir vita sjálfir af, eða steyta á skeri í einhverjum málaágreiningnum á þingi? Þar sem ég lít á Bjarna sem afar skynsaman mann og vel greindan, þá hljótið þið flokksmennirnir að geta gert honum grein fyrir því, að lánlegra væri fyrir hann að mynda stjórn með Sigurði Inga og Kötu heldur en hinu tvíeykinu, enda myndi sú stjórn vera bæri sterkari og lánlegri. Ég hvet ykkur Sjálfstæðismenn eindregið til að leggja að Bjarna að ganga til liðs við Sigurð Inga og Kötu, enda hefur hann líka alltaf sagt það sjálfur, að hann vilji helst af öllu mynda meirihlutastjórn heldur en hitt, og það stjórn með mun meiri meirihluta en þessi stjórn mun hafa, sem er verið að reyna að berja saman til þrautar núna. Sú stjórn myndi aðeins lenda í eintómum hremmingum og vitleysu. Skynsamur maður eins og Bjarni á að geta séð það sjálfur, ef hann vill. Ég vil heldur ekki missa Framsóknarráðherrana út úr stjórnarráðinu, t.d. eins og Lilju, og raunar Sigurð Inga líka. Með því að snúa sér að honum og Kötu og mynda sterka ríkisstjórn með þeim, þá væri Bjarni að forða þjóð sinni frá því að þurfa að taka afstöðu til þessarar ESB-vitleysu, og forða sjálfum sér líka frá því að þurfa að bera það rugl fram á borð fyrir okkur kjósendur, - nokkuð, sem á að vera svo sjálfsagður hlutur að liggi til eilífðarnóns neðst í skúffunni í ráðuneytinu, og taka þar með tillit til afstöðu flokksins sjálfs, en ekki síður afstöðu stærsta hluta kjósenda í þeim efnum. Að fara að tengja krónuna við evru, eins og Benedikt og Óttar vilja, er bara tómt bull, enda hef ég ekki lesið það viðtal við nokkurn hagfræðing erlendan enn, sem segir, að evran eigi einhverja framtíð fyrir sér. Það er líka hlægilegt(og mundi vera aðhlátursefni hjá útlendingum), að á sama tíma og hver einasta aðildaþjóð ESB er að velta fyrir sér, hvernig hún getur farið í kjölfar Breta úr sambandinu, þá sé stór hópur hér á landi, sem vill ekki horfast í augu við raunveruleikann í þessu efni og þráir ekkert meira en að vaða inn í brennandi og hrynjandi kofaskrifli ESB. Er það ekki makalaust hreint, að menn skuli vera svona úti að aka í þessum efnum, og vilji hvorki sjá, heyra né skilja, hvernig ástandið er þarna suðurfrá?! Hefur þetta fólk heila? liggur við, að maður spyrji. Ekki er viskunni fyrir að fara a.m.k.. Svo mikið er víst. Nei, það verður að ýta við Bjarna og sýna honum fram á, hvílík glópska það gæti verið að fara inn í þessa ríkisstjórn með Viðreisn og BF, í stað þess að taka tilboði Sigurðar Inga og Kötu, sem eiga þrátt fyrir allt og allt miklu meira sameiginlegt með Sjálfstæðisflokknum en a,m,k, Kata litla vill vera láta með sinn flokk. Þið ættuð því að ýta við Bjarna og fá hann til að vakna og snúa sér að samstarfsflokknum og VG. Það er einasta vitið og það besta í stöðunni eins og er. Annað væri tóm vitleysa.

[Halldór Jónsson, 2.1.2017 kl. 22:15]

Bjarni er kosinn til að stýra flokknum. Við óbreyttir komum ekkert að því þar sem við treystum honum til að rata réttar leiðir. Við höfum hinsvegar okkar skoðanir á mönnum og málefnum eins og þú hefur reyndar greinilega Guðbjörg og ekki svo ólíkar mínum.

Við verðum hinsvegar bara að vona og treysta á Bjarna að hann finni rétta leið fyrir land og þjóð.

[Helga Kristjánsdóttir, 3.1.2017 kl. 04:29]

Kannski hefur hann hæfileika skák'manns og sér nokkra leiki fram í tímann.

[Halldór Jónsson, 3.1.2017 kl. 08:11]

Ætli ekki það Helga mín. Hann er formaðurin okkar og veit kannki eitthvað sem við vitum ekki alveg eins og Trump okkar í Washington.

[Elle_, 3.1.2017 kl. 22:17]

Og mér finnst alveg eðlilegt að Guðbjörg Snót velti fyrir sér hvort þessi hópur, þetta fólk í landinu sem vill taka upp evru og fara inn í eldhafið, hafi heila.  Þau eru allavega ekki í neinum fötum vaðandi um í reyk.