Langavitleysan

á Miklubrautinni er ekki að fara að leysast.

Starfshópurinn sem Hjálmar skipaði til að lækka hámarkshraðann er búinn að ná lýðræðislegri niðurstöðu. 2 á mót 1 samþykkja erindi Hjámars bókmennta-og skipulagsfræðings um að eyða tugmilljónum í blikkljós til að lækka hraðann.Hver bíll verður lengur á brautinni og reykir meira.

Skólakrakkarnir fá áfram að leika sér á gangbrautarljósunum tveimur á brautinni R-listans og horfa á hvernig umferðin stöðvast vestur í Háskóla. Flestir sjá hvað myndi gerast ef þarna væru göngubrýr yfir en ekki borgarstjórnin.Minnihlutamaðurinn í starfshópnum lagði auðvitað til að byggja brýr en sleppa blikkljósunum. En það var auðvitað ekki á það hlustað hvað þá á það að ferðatíminn muni lengjast með lækkun hámarkshraðans. Enda býr auðvitað ekkert annað að baki en að hrekkja bíleireigandann og fá hann til að fá sér hjólhest. Um að gera að skemma og eyðileggja sem mest og framleiða vitleysur. Þetta kusu Reykvíkingar yfir sig og fá að njóta í meira en ár til viðbótar.

Líklega hefur hvergi á Íslandi setið önnur eins afturhaldsstjórn heldur en núverandi borgarstjórn. Borgarstjórinn tilkynnir og tilkynnir um að hann ætli að byggja nýjar íbúðir og RÚV birtir af honum myndir við þau tækifæri. En ekkert er byggt og engar lóðir eru heldur til. Skyldi kjósandinn falla fyrir þessu? 

Langavitleysan á Miklubrautinni við Lönguhlíðina heldur áfram.

Athugasemdir

[Heimir Lárusson Fjeldsted, 2.2.2017 kl. 18:26]

Meira afturhald og sýndarmennska hefur ekki sést í Reykjavík.

[Jón Steinar Ragnarsson, 2.2.2017 kl. 21:09]

Hægari umferð, lengri raðir og hálfur bílaflotinn í lausagangi þýðir margfalda mengun. Frábært fyrir hjólarana hans Hjálmars.

Þeir ætla ser líklega að slá mengunarmetið. 

Verður gaman að fylgjast með þessu.

[Halldór Jónsson, 2.2.2017 kl. 21:32]

Fjeldstedt, það er að minnsta kosti ekki í augsýn.

Jón Steinar, já það verður heilnæmara fyrir skokkarana á túninu. En tréín vaxa betur í meira CO2

[Eðvarð Lárus Árnason (IP-tala skráð) 3.2.2017 kl. 00:05]

Þetta kusu Reykvíkingar yfir sig og fá að njóta í meira en ár til viðbótar. Því miður  eru allar horfur á að við sem búum í Reykjavík komum til með að njóta þess að fá að njóta leiðsagnar félaganna Hjálmars og dags enn um langa hríð.. Sennilega ef íbúar Reykjavíkur yrðu spurðir  Er eitthvað til sem heitir minnihluti.  Mörgum mundi vefjast tunga um tönn, sennilega fæstir sem spurðir yrðu, gætu svarað því hvaða fólk væri í minnihluta.  Framsókn hefur ekki átt mikið fylgi í Reykjavík, en öðru vísi áður var þegar Sjálfstæðisflokkurinn átti leiðtoga, en nú er hjörðin sem studdi Sjálfstæðisflokkinn,ranglar stefnulaus um og lendir í netum falsspámanna.

[Sigurður M Grétarsson, 3.2.2017 kl. 10:18]

Minni hraði dregur úr eldsneytiseyðslu og minnkar þar með mengun en eykur hana ekki. Það sem þó er mikilvægast er að minni hraði minnkar hávaða frá bílaumferð og svifryk sem eru aðal vandamálin á þessum stað. Á annatíma í umfeðinni er umferðahraðinn hvort eð er minni en hámarkshraði. 

Besta lausnin er ekki sú að setja fullt af göngubrúm heldur að setja Miklubrautina í stokk þannig að ökumenn geti verið sjálfir í sinni mengun en aðrir séu lausir við hana og þar með líka hávaðamengunina og svifryksmengunina.

[Þorsteinn H. Gunnarsson, 3.2.2017 kl. 10:43]

Gangbrautarljós eiga ekki að tefja umferð og allra síst á að leyfa unglingum að vera að djöflast í ljósunum, en þau fá að vera óáreitt í þeim verkum það er að virðist.

Það er nú lítið mál að koma fólki yfir götu án þess að þurfa að stöðva alla bílaumferð.

Við notum lyftur til að komast upp í háum húsum og þá ganga þær lóðrétt upp. En lyftur geta líka gengið lárétt. Þess vegna er viturlegast að setja göng á miklar umferaðgötur og síðan væru settar haganlegar lyftur sem gengju fram og til baka. Göng hafa verið illa séð af umferðayfirvöldum í Reykjavík og hefur verið borið við að þar gætur leynst hættur og það sé illa gengið um þau. En vitanlega þarf umsjón með slíkum hlutum. Láréttar brautir knúnar áfram með innlendri orku er það sem koma skal og aðgreina þannig umferð fótgangandi og vélknúinnar umferðar sem er lífsnauðsyn.

Hér fyrr á tíð fór almenningur yfir jökulár í kláfum, þetta er samskonar nema nú er þetta neðanjarðar og útbúnaður mikið betri og traustari. Hvað heldur þú verkfræðingur, er þetta eitthvað flóki mál og myndi þetta ekki greiða fyrir umferð vélknúinna ökjutækja? 'Eg ók Sæbrautina nú inn í Kópavog á 60 km hraða viðstöðulaust ,en það voru nokkrir sem voru að æfa sig á 40 en lenntu fljótt á ljósum.

[Sigurður M Grétarsson, 3.2.2017 kl. 13:44]

Ég segi enn og aftur. Það er mun skynsamlegra í þéttbýli að setja miklar umferðaæðar í stokk heldur en að setna göngubrýr eða undirgöng fyrri gangandi og hjólandi vegfarendur. Þannig losna íbúar við hávaðamengun og svifryksmengun frá unfeðinni og umferðaöryggi verður mun meira enda geta þá gangandi og hjólandi vegfarendur farið hvar sem er milli staða í stað þess að leggja lykkju  á leið sína að næstu brú eða undirgöngum.

Með þessu er líka hægt að byggja á því umferðahelgunarsvæði sem er milli stofnbrauta og byggðar vegna hávaða og mengunar frá umferð. Þannig er hægt að þétta byggð án þess að þrengja ða neinum ásamt því að tengja saman hverfi sem eru sundruskorin hvort frá öðru með umferðaæðum. Þannig má ná fram meiri nærþjóðnustu því það eru fleiri viðskiptavinir í göngufæri auk þess sem þetta gefur meira svigrúm í skipulegi skólahverfa og þjónustumiðstöðva fyrir hverfi. Þetta hagræði auk sala á lóðum á umferðahelgunarfsæði bætir upp kostnaðinn umfram það að búa til allar þessar brýr og undirgöng auk þess að bæta verulega lífsgæði í hverfum nálægt stofnbarutum umferða.

Setjum bílana ofan í jörðina en ekki fólkið.

[Þorsteinn H. Gunnarsson, 3.2.2017 kl. 14:24]

 Mengun í stokk fer fyrr eða síðar upp á yfirborðið. Ekki atlið þið að setja það sem er hugsanlega eftir af Samfylkingunni í gasið og loka stokkunum?

[ls (IP-tala skráð) 3.2.2017 kl. 14:58]

Bíll sem fer hægt eyðir meiru og mengar þar af leiðandi meira pr. ekinn kílómetra en bíll sem fer á hagkvæmasta hraða. Mest mengar hann þó þegar hann fer af stað úr kyrrstöðu, hvort sem er rætt er um loft- eða hávaðamengun. Því greiðari sem umferðin er, því minna mengar hún.

[Halldór Jónsson, 3.2.2017 kl. 17:05]

Eddi vinur, því miður er þetta nokkuð rétt lýsing á ástandinu í Borgarpólitíkinni og spádómur þinn líklega réttur meðan enginn Davíð endurborinn birtist. Þetta er ónýtt lið allt saman eða það er búið að berja það í rot af allri heimskunni sem fer fram í þessu afkáraleikhúsi Hjalla og Dags.

[Halldór Jónsson, 3.2.2017 kl. 17:06]

Hvort skyldi vera ódýrara að bora göng undir Miklubrautina á tveimur stöðum fyrir gangandi eða setja brautina í stokk sem þyrfti að loftræsa vélrænt. Sigurður Grétar virðist ekki hafa hugmynd um hvað hann er að tala um að mínu viti.

[Halldór Jónsson, 3.2.2017 kl. 17:07]

Is hefur auðvitað rétt fyrir sér.

[Þorsteinn H. Gunnarsson, 4.2.2017 kl. 09:24]

Það væri hægt að setja svona göng  niður á einni nóttu með góðu skipulagi. Grafa og setja drenlagnir. Hýfa svo forsteyptar passlegar einingar niður pg skeyta saman. Setja svo lyftuna þegar borgarstjóri væri vaknaður. Búið um kaffi.