Selja ríkisbankana

segir Friðrik Sophusson minn gamli stjórnmálaforingi í viðtali á Sögu.

Já, einu sinni trúði ég á einkaframtakið og dáðist að Björgólfunum sem gátu keypt Landsbankann. Keypti sjálfur hlutabréf í bankanum þeirra.Og tapaði skyrtunni á því.Af hverju? Voru þeir meiri glæpamenn en þeir sem næstir taka við svona banka?

Nú er bankinn í höndum ríkisins og græðir ógrynni fjár í sömu húsakynnum og minn banki og Björgólfanna var rekinn í undir sömu málverkunum. Ég á bara ekkert nema sem einn af nafnlausum Íslendingum.

Selja bankann? Hver getur keypt? Björgólfarnir gætu auðvitað keypt ef við bara lánum þeim fyrir honum eins og við gerðum í fyrri umferð?

Lífeyrissjóðurinn minn getur keypt. Ef hann fer með bankann á hausinn og hlutabréfin falla eins og bréfin hans í Flugleiðum, þá verður það bara ég sem tapa. Minn lífeyrir fer í tapið. En furstinn sem stjórnar lífeyrissjóðnum mínum, maður sem ég kaus ekki, þekki ekki, en situr í stjórnum allra félaga sem lífeyrissjóðurinn minn á, hann verður áfram á rosakaupi og veltir sér í lúxus.

Svo Friðrik minn Sophusson, mitt gamla átrúnaðargoð og andlegur leiðtogi! Hefur nokkuð breyst í okkar hugmyndaheimi? Trúum við á einkavæðinguna eins og við gerðum?

Þú situr í þínum fílabeinsturni inni við Kirkjusand. Ég fæ ekki einu sinni auglýsingu í blaðið mitt hjá bankanum þínum hvað sem ég væli. Ég fæ ekkert fyrir hlutabréfin mín gömlu í Íslandsbanka sem ég sparaði saman í tryggð í áratugi.  Allt tapað. En þú hefur það líklega veltigott.

Hvar eru hin fornu hugsjónalönd æsku minnar? Hvar eru mínar gömlu stjórnmálahugsjónir?

Til hverra eiga bankasölurnar að fara Friðrik minn? 

 

 

Athugasemdir

[Hafsteinn Reykjalín (IP-tala skráð) 8.2.2017 kl. 16:07]

Á sínum tíma studdi ég Friðrik Sóf. og fl. sem fóru geyst, Báknið burt, var kjörorðið, í kosningum báðu þeir mig um að leggja til bíla til að flytja fólk á kjörstaði sem ég og gerði, ( ég rak þá bílaleigu, 8-12 bíla hverju sinni. Aldrei boðin borgun fyrir né sagt takk fyrir. Þessir félagar mínir komu sér í flott embætti og fóru geyst, sérvöldu ýmsa og veittu þeim gróðvænleg fyrirtæki og banka og sparisjóði.  Allir þekkja þá sögu. Það voru fleiri sem töpuðu, ekki bara skyrtunni, heldur húsinu sínu, öllum sparnaði og  vinnunni. En Friðrik og fl. ( nefni engin nöfn) hafa komið sér vel fyrir, innan Báknsins og Bankanna, lifa flottu lífi með allskyns fríðindi sem þeir skyrtu lausu hafa ekki. Ég fékk mig saddan. Loforð, slægni, frekja og goðahyggja lifir enn góðu lífi.

Bankastjórar hæla sér af því hvað þeir eru færir í að okra á almenningi og láta frétta menn fylgjast vel með hvað þeir hafi haft af almenningi marga tugi milljarða árlega, og frétta menn ofsalega kátir með þessa snillinga.

Ég er sammála Styrmi,þetta er ógeðslegt.

[Halldór Jónsson, 8.2.2017 kl. 16:16]

Hafsteinn listamaður, minn vinur, Reykjalín. Þú snertir sannarlega taug í mínu brjósti. Þetta var nefnilega talsvert þannig. Þeir sem æptu hæst um báknið burt komu sér bara sjálfir fyrir innan í því og líður vel.Við erum fyrir utan og finnst kannski að við höfum verið hafðir að fíflum.

[Elle_, 8.2.2017 kl. 21:26]

Selja bankann? Hver getur keypt? Björgólfarnir gætu auðvitað keypt ef við bara lánum þeim fyrir honum eins og við gerðum í fyrri umferð?

Já hvað þetta er vitlaust. Svo ganga um hér menn sem færa endalaust eigur úr ehf-um eða strax og þeir skulda. Líka blásaklausu fólki. Saklaus bakari frá Þýskalandi varð fyrir svona þjófi á Íslandi, hann bakaði brauð fyrir hann fyrir milljónir, var svikinn og tapaði öllu.

Eru engin viðurlög við þessum ehf-síbrjótum og síþjófum? Og ef ekki, hvað veldur að á Íslandi er svo ofur auðvelt að stela af manni? Það er ekki eins og þessi endalausi ehf-þjófnaður Rafna þessa lands sé bara óvart. Þjófnaðurinn er planaður og skipulagður.

[Steindór Sigurðsson (IP-tala skráð) 9.2.2017 kl. 03:01]

Já haldiði svo bara áfram að kjósa sjálfstæðisflokkinn því þá er alveg öruggt að það lagast ekki neitt. En svo gleymduð þið að tala um afskriftirnar sem Bankarnir veita "bara sumum". Þeir sem njóta afskrifta, eru orðnir eigendur Íslands. En um að gera kjósa Sjálfstæðisflokkinn.

Verði það bara best sem vitlausast.

[Halldór Jónsson, 9.2.2017 kl. 07:30]

Steindór minn, eina stjórnmálaaflið sem getur breytt einhverju er innan Sjálfstæðisflokksins. Hitt er bara stefnulaust og sundurlaust fíflamengi sem ekkert getur.Sjáðu Pírataflokkinn, heldurðu að Birgitta geti breytt einhverju? Eða Katrín Jakk? Bara tuðar og tuðar.

Sjálfstæðisflokkurinn hefur hugsjónagrundvöll. Hann ber af leið öðru hverju. En hann reynir samt að gera eitthvað af viti. Og það eru bara flokksmennirnir sem gera það.

Ef þú tekur höndum saman við þá sem hugsa líkt og þú þá er sjans að eitthvað gerist. En að sitja í horni og fjargviðrast eða kaldhæðnast eins og þú gerir leiðir ekki til neins.

Sjálfstæðisflokkurinn hreinsar sig yfirleitt sjálfur með tímanum þó að Münchausenar blekki marga stundum. Flest fólk vill vel en það að þekkja sauðina frá höfrunum, það er flokksmannsins, Stundum tekst vel og saman geta menn náð árangri.En einn og sér nær engu fram.

[Hafsteinn Reykjalín (IP-tala skráð) 9.2.2017 kl. 15:27]

Á sínum tíma studdi ég Friðrik Sóf. og fl. sem fóru geyst, Báknið burt, var kjörorðið, í kosningum báðu þeir mig um að leggja til bíla til að flytja fólk á kjörstaði sem ég og gerði, ( ég rak þá bílaleigu, 8-12 bíla hverju sinni. Aldrei boðin borgun fyrir né sagt takk fyrir. Þessir félagar mínir komu sér í flott embætti og fóru geyst, sérvöldu ýmsa og veittu þeim gróðvænleg fyrirtæki og banka og sparisjóði.  Allir þekkja þá sögu. Það voru fleiri sem töpuðu, ekki bara skyrtunni, heldur húsinu sínu, öllum sparnaði og  vinnunni. En Friðrik og fl. ( nefni engin nöfn) hafa komið sér vel fyrir, innan Báknsins og Bankanna, lifa flottu lífi með allskyns fríðindi sem þeir skyrtu lausu hafa ekki. Ég fékk mig saddan. Loforð, slægni, frekja og goðahyggja lifir enn góðu lífi.

Bankastjórar hæla sér af því hvað þeir eru færir í að okra á almenningi og láta frétta menn fylgjast vel með hvað þeir hafi haft af almenningi marga tugi milljarða árlega, og frétta menn ofsalega kátir með þessa snillinga.

Ég er sammála Styrmi,þetta er ógeðslegt.