Brennivín og bankarnir

skipta mig ekki lengur máli á hugsjónalegum grundvelli.

Mér er algerlega meinalaust þó ÁTVR sé áfram í núverandi mynd. Það þarf bara að passa að spilling þrífist þar ekki innandyra. Að útibússtjórar mismuni ekki seljendum með hilluröðun. Úrvalið er í fínu lagi í verslununum. Verðið er auðvitað brjálað. En ég held að ég myndi ekki drekka neitt meira þó það væri billegra. Og ég held héðan af að ég myndi ekki drekka neitt minna þó það kosti áfram svipað. Ég gef ekkert fyrir þetta Viðskiptaráð eða gírugheit Haga. Ég treysti þeim ekki til að velja sprútt fyrir mig.Hver segir að þeir verði minna spilltir? Eða skemmtilegri?

Ríkisbankarnir græða sem aldrei fyrr. Af hverju er ekki hægt að fá opinbera starfsmen til að reka banka? Við klikkuðum alltaf mest á því i gamla daga að ráða einhverja pólitíska apa sem bankastjóra sem höfðu auðvitað ekki hundsvit á peningum né bankamálum, auk þess stundum bullandi spilltir að lána sér og sínum flokksmönnum. Það á alveg að vera hægt að ráða heiðarlegt fólk til ríkisins eins og til annarra fyrirtækja.Það er mér engin pólitísk sáluhjálp lengur að Landsbankinn eða Íslandsbanki megi ekki vera ríkisbankar svo lengi sem þeir eru ekki settir undir stjórn fífla eða spilltra einstaklinga. Já, það er það eina sem þarf að passa því annað er bara heilbrigð skynsemi. Því það getur hver sem er rekið banka ef hann er hvorki glæpamaður né fífl. Það þarf enga sérstaka snillinga í það, það sannar sagan svo um munar.

Svo eitthvert frjálshyggjutrúboð virkar ekki á mig framar. Ég ber hvorki virðingu fyrir bönkum, bankastjórum  né brennivíni lengur.

Athugasemdir

[Hrólfur Þ Hraundal, 8.2.2017 kl. 20:27]

Því er haldið fram hér á Íslandi að brennivín og ekki bara brennivín heldur allt vín þurfi að vera dýrt til að forða fátæklingum frá því að gera sér og vinum sínum glaðan dag.

 Vín á Íslandi er því einkum til handa heldrimönnum og snobbhænsnum með rúm fjárráð og þar með ósæmilegt að sauðsvartur almúginn njóti guðaveiga til jafns við andans jöfra og efnamenn.   

[Halldór Jónsson, 8.2.2017 kl. 20:32]

Setti ekki Skallagrímur á sykurskatt svo veaalingarnir gætu nú ekki tekið upp á því að leggja í?

[Hrólfur Þ Hraundal, 8.2.2017 kl. 21:08]

Jú rétt hjá þér Halldór Skallagrímur, sá ódámur réðist að fátæklingum og stal frá þeim þeirra eina möguleika til að gera sér glaðan dag.  

Sjálfur gat hann hætt að brugga því hann var komin með ráherra laun.  

[Tómas Ibsen Halldórsson, 9.2.2017 kl. 10:22]

Sælir félagar, Halldór og Hrólfur.

Getum við ekki í sameiningu keypt eitt stykki banka á uppsprengdu verði og fengið lán hjá bankanum sjálfum?  Við látum síðan hagnað bankans fara í að greiða skuld okkar eftir að við höfum tekið út ríflegan arð.

Við hljótum að geta þetta eins og Björgólfarnir, við myndum bara passa okkur betur en þeir, verða ekki og gráðugir, eða þannig.

[Jónas Gunnlaugsson, 9.2.2017 kl. 14:43]

Heyrðu Tómas, við kaupum að sjálfsögðu tvo banka.

Tökum 100 miljarða lán í Arion, og kaupum Landsbankann.

Síðan tökum við 100 miljarða lán í Landsbankanum, og kaupum Arion banka.

Þá skulda þeir hvor öðrum 100 milljarða.

Með öðrum orðum skulda þeir ekkert.

Egilsstaðir, 09.02.2017  Jónas Gunnlaugsson

[Tómas Ibsen Halldórsson, 9.2.2017 kl. 14:58]

Já, þarna komstu með það Jónas alveg snilldar áætlun. Kaupa tvo banka á lánum og skulda ekkert, frábært, sláum til.

[Halldór Jónsson, 9.2.2017 kl. 17:24]

Þið gleymið því að þetta styrkir efnahag beggja því með bankamargfaldaranum gefa þeir út rafeyri í miklum mæli og geta lánað okkur miklu meira.

[Jónas Gunnlaugsson, 9.2.2017 kl. 19:01]

Já Halldór, Wells Fargo kom sér upp apparati til að leggja inn og taka út af reikningum, og ég auðvitað skáldaði að þeir hefðu búið til forrit til að auka framleiðnina á peningabókhaldi.

Svona er hægt að búa til peninga, bókhald, peningar eru aðeins bókhald. Þetta er , bara, svona grín, eins og þessi gamla færsla. Fluga á vegg.

 Kostur bókhaldsins, peninganna, hægt er að afskrifa mistök. Þú hendir 99% vandræðum, aftur fyrir þig, þá eru mistökin ekki að angra þig. Eina prósentið, 1%, það sem gengur vel, heldur í okkur lífinu. Þegar við lögum kerfið, verðum við að muna þetta.