Persónuvernd?

og ýktar hugmyndir um hana hafa valdið gríðarlegu tjóni í íslensku samfélagi. Virðist það vera í réttu hlutfalli við útþenslu stofnunarinnar sem fjölgar nokkuð einkynja starfsliði sínu nokkuð stöðugt. Mér varð ljóst af fyrirlestri forstjórans á dögunum að hugmyndir stofnunarinnar  standa til mikillar útþenslu með víðtækum heimildum til forskrifta fyrir þjóðina og víðtæks refsivalds ef ekki er hlýtt. Þetta er dæmi um galna útþenslu ríkisstofnunar vegna sjálfbærra innanbúðar hugmynda um eigið ágæti og nauðsyn.Í dag var verið að auglýsa eftir tveimur nýjum stöðum lögfræðinga hjá Persónuvernd.

Fyrsti skaðinn sem þetta persónubull olli var þegar gagnagrunnur Kára á heilbrigðissviði var eyðilagður. Þvílíkt vísindalegt tjón sem þetta orsakaði í heilbrigðismálum fæst ekki bætt.

Karen E. Halldórsdóttir(já hún er dóttir mín með sjálfstæðar skoðanir sem hún ber ekki undir mig) og varaformaður bæjarráðs Kópavogs leggur til að Alþingi grípi inn í og takmarki rétt fólks á grundvelli Persónuverndar til að setja samborgara sína í hættu. Hún vill að foreldrar hafi ekki leyfi til að senda óbólusett börn á leikskóla þar sem þau geta smitað önnur börn. Hliðstætt því að menn mættu ganga með hlaðnar byssur ofan í miðbæ á laugardagskvöldum eða vera á almannafæri með smitandi fjöl-ónæma berkla eða HIV -smit eins og hverjir aðrir óskimaðir hælisleitendur.

Hvar byrja hagsmunir almennings og hvar endar persónuvernd einstaklingsins? Ríkið kostar alla menntun einstaklingsins. Á það ekki að ráða því hvaða bólusetningu hann fær eins og var með kúabóluna í gamla daga sem nú er víst orðin valkvæð. Á það ekki líka að ráða því hvað er gert við líffæri þeirra sem deyja vegna hagsmuna eftirlifenda? 

Alþingi þarf að taka sig saman í andliti og fara að ræða eitthvað annað sem er meira aðkallandi en brennivínsmál eins og þessi bólusetningarmál og gjaldtöku af ferðamönnum sem eru að eyðileggja vegakerfið og náttúruperlurnar okkar vegna persónuverndandi ræfildóms.