Rannsóknaráráttan

er heilkenni( syndrome) sem tröllríður íslenskri þjóðarsál. 

Alveg frá í hruni þegar Rannsóknarnefnd Alþingis réðist í að skrifa langhundinn um liðna atburði, hefur hver skýrslan rekið aðra. Út úr þeim kemur eiginlega ekki neitt sem praktíska þýðingu hefur. Það er verið að fjalla um löngu liðna og fyrnda atburði. Menn eru andsetnir af því að skrifa skýrslur undir því yfirskyni að menn eig að draga einhverja lærdóma af þessum löngu liðnu atburðum. Auðvitað allt fyrnt og týnt og tröllum gefið. Eina sem er bitastætt er það að Ólavius Ólavíus er hafður i vönduðu einelti sem versti maður Íslands. Og ekkert á hann að hafa þar sem þetta er allt týnt og fyrnt.

Er ekki mál að linni. Ef ekkert er hægt að hánka manninn á eigum við ekki að að viðurkenna staðreyndirnar. Maðurinn var bara snjallari en allir hinir eftiráspekingarnir, sem þykjast núna hafa vitað allt upp á hár og gott betur. Villi Bjarna er ekki í þeim hópi.  Maðurinn Ólavíus Ólavíus er að ljúka afplánun með ökklabandi og þar með basta. Þeir sem vilja kaupslaga við hann eins og Samfylkingin og Dagur Bergþóruson  hafa góða lyst á, þeir bara gera það. Og Píratar signa yfir enda flökrar þeim ekki við smávegis misnotkun í húsnæðismálum stúdenta.

Eigum við ekki að hætta að hundelta manninn Olavíus Olavíus svona? Einelti þykir ljótt á Lögreglustöðinni, í leikskólum eða hvar sem er. Leyfum manninum að vera í friði, Það liggur fyrir hvað hann gerði og það hefur engan tilgang að vera að skrifa doðranta af eftiráskýringum á ríkisins kostnað ef allt er bara fyrnt. 

Við lærum nefnilega aldrei af reynslunni, það er fyrsta blekkingin í næstu einkavæðingarhrinu. Rannsóknaráráttan leysir ekkert fyrir okkur nema skaffar völdum mönnum vinnu.

 

 

Athugasemdir

[Þorsteinn Siglaugsson, 3.4.2017 kl. 14:51]

Það liggur fyrir hvað hann gerði vegna þess að það er niðurstaðan úr rannsókninni. Ef rannsóknin hefði ekki farið fram lægi það ekki fyrir.

[Óskar Helgi Helgason (IP-tala skráð) 3.4.2017 kl. 16:44]

Sæll Halldór jafnan - sem og aðrir gestir, þínir !

Halldór !

Um leið: og þakka má, fyrir gagnlega ábendingu Þorsteins Siglaugssonar hér efra, (kl.14:51), vil ég minna þig á / sem og aðra, að Ólafur Ólafsson:: títtnefndur, verðskuldar ekki minni refsingar fyrir þjófnaði sína, en Lífeyrissjóða burgeisarnir, með Gylfa Arnbjörnsson EINKA ''eiganda'' ASÍ samsteypunnar innanborðs, hins þjála verkfæris Samtaka atvinnulífsins og Viðskiptaráðs, ásamt all nokkrum meðlima þeirra líka, fornvinur góður.

Minni þig á Halldór - sem og aðra skrifara og lesendur hér: hjá þér, að Kristján I. Danakonungur (1448 - 1481) t.d., fór engum Silkihönskum um glæpamenn í sínu ríki.

Í einum íslenzku annálanna (Annálar Íslands 1400 - 1800), út gefnum af Hinu íslenzka Bókmenntafjelagi (man ekki reyndar hvort um Fitja- eða Setbergs annál, eða einhvern annan var að ræða), á 3.ða áratug síðustu aldar kom fram í frásögu, frá árinu 1473 (misminni mig ekki).

''Þá: lét kóngurinn (Kristján I.) hengja, og síðan sjóða (líkast til í Blý eða Brennisteinsblöndu) einn falskan myntara (myntfalsara)''

Þó svo - ég eigi ekki lengur Annálana, er mér þessi frásaga jafnan minnisstæð, ekki hvað sízt í ljósi atburðanna hér á landi:: oftlega, fyrir og eftir Haustið 2008, Verkfræðingur góður.

Eða: hvaða leiðir, þættu þér vænlegar Halldór, til þess að refsa þjófa- og ræningja gengjum annarrs, í okkar samtíma ?

T.d., fornvinur góður ?

Svo - í minnum mætti hafa, um ókomnar aldir og árþúsundir ?

Með beztu kveðjum: sem endranær - af Suðurlandi /  

[Jóhann Elíasson, 3.4.2017 kl. 17:47]

Þetta er heila málið,  það vantar ekki að allt sé rannsakað það eru skrifaðar fleiri hundruð og fimmtíu skýrslur og skipaðir starfshópar en svo er EKKERT gert vegna þess að enginn vill taka ábyrgð og taka á hlutunum.  Stóra meinið er að rannsóknaræðið er algjört en svo er EKKERT framkvæmt AF ÞVÍ SEM KEMUR ÚT ÚR RANNSÓKNUM.  Þetta er stærsta vandamál þjóðfélagsins.

[Jón Steinar Ragnarsson, 4.4.2017 kl. 02:53]

Mér finnst allt í lagi að það liggi fyrir einhver skoðun á þessum málum. 

Ég lít ekki á það sem neinar nornaveiðar að kafa í þetta. Held að það sé jafn mikilvægt ef ekki mikilvægara að hreinsa menn sem liggja undir brígslum og fordæmingu, eins og að hanka einhverja sökudólga.

Skil ekki af hverju menn sporna við því. Það vekur bara enn meiri tortryggni til stjórnmálamanna og fjármálastofnanna. Ég myndi gjarnan vilja vita hvort hvoru tveggja er treystandi.

Er samt efins um að hinir grunuðu að hluta stýri slíkri rannsókn.

Mikið talað um Framsókn og Sjálfstæðisflokk í þessú samhengi, en búið að skrifa Samfylkinguna og VG út úr sögunni einhverra hluta vegna.

Ég vil vita aðkomu allra að þessu. Fyrr verður varla hægt að vinna traust.

[Halldór Jónsson, 6.4.2017 kl. 07:08]

Jón Steinar

Einn vinur minn segir að pólitískt traust sé bara einnota, Það verði aldrei endurræst.Treystir þú einhverjum þo hann sé búinn að afplána? Kýstu þann aftur sem er búinn að svíkja?