Dregur til tíðenda?

í Norður Kóreu?

Bandaríkin virðast telja flotadeildir sínar eiga eitthvert erindi austur þangað. Sem er varla nema von þegar mannvitsbrekkan Kim Il Jong spekúlerar upphátt í því að senda atómbombur með rakettum til Bandaríkjanna án sérstaks tilefnis.  Annað eins myndi Ameríkönum hafa þótt ískyggilegt tal hér áður fyrr.

Getur veröldin yfirleitt búið við það að slíkt stjórnkerfi fái að leika lausum hala mikið lengur? Væri ásættanlegt að klíkur eins og ISIS eða Hamas fái kjarnorkusprengjur til að leika sér að? Er yfirleitt ásættanlegt lengur í henni verslu að stríðsherrar og glæpamenn ræni völdum og haldi þeim hingað og þangað?  Er yfirleitt hægt að líða stjórnir SaudiArabíu, Sýrlands,Iran  og fleiri slíkra landa og umgangast þær sem jafningja? 

Þurfa Sameinuðu Þjóðirnar ekki að fara að gera meiri kröfur til stjórnvalda og lýðréttinda á hverjum stað? Mun ekki annars draga til meiri tíðinda vegna hinna sem þurfa að lifa í sama heimi og glæpamennirnir sem ræna völdum ef þeir komast upp með það? 

 

Athugasemdir

[Jón Þórhallsson, 10.4.2017 kl. 09:14]

SAMEINUÐUÞJÓÐIRNAR / ÖRYGGISRÁÐIÐ er og mun alltaf verða í gíslingu rússa og kína

á meðan að þær þjóðir hafa neitunnarvald þar á bæ;

= Og þess vegna geta þær ekki starfað eðlilega eins og þær ættu að gera:

Rússar valda Assad í Sýrlandi 

og Kína valdar litla bróður í N-Kóreu.

[Húsari. (IP-tala skráð) 10.4.2017 kl. 10:01]

Sæll Halldór.

Nú ná menn engu sambandi við
hinn ástsæla leiðtoga Kim Jong-il
nema í gegnum andaglasið en sonur hans
Kim Jong-un sem nú ræður ríkjum
er kraftaverkamaður sem mestur má verða
en fúin og feyskin tré umbreytast í
epliberandi og blómgandi við í návist hans.

Í seinni tíð má greina þreytu meðal
Kínverja vegna þessa ríkis og að
þolinmæði þeirra sé í raun löngu þrotin.

Fátæktin í þessu ríki á fátt sameiginlegt
með fátækt á Íslandi en matargjafir til
sveltandi lýðs berast þar eins og víðar
sjórnvöldum einum.

[Jón Þórhallsson, 10.4.2017 kl. 10:12]

Hvers vegna ætti alþjóðasamfélagið að smyrja nestið ofan í óvinaherinn í N-kóreu?

[Húsari. (IP-tala skráð) 10.4.2017 kl. 11:10]

Jón! Einræðisríki á borð við N-Kóreu
á sér engan líka á jörðinni.

Engin þau réttindi sem menn líta á
sem sjálfsagðan hlut á Vesturlöndum
eru til staðar almennum borgurum og
hungursneyð er næsta árleg í ríki þessu.

Við ramman er reip að draga því stjórnvöld
í N-Kóreu afþakka matargjafir 'heimsvaldasinna'
því hafa verið farnar aðrar leiðir í þessu efni.

Almennir borgarar þessa sérstæða ríkis 
hafa fæstir haft val um stöðu sína og
neyð þeirra á að varða samvizku sérhvers manns 
án tillits til stjórnmála.

(Kim il Sung er guð í N-Kóreu en fáir utan ríkisins
hafa orðið til að taka þá trú og því ekki auðvelt
að vísa til trúarskoðana)

[Jón Þórhallsson, 10.4.2017 kl. 11:19]

Væri einhver hepplegur til að taka við keflinu af Jong-il einræðisherra í N-Kóreu ef að honum væri komið fyrir kattarnef?

[Húsari. (IP-tala skráð) 10.4.2017 kl. 11:51]

Jón! N-Kóre er skilgetið afkvæmi
sigurvegaranna í Seinni heimsstyrjöld
sem skiptu Kóreuskaganum á milli sín.

Því eru breytingar og að dragi til tíðinda
jafn líklegar og að það þótti ólíklegt
að Berlínarmúrinn hryndi 9. nóv 1989.

[Bjarne Örn Hansen (IP-tala skráð) 10.4.2017 kl. 21:12]

Sko, EF þessi kall sem kallast Ping Jong Tong ... eða hvað hann nú heitir. Sé eins "hættulegur" og kjánaprikið hann Jón hér heldur ... myndi hann nota þessar fáu kjarnorkusprengjur sem hann til að granda þessum flota.

Hvaða "hálfvit" sem er, getur búið til kjarnorkusprengju ... að gera slíkt vopn, eða eitthvert geislavirkt vopn er ekkert vandamál.

Að til slíkt, sem EKKI springur í höndunum á þér ... er aftur á móti vandi. Og Ef þessi Kim Jong pong tong, eða hvað hann nú heitir ... eyðir tíma í það að búa til slíkt kerfi, kringum þetta bjákn sitt ... eru ENGAR líkur á því að hann noti það.  Slík vopn, byggir maður ... TIL AÐ EKKI NOTA ÞÆR.

Þessi speki, fer sjálfsagt fyrir ofan garð og neða á trúar fostækisfólkinu ... sem heldur að það lifi á síðustu tímum, og Guð sé að koma til jarðarinnar og "verðlauna" þá ... en kasta öllum hinum 99% mankynsins í helvíti.  Þetta "svokallaða" GÓÐA FÒLK, hefur sjálfsagt aðrar hugmyndir um þessa hluti ... enda vonast það eftir að Guð komi sem fyrst.

Sjálfur hef ég engan áhuga á að hitta kauða, því ég fer ábyggilega til helvítis fyrir að vera bjáni.

[Halldór Jónsson, 10.4.2017 kl. 21:58]

Það er rétt Bjarne að ósprungin bomba er virðulegri en hin. En það er ekki víst að hann Trump sætti sig við tilvist hennar að óbreyttu.

Heldurðu að hann Gussi á loftinu komi til PongPing og reddi þessu fyrir þá sem þess þurfa?

[Húsari. (IP-tala skráð) 10.4.2017 kl. 23:53]

Sæll Halldór.

Það er nokkuð til í þessu hjá honum Bjarne
því áttræðir hershöfðingjar hafa átt
fótum sínum fjör að launa að verða ekki
sjálfir fyrir þeim tilrunaeldflaugum sem
drengstaulinn í norðri hefur skotið á loft, -
og slegið flest Ólympíumet á þeim hlaupum!

[Húsari. (IP-tala skráð) 11.4.2017 kl. 10:37]

[Anna Sigríður Guðmundsdóttir, 12.4.2017 kl. 15:08]

Lífið á jörðinni er síhvikult, og fer eftir hvernig sjálfstætt hugsandi einstaklingar með frálsan meðfæddan vilja á jörðinni hugsa og framkvæma. Til að sá og rækta þessa eilífu og síbreytilegu kviku órjúfanlegu jarðlífskeðjunnar.

Enginn einn getur breytt né betrumbætt hugafarsins áhrifabresti mólekúlanna.

Gott í óvissunni, að byrja á að sjá og hugleiða innihald myndbands á youtube. Um eitt af lífsins nauðsynlegustu efnum, til að lifa af. Þvert á ríki og þvert á pólitíska reiðinnar niðurrifrildis og skemmdarverkanna blekkingarflokka. Maður getur alla vega reynt að gefa góðu orkunni möguleika?

Ég ætla að byrja á sjálfri mér, og ef ég get bætt hugarfar mitt, þá hefur það kannski áhrif til bóta með keðjuverkandi áhrifum, ef fleiri reyna líka sitt besta.

Engin öreind í alheimsveröldinni er eyland. Engin keðja er né verður heilli, sterkari né betri en ryðgaðasti, veikasti og sjúkasti hlekkurinn.

youtube:

Positive & negative Energy Effeckts on Water Crystals.

M.b.kv.

[Anna Sigríður Guðmundsdóttir, 12.4.2017 kl. 15:12]

Positive & negative Energy Effeckts on Water Crystals

[Anna Sigríður Guðmundsdóttir, 12.4.2017 kl. 15:17]

Eitthvað hér fyrir ofan er bogið við táknið fyrir: og

Hef ekki vit á hvers vegna. Fyrirgefið mér það vitleysi.

M.b.kv.