Hver á að borga?

skemmdirnar á veginum frá Geysi að Gullfossi?

Þarna eru ferðatrukkarnir búnir að gereyðileggja veginn þannig að hann er nánast ófær nema að keyra í fyrsta í lága eins og það var kallað í gamla daga. Þetta eru bara katlar og hvörf og eiginlega ætti þessi wegur að vera lokaður og merktur ófær.

Ferðamálafrömuðurnir sem ekkert vilja borga í virðisaukaskatt eru búnir að eyðileggja veginn. Og þykjast bara að vera að hjálpa þjóðinni.

En er nú ekki rétt að spyrja hver á að borga? Bara þjóðin, ekki ferðamálafyrirtækin? Bara setja allt á fjárlög en ekki taka neinstaðar gjald?

Spekingar segja að það sé bannað með lögum að taka gjald fyrir aðgang að þjóðareign og vísa í Hæstarétt. Er þá ekki kominn tími til að breyta því og fara að rukka inn fyrir kostnaði?

Þarna blasir við milljónatuga tjón á vegakerfinu. Er ekki rétt að einhverjir fái rukkun aðrir en ég og þú?

Hver á að borga fyrir átroðninginn á þessum ferðmannastöðum? Allir nema bara ekki ferðamálafantarnir?

Athugasemdir

[Eðvarð Lárus Árnason (IP-tala skráð) 15.4.2017 kl. 18:01]

Heill og Sæll minn kæri.

     Eg segi eins og kallinn sem sagður er hringja daglega til         Útvarp Sögu " Ég er samþykkur síðasta innhringjanda #  

     Gaman væri að reikningsglöggur reiknaði út hvað ríkissjóður fær í tekjur af ferðamönnum.  Kannski kæmi í ljós aukakrónur sem væri hægt að nota til lagfæringar þjóðveganna.

   Glöggur maður úr Kópavogi sagði að ríkissjóður tæki inn 60-70. miljarða af ökutækjum landsmanna í formi skatta, bifreiðagjöldum,gúmmígjalda, og ekki má gleyma bensín og olíu sköttum.  Af þessum 65-70 miljörðum lætur ríkið 10-15 miljarða í vegina, og inn í þeirri upphæð má ætla að æfintýrið "Einkaframkvæmdin "  Vaðlaheiðagöng.

Stjórnendur landsins hafa ekki kunnáttu og eru jafnframt úrræðalausir því er ástand landsmála eins og það er.

[Rafn Haraldur Sigurðsson (IP-tala skráð) 15.4.2017 kl. 20:14]

Setja GPS tracker í bílaleigubíla og rútur og láta þá borga fyrir hvern keyrðan km og láta það allt í vegina. 

Þessir bílar eru alla daga og nætur á ferðinni og slíta því vegunum mest og borga ekkert til viðhalds vega eins og staðan er í dag. 

[Halldór Jónsson, 15.4.2017 kl. 20:44]

Það er nokkuð til í þessu Rafn Haraldur

[Ómar Ragnarsson, 15.4.2017 kl. 22:27]

Sæll. Ég kom þessa leið á jöklabreyttum jeppa sl. mánudagskvöld í 500 kílómetra ferð austur á Sprengisandsleið, þaðan norður í Setur, síðan norður fyrir Kerlingarfjöll og síðan þaðan til Reykjavíkur. 

Leiðin um Bláfellsháls var eins og varpað hefði verið á hann óteljandi sprengjum og mér var sagt að risastórar MAN-jöklaferðarútur væru búnar að fara svona með hann í vetur. 

[Ómar Ragnarsson, 15.4.2017 kl. 22:52]

Mestallt vegakerfi landsins er alls ekki gert fyrir þá umferð sem á því er. Langþyngstu bílarinir, flutningabílarnir, fara auðvitað langverst með vegina, svo að það er ekki nóg að benda á fólksflutningabílana.

[Halldór Jónsson, 16.4.2017 kl. 10:19]

Mér er sagt að skemmdirnar fari í þriðjaveldi af öxulþunganum Ómar. Það er ekkert samband milli gjaldtöku af öxulþunga bifreiða þannig að þeir sem skemma borga ekki

[Ágúst H Bjarnason, 16.4.2017 kl. 11:03]

Sæll frændi.

Slit á vegum fylgir öxulþunganum því sem næst í fjórða veldi.

Þannig skemmir rúta með 10 tonna öxulþunga 10.000 sinnum meira en 2ja tonna jeppi með 1 tonna öxulþunga. (10x10x10x10=10.000)

Fjölmargar tilvísanir í athugasemdum:

http://agbjarn.blog.is/blog/agbjarn/entry/2191067/

[Halldór Jónsson, 16.4.2017 kl. 18:55]

Fjórða veldið er réttara

[Vagn (IP-tala skráð) 16.4.2017 kl. 22:53]

Er ekki kominn tími til að breyta og fara að rukka inn fyrir kostnaði vegna notkunar á vegum, skólum, sjúkrahúsum?

Það er auðvelt að benda aðeins á það sem aðrir nota og heimta að þeir séu látnir borga fyrir notkunina. Halldór væri ekki kátur ef hann þyrfti að borga kostnaðarverð fyrir þá þjónustu sem hann þyggur. Sennilega kostar Halldór skattgreiðendur töluvert meira en vegaslit eftir 50 manna rútu, og ekki skilar hann þjóðarbúinu neinu.

[Halldór Jónsson, 17.4.2017 kl. 09:59]

Lifandis ósköp ertu sympatískt innréttaður maður Vagn og velmeinandi. Hvaða máttarstólpi þjóðfélagsins ertu eiginlega og hvar er þitt framlag að finna helst?