Hvað myndi hún kaupa sér?

reglusama einstæða móðirin með tvöhundruðþúsund króna mánaðarlaun í leiguhúsnæði ef við gætum rétt henni annað eins í mánaðarstyrk?

1.Áskriftarmiða í borgarlínuna væntanlegu?

2.Hjólhest?

3.Bíl?

Hvernig myndi hún verja peningunum til þess að þeir sköpuðu henni og barninu hennar aukin lífsgæði.

Ef Dagur Bergþóruson og Hjálmar Sveinsson ættu að velja fyrir hana yrði bíll líklega ekki fyrir valinu.

Það hefur hvarflað að mér hvernig þessum mönnum yrði tekið, ef þeir reyndu fyrir sér  í pólitík hér í Orlando? Hér buna  þoturnar stanslaust niður il borgarinnar troðfullar af dollurum. Hér streyma bílarnir efir ótrúlega flottu vegakerfinu í þvílíkum fjölda að þeir virðast óteljandi. Stöku strætóar eru á ferð og út úr þeim kemur greinilega fátækasta fólkið. Allstaðar notaðir bílar skítbillegir til sölu.Bensínið kostar minna en hundraðkall. 

Hvernig skyldi standa á því að menn sem eru uppi á 21.öld skuli ekki sjá það að nútíminn gengur á samgöngum og bílaumferð. Hann gengur á bílnum sem er það  farartæki sem nútímamaðurinn hefur valið sér ef hann hefur ráð á því.Hraðtenging við umhverfið því að tíminn skiptir máli á þessari öld.

Nútímamaðurinn hefur líka valið flugið sem fararmáta til aða brúa lengri vegalengdir en hentugar eru með bílnum einum. Allt viðskiptalífið beinist að því að tengjast og geta komist að uppsprettum fjármagnsins á sem stystum tíma. Því tímarnir eru peningar og peningar eru undirstaða lífshamingjunnar eða í versta tilfelli það sem verndar lítilmagnann frá óhamingjunni.

Hvaða foreldri myndi ekki velja það frelsi fyrir sig og barnið sitt til þess að komast út úr skarkalanum þegar þannig stendur á og geta verið fljótt í förum milli leikskóla og íþróttavalla á einkabíl sínum?

Hjólhestur Hjálmars né Borgarlína Dags Bergþórusonar, leysir þær þarfir aldrei af hólmi. Hreint afturhald nátttrölla á Neonljósaöld sem halda að hægt sé enn að lýsa upp heiminn með grútarlömpum þegar annað er fyrir löngu  í boði.

21.öldin er bara ekki þannig.  Hún byggir á einkabílnum sem er fararskjóti nútímans hvort sem er í Ameríku eða á Íslandi.Hún byggir ekki á sveimhugum sem virðast ekki hafa heyrt um það hvernig heimurinn hefur breyst á hundrað árum.

Ég held að unga einstæða móðirin myndi kaupa sér bíl hefði hún ráð á því hvað sem Hjálmar eða Dagur myndu vilja að hún gerði annað.

Athugasemdir

[Hilmar Bjarnason (IP-tala skráð) 5.5.2017 kl. 13:30]

Í nútíma samfélagi eiga samgöngur að vera greiðar fyrir bifreiðar, hjólreiðar, almannasamgöngur auk gangandi vegfaranda.  Það kann ekki góðri lukku að stýra að stilla þessum valkostum sem andstæður.  Þetta á allt að vera til staðar.

[Einar Karl, 5.5.2017 kl. 14:20]

Halldór,

þetta er vissulega ein tegund af analýsu, það sem þú SÉRÐ með eigin augum. En þitt sjónarhorn er takmarkað. Þú ættir að kanna, og e.t.v .spyrja fólk:

HVAR býr fólkið sem þrífur hótelherbergin í Orlando? Hvað er það lengi að komast í vinnuna? Hvað er fólk almennt lengi að komast í og úr vinnu?

Hér er smá lesefni:
http://www.orlandoweekly.com/Blogs/archives/2017/02/22/new-study-says-orlandos-traffic-is-one-of-the-worlds-worst

[Kolbrún Hilmars, 5.5.2017 kl. 17:16]

Hún myndi kaupa sér bíl!  Sama hvað hver segir, þá veitir bíll ákveðið ferðafrelsi og sparar tíma og fyrirhöfn.

[Halldór Jónsson, 5.5.2017 kl. 17:56]

•  Einar Karl

• Kommatittir eiga náttúrlega erfitt með að skilja að athafnalífi fylgir umferð. Það er mikil umferð hérna, aðallega einkabílar á risavöxnum götum, líka borgarlínur og strætóar, lestir meira að segja.. Hvað viltu frekar bara að allt sé komið aftur um 50-100 ár Er það lausnin?

Af hverju skattlegurðu bensínið til að geera einstæðu móðurinni ífið erfiðara. Hvar er þessi umhyggja kommanna fyrir þeim sem minna mega sína? Ólavíus Ólavíus tekur ekki eftir því hvað bensínið kostar en hún gerir það.

[Gudmundur Bjarnason (IP-tala skráð) 6.5.2017 kl. 00:57]

Sæll frændi.

Ég tek undir gagnrýni þína á borgarstjórann í Reykjavík og hans hyski.

Mér dettur í hug að benda þér á tvö ríki og samgöngukerfi þeirra:  Annarsvegar er það BNA með ónýtt kerfi og gamalt og hinsvegar Kína með fullkomnasta lestarkerfi í heimi og vegi með hraðbrautum, bæði í borgum og milli þeirra,  sem hvergi eiga sér hliðstæðu. Beijing underground, er einstakt, nema það speglast í fjölmörgum Kínverskum borgum.

Til að kynnast samgöngum í Kína er best að fara á staðinn en hægt er að lesa sér til á netinu og hvet ég þig til þess frændi.

Bestu kveðjur af mölinni í Kópavogi.

Guðmundur

 

[Halldór Jónsson, 6.5.2017 kl. 17:27]

Já frændi Guðmundur

þú ættir að koma hingað til Orlando og sjæa flottasta hraðbrautaog gatnakerfi í heimi sem er hér að finna.En þú ert líklega með einhverjar upplýsingar um annað