Hvað vilja Íslendingar?

gera með EES samninginn sem er orðinn myllusteinn um háls þjóðarinnar og Alþingi til óbætanlegrar skammar sem samþykkir hverja vitleysuna af annarii án þess að þingmenn skilji eða lesi hvað þeir eru að gera?

Hjörtur skrifar í Mogga:

2Vaxandi umræða fer nú fram í Noregi um framtíð samningsins um Evrópska efnahagssvæðið (EES). Norski Miðflokkurinn hefur það á stefnuskrá sinni að skipta EESsamningnum út fyrir hefðbundinn tvíhliða frí- verzlunarsamning.

Flokkurinn hefur lagt aukna áherzlu á þetta stefnumál sitt á undanförnum mánuðum auk andstöðunnar við inngöngu Noregs í Evrópusambandið og samhliða því hefur fylgi hans aukizt verulega.

Á sama tíma er búizt við að norski Framfaraflokkurinn móti þá stefnu á landsfundi flokksins sem hefst í dag og stendur yfir helgina að leggjast ekki aðeins gegn inngöngu í Evrópusambandið heldur einnig að endurskoða þurfi EESsamninginn. Fylgisaukning Miðflokksins kemur ekki á óvart í ljósi skoðanakannana um Evrópumál í Noregi. Þegar kemur að afstöðunni til inngöngu í Evrópusambandið hafa allar kannanir sem birtar hafa verið frá því snemma á árinu 2005 sýnt mikinn meirihluta Norðmanna andvígan því að ganga í sambandið. Þegar kemur að afstöðunni til EES-samningsins sýnir ný könnun að fleiri Norðmenn vilji skipta EES-samningnum út fyrir hefð- bundinn tvíhliða fríverzlunarsamning en vilja halda í hann, eða 35% á móti 23%. Aðrir taka ekki afstöðu til valkostanna tveggja.

Fríverzlunarsamningar nútímans eru sagðir af annarri kynslóð þar sem þeir ná ekki aðeins til vöruviðskipta, líkt og í boði voru þegar EES-samningurinn var upphaflega gerður, heldur einnig þjónustuviðskipta, opinberra útboða, höfundarréttarmála, öryggisstaðla og annars sem skiptir máli í nútímalegum milliríkjaviðskiptum.

Samningur eins og brezk stjórnvöld stefna að því að gera við Evrópusambandið og sambandið sjálft hefur gert til að mynda við SuðurKóreu og Kanada og hefur vonazt til að gera við Bandaríkin hvernig sem það annars fer. Þingkosningar fara fram í Noregi í haust og verður fróðlegt að sjá hvernig fjallað verður um Evrópumálin í kosningabaráttunni.

Ekki er útilokað að fleiri þarlendir stjórnmálaflokkar eigi eftir að taka undir með Mið- flokknum á komandi árum og kalla eftir því að EES-samningnum verði skipt út fyrir nútímalegan annarrar kynslóðar fríverzlunarsamning.

Fyrirkomulag sem stærstu hagkerfi heimsins hafa valið í samningum um viðskipti sín á milli og við önnur ríki og sem rannsóknir hafa sýnt að eru fyllilega til þess fallnir að tryggja viðskiptahagsmuni á milli ríkja. Með annarrar kynslóðar fríverzlunarsamningi væri ennfremur um að ræða tækifæri til þess að samræma, einfalda og nútímavæða tengsl EFTA-ríkjanna við Evrópusambandið sem í meira en tvo áratugi hafa annars vegar verið í gegnum EES-samninginn (Ísland, Noregur og Liechtenstein) og hins vegar í gegnum fjölmarga tvíhliða samninga (Sviss).

Það væri ljóslega til mikilla hagsbóta fyrir alla hlutaðeigendur. [e-mail] Hjörtur J. Guðmundsson Pistill Kj"

Ætlar ríkisstjórnin bara að þumbast áfram án þess að vera spurð út í svona grundvallarmál?

Hvað ætlar hún að gera með EES og Schengen samninginn?

 

 

Athugasemdir

[Jóhann Kristinsson, 5.5.2017 kl. 18:35]

Skiptir ekki máli hvað almenningur (islendingar) vilja, það sem skiptir máli er hvað peninga elítan vill og púkarnir hennar 63 gera það sem þeim er skipað.

Kveðja frá Las Vegas

[Sigurdur Antonsson (IP-tala skráð) 5.5.2017 kl. 23:23]

70 prósent af útflutningi okkar fer til Evrópu. Hversvegna erum við alltaf að væla út í EES og ESB? Lokum aldrei á Schengen, því Íslendingar eru ferðaglaðir. Bretar eru enn að tapa vegna Brexit og missa hundruð þúsunda starfa úr fjármálageiranum til ESB.

Alveg eins og Trump lætur ekki byggja meiri múra milli Mexíkó og USA. Peningar og vilji er ekki til þess í Bandaríkjunum. Jóhann veit kannski betur. Náði í atkvæði út upphrópanir?

Össur kartaforingi, sem var og hét kom á fríverslun við Kína. Var ekki hræddur við Kínverja eins og margir blá grænir og vinstri. Höfum við ekki efni á að læra meir af Kínverjum? Við hvað eru Íslendingar hræddir? Það tók meir en 100 ár að viðurkenna kínverska samfélagið í Vancouver .

[Jón Þórhallsson, 6.5.2017 kl. 09:00]

Það gæti verið sterkur leikur ef að stjórnmálanemar í HÁSKÓLA ÍSLANDS(eða eitthvert ananað fólk)  myndu

stilla upp kostum  og göllum samningsins upp hlið við hlið á einhverju opinberu plaggi eða í Kastljósi,    almenningi til upplýsingar.

[Jóhann Kristinsson, 6.5.2017 kl. 09:29]

Ekki ættla ég að taka upp hanskan fyrir Trompið, en meiri hluti landsmanna í USA vill múrinn, en það er eins og á Islamdi, peninga elítan stjórnar, en það eru nokkuð fleirri púkar sem peninga elítan skipar fyrir í USA, en þeir eru 535.

Auðvitað á að ganga úr EES helst í gær ef það væri hægt, Ísland hefur ekkert þar að gera og hefur orðið fyrir miklum skaða að vera í þessum dýra klúbbi.

Bretar koma til með að vera í góðum málum þegar þeir losna úr ESB delluni eins og hún hefur afskrípast í. ESB var ætlað að vera friverzlaunarbandalag en ekki United States of Europ sem kemur aldrei til með að gerast.

Næst er það Frexit, en sá ferill fer í gang fljótlega eftir helgina.

Kveðja frá Las Vegas

[Jóhann Elíasson, 6.5.2017 kl. 09:41]

Sigurður Antonsson, því miður er þetta ekki rétt hjá þér að 70% af útflutningi okkar fari til Evrópu.  Þannig er að allur farmur sem fer til Evrópskra hafna, er í útflutningsskýrslum réttilega skráður að til Evrópu, en t.d. álið sem er svo umskipað og fer áfram til Kína, er þá ranglega skráð til Evrópu og svo er um margt fleira.  Það eru  ekki til NEINAR opinberar tölur um að Bretar hafi TAPAÐ störfum í fjármálageiranum vegna Brexit en aftur á móti hafa andstæðingar Brexit og ýmis fjármálafyrirtæki varað við því að svo kunni að fara.  En þetta hefur ekki gerst ennþá.  Annað hjá þér í þessari athugasemd eru þínar eigin hugleiðingar og ætla ég ekki að fara neitt nánar út í þær.

[Sigurður Antonsson, 6.5.2017 kl. 11:16]

Jóhann Elísson. Falsfréttir eru víða. Erfitt getur verið að fá réttar upplýsingar á vef Hagstofu. Óskilvirkar og flóknar excel-reikningar sem varla eru ætlaðar almenningi? Engin veit lengur fyrir hverjar stofnanir ríkisins eru að vinna. Þær bara stækka og stækka og biðja um meira fé.

Hagkerfið í Kína er að verða æ blómlegra og tekur við mikið af uppsjávarfiski. Margar hendur í Kína breyta vörunni í ljúffenga rétti sem þeir selja svo til ótal landa. ESB kaupir 60% af hvítfiski frá Kína. Ef við leyfum þúsund Kínverjum að setjast hér að gætum við fengið unga sölumenn sem tala Kínamál til að selja afurðirnar. Einangrunarsinnar á Íslandi mega ekki heyra á það minnst? 

[Jóhann Elíasson, 6.5.2017 kl. 12:31]

Sigurður Antonsson, fyrir það fyrsta er ég ekki Elísson.  Ef móðir mín væri á lífi myndi hún sennilega lemja þig.  Það var alls ekki ætlunin að deila neitt á þig persónulega heldur vildi ég benda þér á þetta misræmi í skráningu á útflutningi landsmanna.  Þó svo að menn séu andvígir INNLIMUN í ESB, er ekki með sagt að þeir séu einangrunarsinnar.