Parísarvitleysa fjörtíuþúsund fíflanna

hans AlGore tekur á sig skiljanlega mynd í bloggfærslu Jóns Magnússonar. Hann segir m.a.:

"

Náttúruverndarsinninn Björn Lomborg segir að Parísarsamkomulagið í loftslagsmálum sem Trump hafnaði í gær sé gríðarlega kostnaðarsamt og hafi litla þýðingu varðandi hnattræna hlýnun.

Lomborg segir, að þrátt fyrir yfirlýsingar þjóðarleiðtoga nú um að standa vörð um Parísarsamkomulagið og fordæming á afstöðu Trump, þá muni þeir þurfa að horfast í augu við óhrekjanlegar staðreyndir varðandi það.

Í fyrsta lagi er Parísarsamkomulagið dýrasta fjölþjóðasamþykkt sem hefur verið gerð. Kostnaðurinn frá 2030 muni nema milli 1 og 2 trilljón dollara á ári, segir Lomborg.

Skv. sáttmálunum á að greiða þróunarríkjum  á milli 800 milljarða og 1.6 trilljón dollara á ári. Hætt er við að Angela Merkel, Macron og Trudeau súpi hveljur þegar þau þurfa að taka þann kostnað inn í fjárlög landa, sem í dag safna ríkisskuldum sem kynslóðum framtíðarinnar er ætlað að borga.

Í öðru lagi segir Lomborg að Parísarsamkomulagið hafi mjög lítil áhrif á hlýnun í heiminum og miðað við sjónarmið talsmanna hnattrænnar hlýnunar af mannavöldum, þá muni heimurinn ekki ná nema um 1% af nauðsynlegum samdrætti kolefnalosunar til að koma í veg fyrir að hlýnun jarðar frá því sem nú er verði um 1.5 til 2 gráður. Það þýðir að 99% af vandamálinu verður áfram til staðar hvað sem Parísarsáttmálanum líður.

Í þriðja lagi er græn orka ekki til staðar til að taka við af jarðefnaeldsneyti. Umræðan sé öll á bjartsýnisgrunnni, en græn orka sé dýr valkostur og væri ekki til staðar ef ekki kæmu til gríðarlegir styrkir og hátt orkuverð. Spánn eyddi um 1% af þjóðarframleiðslu í endurnýjanlega orku, meira en til æðri menntunar. Þegar þeir drógu úr styrknum var ekki grundvöllur fyrir starfrækslu stærsta meginhluta vindorkuvera í landinu.

Þrátt fyrir að hafa eytt gríðarlegum fjárhæðum í styrki til að auka endurnýjanlega orku og byggja græn orkuver þá e vindorka um 0.5% af heildarorkunotkun og sólarorka um 0.1%. Þrem tilljónum dollara á að eyða skv. Parísarsamkomulaginu til stuðnings endurnýjanlegrar orku til 2040, en þá mundi sólarorka nema um 1% og vindorka um 1.9% af orkuþörf heimsins. Mikill kostnaður og lítill árangur það.

Miðað við þær staðreyndir sem Lomborg bendir á þá er nauðsynlegt að hugsa málið upp á nýtt. Parísarsamkomulagið mun hrynja og hefði gert það hvað sem líður afstöðu Trump af því að það kostar þvílíkar ógnarfjárhæðir og hefur sáralitla eða enga þýðingu varðandi hnattræna hlýnun og byggir ekki vistvæna orkugjafa af neinu viti.

En hvað á þá að gera? Á brotthvarf frá Parísarsamkomulaginu að þýða að engin geri neitt og þjóðir heims skeyti engu um mengun eða eyðingu hráefna? Er einhver sem vill það? Alla vega ekki sá sem þetta ritar.

Hvað sem líður fordæmingu leiðtoga heimsins á afstöðu Trump, þá væri e.t.v. ástæða til að hugsa málið upp á nýtt og leita leiða til að ná betri árangri gegn mengun og sóun í heiminum með minni kostnaði fyrir neytendur og verkafólk, en Parísarsamkomulagið gerir ráð fyrir.

Hvernig væri að auka gríðarlega rannsóknir og þróun á vistvænni og grænni orku til að hún geti raunverulega tekið við í einhverjum marktækum mæli af jarðefnaeldsneyti.

Á síðustu árum eftir að sósíalísk hugsun og sósíalskar lausnir, heltóku stjórnmálamenn Vesturlanda í framhaldi af hruni sósíalismans árið 1989, þá hefur öll áherslan varðandi baráttu gegn hnattrænni hlýnun og mengun byggst á aukinni skattpíningu fólksins og stjórnmálamenn hafa síðan eytt gríðarlegum fjárhæðum í gæluverkefni, sem litlu eða engu hafa skilað. Í stað þeirrar sósíalísku hugsunar og úrræða verður að leggja áherslu á það hvað við sem einstaklingar getum lagt að mörkum og viljum leggja að mörkum...."

Trump hefur þegar greitt 1 trilljón dollar í Parísarvitleysu fjörtíuþúsund fíflanna sem að henni stóðu. Þeir sem eftir standa verða væntanlega að taka á sig þær 2 trilljónir sem Trump ætlar ekki að borga. Það hlýtur að verða hvellur í einhversstaðar yfir þeim skattahækkunum sem þessu hlýtur að fylgja meðal annar hér á Íslandi.

þegar maður horfir á rök Lomborgs þá hlýtur maður með venjulegt krónuvit að undrast það verð sem á að borga fyrir vafasaman ávinning eða alls engan, hvað þá óþarfan þar sem aðrir kraftar geta verið að verki en útblástur manna. Og svo má ekki gleyma því að eitt eldgos á Íslandi til dæmis þurrkar út margra ára útblásturssparnað Evrópubandalagsins á augabragði bæði hvað varðar CO2 og vatnsgufu.

Sem sýnir venjulegu fólki hversu Parísarvitleysa fjörtíuþúsund fífla AlGore er fánýt og dýrkeypt. 

Athugasemdir

[Sigurður Antonsson, 3.6.2017 kl. 17:49]

Rétt er að Krónuvitið er takmarkað. Í hlutarins eðli. Eitt vitum við þó að veður og hitafar á Íslandi hefur tekið reglulegum breytingum frá ísöld. Litla ísöld er rétt liðin með Lakagosunum, þegar íbúar voru um 50 þúsund.... Aukning meðalhita er mikill blessun fyrir landsmenn og hvað með rafhjóla-bílana sem taka yfirhöndina. 

Kanar með Costco hagræðinguna, einfölduðu innkaupin og spara bílferðir með magnkaupum. Þeir eru ekki meiri vitleysingar en það að þeir sjá Alcore mótsögnina. Fljúga stórt og blása mikið. 

[Helga Kristjánsdóttir, 3.6.2017 kl. 17:50]

Trump ætlar ekki að svíkja loforð sem hann gaf þeim fjölmörgu sem misstu atvinnuna þegar mest af framleiðslu Bandaríkjanna var flutt til ríkja sem menga all hrikalega.En í Bandaríkjunum er miklu strangari löggjöf heldur en í þeim ríkjum; svo ætla má aðmengunin minnki verulega í heiminum eftir þær aðgerðir forsetans.  

[Anna Sigríður Guðmundsdóttir, 3.6.2017 kl. 17:58]

Halldór. Það er búið að stilla þessu öllu upp á þann veg, að ekkert réttlæti gagnrýni og endurskoðun á þessum Parísarsamningi. Þá er sagt að gagnrýnendum sé bara sama um mengunar skaðvalda jarðar? En það er ekki rétt að gagnrýnendum sé sama um mengunarskaðvalda jarðarinnar og lofhjúpsins í kringum jörðina.

Það virðist enginn þora að nefna skaðlegar lofrýmiseftirlits flugmengunar gasandi hernaðarútblæstri frá NATO og NASA. Og guðorkunnar viskan ein veit best, hverjir fleiri standa að þeim eiturgasflughernaði gegn ríkjum, fyrirtækjum og almenningi jarðarinnar.

Það er útilokað að ætla að skapa á þann svikula hátt, peninga uppí tómið sem myndast vegna falsaðra og innistæðulausra banka/kauphalla/netheimsfyrirtækjanna nútíma-"verðmæta" gap.

Heimsbyggðarbúar verða að horfast í augu við þá staðreynd að ekkert verður til úr engu, og enginn borgar skuldir sínar með engu. Innistæðulausir tékkar borga ekki þak yfir höfuð unga fólksins í framtíðinni. Það er verið að blekkja unga fólkið til að kaupa sér steypufangelsi okubankastofnana heimsgæpastjórnarmanna.

Mér finnst þetta frekar auðskiljanlegt, en það eru ekki allir sammála mér. En hafa þó ekki getað útskýrt hvernig á að pína fólk og fyrirtæki til að borga spilavítis skuldir með engu öðru en tómum loftbólublöðrum.

Í dag var víst verið að skraut fljúga herflugvél frá Kanada yfir Reykjavík. Og sagt að hefði þótt mikið til þessa herflugs koma? Reynsluleysi og fáfræði Íslendinga um hörmungarafleiðingar hernaðar og herflugvéla heimsins í gegnum tíðina er hættulegt.

Það er ekkert aðdáunarvert við herflugvélar og heimshörmunga afleiðingar þeirra! Fólk ætti að setja sig í spor þeirra sem hafa verið neyddir í styrjaldarhörmungar, og spyrja sig svo hvað er aðdáunarvert við herflugvéla-skrautflug!

Stuttu áður en verksmiðjan í Helguvík startaði aftur, þá byrjaði Kanada með herflugs loftrýmisgæslu yfir Íslandi með tilheyrandi mengunarskýjum og mengunaróþægindum, sem ég er mjög næm fyrir enda með tæpa heilsu fyrir. Og ég bölvaði að sjálfsögðu með sjálfri mér, þessari svokölluðu mengunarspúandi "gæslu" frá Kanada-herflugs "loftrýmiseftirliti".

Hvergi er minnst á svona háloftamengun í Parísar-platinu? Hvers vegna er þagað yfir svo alvarlegum mengunarhernaði af hálfu NATO og NASA tilrauna-aftökueitrandi flugi?

Bendi þér og öðrum umhverfisumhyggjusömum á myndband á youtube: Secret Chemtrail Pilot Speaks, on Dec 8, 2014.

Það er aldrei minnst á þessa hættulegustu ógn við lífið margbreytilega á jörðinni, í nokkrum fjölmiðli sem ég hef hlustað á, nema youtube? Hvorki innlendum né erlendum fréttafjölmiðlum?

Ætlum við jarðarbúar að láta fjölmiðlaþagga okkur flest öll í hel? Eða ætlum við að nota síðustu tækifærin sem við höfum, til að tala um staðreyndirnar eins og þær raunverulega eru? Og verjast villimennskuaftökum hernaðarglæpsamlegu og helspilavítanna siðleysisgráðugu aftökur?

Gangi okkur öllum sem best að leiðrétta okkar allra misskilninga, sem fjölmiðlaeigendur heimsins hafa matreitt eiturbrasað inná heilasellurnar okkar.

Það er aldrei of seint að snúa af rangri braut, þegar fólk hefur áttað sig á hvað er verið að blekkja það hættulega.

Ekkert lifir lengi né vel á jörðinni án heilbrigði móður jarðar. Sumt er bara ekki hægt að kaupa fyrir spilavítispeninga illra afla.

M.b.kv.

[Anna Sigríður Guðmundsdóttir, 3.6.2017 kl. 21:07]

Það er einhver rótsterk indíánasál í öllum mínum sálarminningavíddum, sem hefur væntanlega búið bæði í henni Ameríku og Spánar-Frakklandi í fyrri lífum.

Kann ekki að útskýra þessa sterku og jákvæðu tilfinningu mína fyrir frumbyggjavisku í fornri frumbyggjanna Ameríku. Hér er hugljúft og hjartanærandi sönglistaverk á youtube: AMAZING GRACE IN CHEROKEE-NATIVE AMERICAN.

Það skemmir engan að hlusta á þennan jarðarviskunnar boðskapsmikla söng.

M.b.kv.

[Bjarne Örn Hansen (IP-tala skráð) 4.6.2017 kl. 00:25]

Rétt hjá Helgu Kristjánsdóttur ... Parísar samkomulagið gagnar einungis löndum eins og Kína, og öðrum Asíu og Afríku löndum.  Sem fara ekki eftir neinu samkomulagi, nema á pappírunum.

Þetta "gáfaða" og "góða" fólk, sem er að básúna fyrir Parísar samkomulaginu. Er ekki að óska eftir betrumbótum, heldur að óska eftir sem mestum hagnaði fyrir sjálfan sig.  Til hvers, eru bandarísk fyrirtæki að flytja framleiðslu sína til Mexíkó? Air Quality Index þar nú, er 800 stig ... banvænt loftslag. Eða til hvers eru menn að flytja framleiðsluna til "Indlands" eða "Kína" ... air quality index þar, er líka 600 til 800 stig.

Parísar samkomulagið, gegnur út að "breita" þessu í þessum löndum á næstkomandi 30 árum ... á þessum þrjátíu árum, mun rikna súru regni yfir Evrópu, frá Indlandi og Kína, sem mun leiða til gífurlegrar minnkunar á framleiðslu matvæla hér. Þessi þáttur, er ekki einu sinni á dagskrá þessa samkomulags.

Og EF, þessir Parísar menn væru á því að bjarga heiminum ... myndu þeir gera eins og Trump er að segja. Þvínga fyrirtækin til að flytja framleiðslu sína tilbaka til Evrópu ... því hér þarf engin 30 ár, til að breitu þessu ... þetta er þegar til staðar hér.

Þessi staðreynd, ætti að gera mönnum skiljanlegt að Parísar samkomulagið hefur ekkert með "verndun" lofthjúpsins að gera. En allt með að vernda "gróðamaskínu" Oligarka og miljarðamæringa. Og tal um að þessir aðilar séu að flytja "framleiðslu" sína til þróunarríkja, til að hjálpa þessum ríkjum ... ætti hvaða hálfviti sem er að gera sér grein fyrir að sé hrein lygi.

Þessum þjóðum, er tæplega nein hjálp í því að láta miljónir barna í þessum löndum vaxa upp við að anda að sér "baneitruðu" lofti.  Það er eitthvað mikið ábótavant í heilabúi þess fólks, sem heldur að það sé "þróunaraðstoð" fyrir "þriðja heims ríkin".

[jón kristinn dagsson (IP-tala skráð) 4.6.2017 kl. 10:05]

Mikið eru þetta ómálefnaleg ummæli manns sem er verkfræðimenntaður. Samhvæmt þinni meinigu eru allir leiðtogar hins frjálsa heims fífl eins og leggur sig

[Halldór Jónsson, 4.6.2017 kl. 12:01]

Jón Kristinn, heimurinn er að láta hafa sig að fíflum á mjög óvísindalegum grunni. Kallaðu mig það sem þú vilt, það snertir mig ekki.