Jón Þór Ólafsson

hinn skeleggi pírataþingmaður er til umfjöllunar í grein Sigurðar Sigurðssonar í Mogga í dag:

Sigurður segir um sannfæringarkraft Jóns Þórs:

"þingsmaður Pírata, reiddist illa þegar Kjararáð hækkaði rausnarlega laun þingmanna. Honum fannst þessi hækkun á laununum sínum svo … svívirðileg að hann hótaði að kæra hana eftir því sem hann sagði í eftirminnilegri grein í Fréttablaðinu þann 8. nóvember 2016. Hann hótaði að kæra Kjararáð fyrir forsetanum (sem í sjálfu sér er óskiljanlegt) Hann hótaði að kæra Kjararáð (líklega fyrir dómstólum) Hann hótaði að kæra formenn þingflokka nema því aðeins að þeir láti ráðið hætta við hækkunina. Um þrem vikum síðar fékk Jón Þór Ólafsson 338.254 króna hærri laun.

Hin háværa þögn Jóns Þórs Ólafssonar

Síðan hefur ekkert heyrst í manninum. Menn hafa þagnað fyrir minna fé. Frá og með 1. desember 2016, er launahækkunin var greidd út í fyrsta sinn, gleymdi Jón Þór öllum mótmælum. Hann kærði engan, hann kærði ekkert, og líklega rak hann lögfræðinginn þennan sama dag. Þetta sama haust lýsti forseti Íslands yfir óánægju með launahækkun Kjararáðs og kvaðst ekki hafa beðið um hana og myndi ekki þiggja.

Síðan hefur hann mánaðarlega gefið um þrjú hundruð þúsund krónur til góð- gerðarstofnana. Þegjandi og hljóðalaust. Já, ólíkt hafast menn að.

Hvað varð um launahækkun Jóns Þórs Ólafssonar

Sumir þingmenn þrífast á eigin há- vaða, hreinlega elska röddina í sér, og ekki síst andlitið, sérstaklega í fjölmiðlum. Það er svo gaman að standa upp og rífa sig út af réttlætis- og lýðræðismálum.

Þeir eru samt svo háværir og óðamála að rökhugsunin týnist í öllum þessum látum … hafi hún nokkurn tíma verið til staðar. Þegar launahækkunin upp á 338.254 krónur bætist í budduna segja menn eins og Jón Þór Ólafsson pírati í hálfum hljóðum: Vá … Svo þegja þeir og vona að enginn muni eftir frumhlaupinu. Hvað gerði Jón við launahækkunina sína? Um það hefur hann ekkert sagt. Hér eru fjórar spurningar: 1. Afþakkaði hann hana? 2. Lagði hann hækkunina inn á bankabók til að geta skilað síðar, með eða án vaxta? 3. Fór hann að dæmi forsetans og gaf hækkunina til góðgerðarmála? 4. Hirti hann hækkunina þegjandi og óhljóðalaust?

2,4 milljóna króna gróði píratans

Nú eru liðnir sjö mánuðir síðan Jón Þór Ólafsson pírati fékk launahækkun frá Kjararáði og á þeim tíma hefur hann grætt rúmlega 2,4 milljónir króna ofan á föstu launin.

Þó að hann sé hættur að tala um Kjararáð er hann enn hávær, hefur höndlað sannleikann, réttlætið og lýðræðið í allt öðrum málum. Þrjú hundruð og þrjátíu þúsund kallinn hjálpaði vissulega til, styrkti eflaust sjálfstraustið. Svona eru nú margir þingmenn, ekkert nema óhljóðin og sjálfselskan og gjörsamlega hugsjónlausir. Launahækkun þingmanna var aldrei dregin til baka eða felld niður.

Þrátt fyrir há- vær mótmæli lifa þeir í vellystingum á þessum ágætu launum og myndu aldrei skila þeim eins og þessi forseti. Um leið þverr virðing Alþingis. Málið er löngu gleymt og þingmenn eru innst inni guðs lifandi fegnir að hafa fengið þessa feitu launahækkun Kjararáðs. Munum launahækkunina, þegar píratinn Jón Þór Ólafsson fer hamförum á þingi, að hann meinar ekkert með því. Ekki frekar en þegar hann mótmælti launahækkun Kjararáðs til handa þingmönnum. Þetta er bara leiksýning, spuni. Eftir Sigurð Sigurðarson Sigurður Sigurðarson » Nú eru liðnir sjö mánuðir síðan Jón Þór Ólafsson pírati fékk launahækkun og hefur á þeim tíma grætt rúmlega 2,4 milljónir króna ofan á föstu launin."

Það varðar miklu að þingmenn séu almenningi fyrirmynd í orði og æði. Þeim má ekki vera "fokking" slétt sama um ástandið í þjóðfélaginu.Jón Þór er greinilega hinn mesti aflamaður og hagsýnn, sem er ekki að eyða í fé almennings að óþörfu. Hann sýndi á sínum tíma hvernig mátti varast óhóflega hækkun á húsnæðismarkaði á sínum tíma enda voru þá kannski ekki ekki fyrirséðar þær kjarabætur þingmannsins sem Sigurður lýsir.

Fólk horfir skiljanlega til Jóns Þórs Ólafssonar þingmanns pírata sem fyrirmyndar í fjármálahagsýni og réttlætistilfinningu sem mér hefur skilist á honum að skorti svo sárlega hjá ýmsum öðrum.