Persónuvernd

er hraðvaxta krabbamein í þjóðalíkamanum sem á að stórauka á næsta ári með álögum á öll fyrirtæki landsmanna með miklum kostnaði. Mér skilst að það ætli hugsanlega að fara í eftirlit og jafnvel málarekstur við Google og Facebook fyrir að deila upplýsingum um Íslendinga  sem eru eitthvað brot af þeim milljörðum manna sem skipta við þessi fyrirtæki.

Þetta er gersamlega óþörf stofnun og sjálfnærandi að verkefnum. Þegar kennitalan var fundin upp þá eru allar upplýsingar náanlegar um einstaklinginn með einum eða öðrum hætti.Það er engin persónuleynd í gangi. Kennitalan núna er notuð til að útiloka umsækjendur um vinnu vegna aldurs. Í Bandaríkjunum má ekki spyrja um aldur umsækjanda því slíkt væri brot á jafnréttislögum.

Unglingar birta myndir af líkamshlutum sínum á Facebook og enginn getur gert neitt í því. Þetta apparat Persónuvernd sem ætlar að ráða sæg af nýjum lögfræðingum á næsta ári er tilgangslaus stofnun og rándýr sem á að loka sem allra fyrst og leggja niður. Við höfum margt þarfara að gera við hundruð milljóna þegar fátæk börn og gamlamenni svelta.

Persónuvernd er einskisnýt og óþörf stofnun með öllu.

Athugasemdir

[Sigurdur Antonsson (IP-tala skráð) 15.6.2017 kl. 21:15]

Hvaða alþingismenn hafa verið að keyra þetta málefni í gegn? Eru það þingsmenn allra flokka eða ákveðnir kratar í öllum flokkum sem apa eitthvað upp frá Evrópu? Enn eitt apparatið og kostnaður leggst á fyrirtæki eins og þú segir. Hvers vegna þarf að ráða her af lögfræðingum.

Hætt er við að forsvarsmenn fjölmiðla og fyrirtækja verði dregnir til ábyrgðar ef eitthvað ber út af. Nóg er komið af aukasköttum á fyrirtæki sem leiðir til þess að þau verða ekki samkeppnisfær. Eftir sjálftöku eftirlitsstofnanna eins og RÚV.

Sá hluta úr viðtali Björns Bjarnasonar á ÍNN við forstjóra Persónuverndar. Hún var galvösk í að umbreyta umhverfinu með auknum umsvifum og taldi mikla þörf á.  Sagðist hafa haft sama fjölda starfsmanna í mörg ár en nú yrði breyting á. 

Þarf ekki að ræða meira opinberlega um þessa brýnu þörf. Hverjir hafa skaðast af notkun persónuupplýsinga og hversvegna er þörf á að stórauka umsvif? Er verið að vernda borgarana fyrir ágangi opinbera aðila. Eru þeir ekki komnir inn á rúmgafl hvort sem er og geta farið inn í hvaða banka sem er til að forvitnast um reikninga og fólk.

Blessuð konan þarf að útskýra betur hversvegna hún er að bæta við lögfræðingum og hvaða málarekstur þeir eiga þeir að stunda.

[Þórir Kjartansson, 16.6.2017 kl. 08:16]

Það er stórfurðulegt að sjá hvernig svona stofnanir virðast vaxa algerlega stjórnlaust. Aldrei sér maður að fjárveitingavaldið spyrni við fótum til að hemja þennan vöxt á meðan varla hefst að kreista út krónu til heilbrigðis og vegamála. Er þetta kannski vandi íslendinga í hnotskurn? Allt of stór prósenta þjóðarinnar í því að vinna við algerlega arðlaus störf.

[Bjarne Örn Hansen (IP-tala skráð) 16.6.2017 kl. 10:11]

Persónuvernd er hugsuð til að veita sumum meiri rétt en öðrum. Enginn mun standa vörð um minn rétt eða þinn því það er hagkvæmt en innflytjandi með sauði Arabíu að baki sér mun hljóta sérstaka vernd.

[Halldór Jónsson, 16.6.2017 kl. 14:26]

Sigurður, hún mun ekki útskeýra eitt eða neitt. Hún er bara búin að ákveða þetta svona og enginn virðist skipta sér af því.

Þórir, það er lóðið. Persónuvernd er dæmi upp á það sem þú segir, gersamlega arðlaust fyrirbæri.

Bjarne Örn, nú er ég sammála þér algerlega. Það er alltaf verið að dekra við einhverjar sérþarfir. Þarft þú einhverja persónuvernd fyrir þig frekar en ég?