"AtterDag" leysir húsnæðisvandann

í Reykjavík með því að skipuleggja inn í framtíðina.

Svo skrifar Guðfinna Jóhanna Guðmundsdóttir Framsóknarkona og Flugvallarvinur:

"Á þessum þremur árum sem liðin eru af kjörtímabili borgarstjórnar hefur Dagur borgarstjóri haldið hverja leiksýninguna á fætur annarri með glærusýningum þar sem hann þylur upp fleiri þúsund íbúðir í Reykjavík og lætur mynda sig skrifa undir endalaus lóðavilyrði alveg 10 ár fram í tímann á lóðum sem ekki eru byggingarhæfar.

Á sama tíma hefur húsnæðisvandinn aldrei verið meiri í Reykjavík. Raunveruleikinn er sá að á þessum þremur árum meðan Dagur hefur verið borgarstjóri hefur Reykjavíkurborg úthlutað þessum fjölda lóða fyrir fjölbýlishús með fleiri en 5 íbúðum:

ein lóð 2014,

ein lóð 2015,

fjórar lóðir 2016

og á þessu ári er búið að úthluta 8 slíkum lóðum.

Í lok síðustu viku var aðeins eitt þessara húsa komið á byggingarstig 4, sem er fokheldi,

eitt á byggingarstig 3,

eitt á byggingarstig 2,

en restin var á byggingarstigi 1 eða ekki var búið að gefa út byggingarleyfið."

Til viðbótar er Dagur Bergþóruson  búinn að ákveða að ný flugstöð á Reykjavíkurflugvelli skjuli vera á hjólum svo fljótlegra verði að trilla henni í burtu þegar Dagur lokar vellinum vegna léttlestarstöðvarinnar og skiptistöðvar Borgarlínunnar. Hvað þau skyldu þau hjól nú kosta?

Kostnaður er sjálfsagt léttvægur hjá því fólki sem ætlar að byggja nýjan flugvöll fyrir 150 milljarða  ofan á virku eldfjalli og vatnsverndarsvæði í Hvassahrauni. Skiptimynt hjá slíku stórmenni. 380 milljarða skuldir Reykjavíkurborgar eru sjálfsagt óhjákvæmilega vegna þeirrar framkvæmdagleði sem ríkt hefur í Reykjavík alla borgarstjóratíð Dags B. Eggertssonar.

Enda býður Dagur Bé. sig ótrauður fram að nýju og skoðanakannanir sýna að hann verði endurkosinn.

"AtterDag"  mun leysa húsnæðisvandann sem og allan annan vanda á næsta kjörtímabili eins og á þessu yfirstandandi.