"Ein leeres Land"

Hörður Þormar skrifar mér eftirfarandi:

"Ég sá fyrir skömmu, í þýskum sjónvarpsþætti, viðtal við heimshornaflakkara sem hafði komið til Íslands. Það sem sló hann mest við komuna hingað var að

"Island ist ein leeres Land", þ.e. "óbyggt land".

Hvað segir það mönnum sem koma frá löndum þar sem fólksfjöldinn er svo yfirþyrmandi að fólk getur ekki dregið fram lífið?"

Mér finnst ekki ólíklegt að fleiri komi auga á þetta. Sér í lagi þegar vingulsháttur okkar veldur því að við tökum enga afstöðu til fjölda innflytjenda. Sumir ráðamanna vilja galopna allt. Aðrir hafa efasemdir og þeir sem þora að hafa skoðun eru stimplaðir rasistar og fábjánar. Öll vitræn umræða er barin niður af þessu gáfaða fólki með réttu skoðanirnar.

Okkur er sagt að hér sé fjölmenningarsamfélag. Við höfum aldrei verið spurð álits á því hvort það hafi einhvern tímann verið viðurkennt sem þjóðfélagslegt markmið. Það er bara svona eitthvað sem okkur er sagt að búið sé að afgreiða í eitt skipti fyrir öll. Eitthvað Íslenskt samfélag með siði og menningarsögu sé eitthvað sem tilheyri fortíðinni sem búið sé að afgreiða í eitt skipti fyrir öll. Ef ég mótmæli þá er ég bara fífl og fábjáni ef ekki nasisti líka ef ég er bara ekki þaggaður niður sem ómarktækur.

Er ekki líklegt að margir hælisleitendur hafi áttað sig á þessu. Hér sú tækifærin til að gera hvað sem er. Aldrei sé það verra heldur en að fá að vera hér frítt og upp á kaup og húsnæði mánuðum saman meðan Rauði Krossinn fer með málaþras gagnvart máttlitlum íslenskum yfirvöldum sem borga svo brúsann allan?

Óbyggt land bíður efir hverjum sem hafa vill. 

 

 

Athugasemdir

[Kolbrún Hilmars, 30.7.2017 kl. 14:02]

Undarlegt ef enginn erlendur gestur spyr sjálfan sig; af hverju er þetta land svona strjálbýlt sem hefur þó verið byggt í 1200 ár? 

[Aðalsteinn Geirsson (IP-tala skráð) 30.7.2017 kl. 15:42]

Rökræður hafa aldrei verið viðurkennt umræðuform í landinu. Íslendingar vilja fjör með kappræðu og sigurvegara. Listin er útúrsnúningur og persónulegt háð. Svo er móðgast til æviloka. Einu tilfellin sem viðmælandi er krafinn um rökstuðning út í hörgul er þegar hann mismælir sig.

[Jón Valur Jensson, 30.7.2017 kl. 15:46]

Er ekki þinn flokkur, Halldór, ábyrgur fyrir linkindinni sem uppi er í þessum efnum? Í stjórnmálaályktun síðasta landsfundar hans segir svo:

"Hafa skal mannúðarsjónarmið og skilvirkni að leiðarljósi í málefnum hælisleitenda. Móttaka flóttamanna frá stríðshrjáðum ríkjum er sjálfsögð. Við fögnum ákvörðun ríkisstjórnarinnar um að auka fjármagn til flóttamannaaðstoðar. Alltaf skal hafa að leiðarljósi að aðstoð við flóttamenn leiði til tækifæra til sjálfsbjargar."*

Lítið varð úr efndunum með þessa "skilvirkni"! Hælisleitendur eru látnir hanga hér í hálft eða heilt ár á bótum og framfærslu okkar, að ógleymdum lögfræði- og lækniskostnaði m.m., og hálaunaðir starfsmenn og afætur Rauða krossins græða á öllu saman! -- Hins vegar reyna Norðmenn að koma t.d. albönskum hælisleitenduum burt á tveimur sólarhringum. Þurfa Bjarni Ben. o.fl. í flokki þínum kannski að skreppa í leyfi til Óslóar á námskeið í þessum efnum? Eða stefna þau á að þjónusta undirdánugast 2.000 manna biðlista hælisleitenda á þessu ári?

* http://xd.is/wp-content/uploads/2016/09/Stjórnmálaályktun-flokksráðsfundar.pdf

[Halldór Jónsson, 30.7.2017 kl. 17:27]

"Hafa skal mannúðarsjónarmið og skilvirkni að leiðarljósi í málefnum hælisleitenda. Móttaka flóttamanna frá stríðshrjáðum ríkjum er sjálfsögð. Við fögnum ákvörðun ríkisstjórnarinnar um að auka fjármagn til flóttamannaaðstoðar. Alltaf skal hafa að leiðarljósi að aðstoð við flóttamenn leiði til tækifæra til sjálfsbjargar."*

Jón Valur

þetta var barið í gegn með skrílslátum Áslaugar Örnu og Unnar Brár og ungliðasveitar þegar fundurinn var á enda. Þetta lið æpti niður Gústaf Níelsson þegar hann vildi ræða þessa ályktun. Fámennt lið í kringum þessar konur samþykkti þetta, án þess að fundurinn hefði rætt málið. Þær dönsuðu um gólfið og létu öllum illum látum. Því miður hugkvæmdist mér ekki að taka þetta upp á vídeó. Fundarstjóri frestaði með brögðum að taka málið á dagskrá fyrr en flestir voru farnir úr salnum. Þetta var algerlega faheyrð uppákoma ´landsfundi flokksins míns sem ég er ekki par sáttur við. Svona má ekki gerast aftur

[Sigurður Þórðarson, 30.7.2017 kl. 20:18]

Það ennþá tala um vernd tungunnar, hestsins, landnámshænunnar og jafnvel hundsins. Ég ætla ekki að nefna hvað má ekki tala um enda er það bannað. 

[Hrólfur Þ Hraundal, 30.7.2017 kl. 23:39]

Í athugasemdum Kolbrúnar Hilmarsdóttur má finna að ljós kann að finnast í myrkvuðu  máli. 

Á strjálbýli, þrjósku  og samviskusemi,  byggist okkar menning og lífsgæði, en ekki  á sýslumönnum og prestum, en stórbændur hvar sem þeir eru núna voru þrælahaldarar með lögleyfi. 

Rétt er að hafa í huga að trúmál hafa Íslendingum aldrei verið sérlega hagstæð síðan að steinöld lauk.