Hvert stefnir Sjálfstæðisflokkurinn?

í málum sem eru ofarlega á baugi og voru til umræðu í síðdegisþætti Péturs Gunnlaugssonar og Ingu Sæland á Útvarpi Sögu í dag?

Flokkur Fólksins hefur ákveðna stefnu gagnvart hælisleitendum og vill ekki fjölgun dvalarleyfa. Hann vill ekki að öldruðum sé haldið í fátæktargildru lífeyrisskerðinga sem lýsa sér í því m.a. að aldraðir geta jafnvel ekki leitað til tannlækna meðan hælisleitendur hafa ótakmarkaðan aðgang að slíku meðan þeir bíða eftir afgreiðslu hér á landi. Það var bent á það að þeir sem greiða þennan kostnað af hælisleitendum  sé sama fólkið að hluta til og það sem ekki hefur ráð á þjónustunni.

Pétur benti á að þetta séu í raun lögbrot þar sem lög kveði á um að aldraðir eigi rétt á einhverri tannlæknaþjónustu. Hvort sem beitt sé brögðum til að svíða þetta af þeim eða bara beinum brotum kom ekki skýrt fram.  Allavega sé pottur brotinn í framkvæmdinni og vandamál aldraðra vegna tannlækninga þess vegna raunveruleg.

Flokkur Fólksins vill afnema allar skerðingar á lífeyri aldraðra vegna atvinnutekna. Hann vill ekki leyfa moskubyggingar. Hann vill ekki opin landamæri eða greiðan aðgang hælisleitenda og flóttamann til landsins. Hann styður Reykjavíkurflugöll í Vatnsmýri heilshugar.Hann styður Sundabraut og ný byggingasvæði. Hann vill ekki fjölga Borgarfulltrúum.

Fram kom að óskiljanleg ákvæði um skerðingu vegna atvinnutekna aldraðra séu hreint tap fyrir Ríkissjóð þegar upp er staðið. Og auðvitað þjóðfélagslegt tap líka, sér í lagi ef vinnuframlag flóttamanna og hælisleitenda á að koma í stað vinnuframlags innfæddra aldraðra.

Hvaða stefnu tekur Sjálfstæðisflokkurinn? Ætlar hann að setja á einhverja illskiljanlega moðsuðu í þessum málaflokkum enn eina ferðina?  Ætlar hann að hverfa frá 25000 krónu hámarkinu á atvinnutekjur aldraðra sem enginn kjósandi hefur skilið skynsemina í til  þessa?

Vonandi stefnir ekki í það að Sjálfstæðisfólk lendi í sálarstyrjöld við sjálft sig þegar kemur að sveitarstjórnarkosningum að vori.

Athugasemdir

[Heimir Lárusson Fjeldsted, 5.9.2017 kl. 18:56]

25000 króna hámarkið á launatekjur aldraðra er flokknum til skammar.

[Eðvarð Lárus Árnason (IP-tala skráð) 5.9.2017 kl. 19:35]

     Já Halldór, stefnir ekki í það að Sjálfstæðisfólk lendi í sálarstyrjöld við sjálft sig þegar kemur að sveitarstjórnarkosningum að vori.

     Kæri Halldór það lendir enginn í sálarstyrjöld með því að fara eftir eigin sannfæringu, en aftur á móti eiga þeir framundan erfiða daga sem ætla að kljást við sína sannfæringu og vitneskju.  Erfiðast verður þeim að fara á kjörstað með brotna sjálfsvirðingu og ælu í koki. þetta er valkostir sem hver kjósandi hefur á valdi sínu.

[Erla Magna Alexabdersdottir (IP-tala skráð) 5.9.2017 kl. 20:18]

Þessi flokkur.þ.e . flokkur fólksins er með hag lands og þjóðar i sínum boðskap.

 Ræningjar núverandi Riksissjórnar ganga fyrir mútum og serhagsmunaplotti- mafía.

[Tómas Ibsen Halldórsson, 5.9.2017 kl. 23:03]

Mér sýnist Sjálfstæðisflokkurinn vera að falla á tíma. Flokkur sem ætti að vera í yfirburðarstöðu og endurheimta meirihluta í Reykjavík virðist vera heillum horfinn. Ég fæ mig ekki lengur til að kjósa þennan flokk og er þá ekki um margt að velja, allavega engan þann flokk sem nú er á þingi eða í sveitastjórnum. Kannski Flokkur fólksins sé eina lausnin?

[Sigþór hrafnsson (IP-tala skráð) 5.9.2017 kl. 23:43]

Nýfrjálshyggju guttarnir er að taka stigveldið úr sambandi með því að hola ríkið að innann og afhenda völdin til stórfyrirtækja, sjáðu hvað er að gerast í USA. Fólk hefur, sem betur fer, fattað þetta að einhverju leiti. 

Sjálfstæðisflokkurinn er hagsmunaflokkur. Fréttir af glæpum sjálfstæðismanna dynja yfir nánast daglega í fréttum. Brandarinn er upp á Sjálfstæðismenn vegna þess að þeir styðja þetta nýfrjálshyggju rugl, þeir fá það sem fyrir þá er lagt.

[Halldór Jónsson, 6.9.2017 kl. 07:31]

Já Heimir Lárus

Ég skildi það idjótí ekki þá, skil það ekki enn og skil það aldrei. Mér finnst alveg óskiljanlegt að Bjarni Benediktsson skuli hafa lagt nafn sitt við þetta bull.

Eddi vinur,

maður verður líka að hugsa um að henda ekki liði sínu í vonlaust rugl sem engu skilar. Ef þú getur sveigt Sjálfstæðisflokkinn á skárri brautir þá getur það skilað einhverju. Að kjósa einhverja litla fýluflokka sem ekki ná inn er tilgangslaust.

Tibsen

ég skil tilfinninguna en maður verður samt að hugsa hvað geti náð árangri og hvað ekki.Þú ert í slökkviliinu ef þú reynir að vinna gegn innanflokksbullinu sem er nóg af.

Sigþór

það sama á við með þig. þú ert kannski fúll Sjálfstæðismaður eins og fleiri. En ástandið er okkur að kenna að einhverju leyti, við höfum látið þá komast upp með alskyns bull