Kommatittur á Mogga

að nafni Árni Matthíasson skrifar reglulega í Morgunblaðið greinar sem virðast skipulega stefna að því að fæla fólk frá öllu sem kenna má til hægristefnu í stjórnmálum.

Í dag gengur hann eiginlega fram af mér með því hvernig hann leyfir sér að skrifa um réttkjörinn Forseta stærstu vinaþjóðar Íslendinga, Bandaríkja NorðurAmeríku.

En skrifin eru  eru innvafin í meira bull um hægristefnu í stjórnmálum almennt svo ég læt greinina flakka í heild sinni þó hún sé hrútómerkileg að flestu leyti:

"14. júní síðastliðinn var haldinn í Lundúnum fundur á vegum breska íhaldsflokksins þar sem menn ræddu um þau tækifæri sem gæfust til að afnema byggingareglugerðir í kjölfar þess að Bretar segðu skilið við Evrópusambandið. Heimildir herma að fundurinn hafi verið með dauflegra lagi, enda haldinn í skugga harmleiks: þá um nóttina hafði fjöldi manns farist í eldsvoða í Grenfell-turninum í borginni og við blasti að það væri vegna þess að ekki hefði verið farið eftir gildandi reglugerðum og/eða þær ekki nógu strangar.

25. ágúst sl. gekk fellibylurinn Harvey á land skammt frá bænum Rockport í Texas og hélt sig meira og minna á þeim slóðum til mánaðamóta. Ekki þarf að fjölyrða um skemmdirnar sem hann olli, fjölmargir létust og fleiri eiga eflaust eftir að látast, eignatjón varð gríðarlegt og hreinsun og uppbygging mun taka einhver ár ef ekki áratugi.

Hægrimenn hafa haft undirtökin í Texas í hálfa aðra öld eða þar um bil og þess sér stað til að mynda í því að Houston var borg þar sem allt var leyfilegt: menn máttu byggja hvar sem þeir gátu komist yfir lóð og yfirvöld skiptu sér lítið af því hvernig hús byggð voru – víðast voru reglugerðir takmarkaðar og sumstaðar giltu engar reglur um húsbyggingar. Fyrir vikið ræstu menn fram votlendi og malbikuðu og steyptu yfir það, þrengdu að skurðum og ræsum og kærðu sig kollótta um flóðahættu og skjól með augljósum afleiðingum þegar flóðið mikla kom.

Það er þrálátt stef hægrimanna þar í landi (og hér á landi reyndar líka), að allt sé að farast vegna reglugerða, að nánast ekkert sé mikilvægara í mannlífinu en að fækka þeim reglum sem koma í veg fyrir að menn geti gert hvað sem er hvar sem þeim hentar, ekki síst ef byggja þarf eitthvað sem græða má á. (Þessa sér til að mynda stað nú í aðdraganda sveitarstjórnakosninga í Reykjavík þegar brakúnar og spekúlantar birtast í fjölmiðlum sótbölvandi um að fá ekki að byggja hótel um þvera borg, fylla miðbæinn af lundabúð- um og drekkja borgarlífinu í krám og knæpum.)

Vestan hafs gerðust þau tíðindi á síðasta ári að loddari var kjörinn forseti, hrokafullur raðlygari og hórkarl. Að fylgjast með forsetatíð hans hefur verið eins og að horfa á eld í ruslagámi; forvitnilegt (og jafnvel skemmtilegt) á sinn hátt, en um leið þakkar maður sínum sæla fyrir að vera ekki undir hans stjórn.

Bandaríska stjórnkerfið er þó ekki bara einn maður, en svo vill til að hægrimenn þar vestan hafs, Repúblikanaflokkurinn, ráða því sem þeir vilja á þingi (í meirihluta í báðum deildum) og í flestum ríkjum – eiga nærfellt alla ríkisstjóra. Þeir leggjast því á árar með forsetanum gegn almenningi sem svamlar um í flóðinu í Texas (og í Flórída um næstu helgi ef svo fer sem horfir með Irmu), enda sígilt þeirra viðhorf: Úlfur rekur annars erindi. [e-mail]

Makalaust að Morgunblaðið skuli hafa svona kommatitt eins og þennan Árna Matthíasson sem blaðmann í sinni þjónustu sem notar svona götustrákaorðbragð um þjóðhöfðingja erlendra ríkja sem jafnvel ég þori ekki að nota þó mig langi stundum.  

Athugasemdir

[Jónatan Karlsson, 6.9.2017 kl. 15:42]

Sæll Halldór. Ég er nú ekkert endilega viss um að Árni þessi sé endilega kommatittur, þrátt fyrir þessi barnalegu ummæli hans sem auðvitað dæma sig sjálf og því enginn ástæða til að láta þau æsa okkur vondu karlanna upp.

[Jón Valur Jensson, 6.9.2017 kl. 16:32]

Langt er Árni til vinstri og hefur sýnt það skýrar með fyrri skrifum sínum. Hann er ennfremur einn af hörðum femínistum á blaðinu. Hitt vita færri, að hann einn af yfirmönnum blog.is og hefur beitt þar ritskoðunarvaldi, m.a. gagnvart mínum pistlum ekki sjaldnar en tvívegis og það af fáfengilegum ástæðum; snerti annað umræðu um ófædd börn á krist.blog.is, þar sem birtist mynd af einu fóstri sundurtættu, en saman röðuðu á ný, en hitt tilfellið sneri að umræðu um transfólk; í báðum tilvikum var "refsað" með því að taka vefsíðurnar út af stórhausasíðunni í þrjár vikur eða svo.

Ennfremur er hugsanlegt að ráðgjöf Árna til framkvæmdastjóra Blog.is hafi búið að baki því, að ég var tekinn út af stórhausasíðunni í desember sl. framanverðum og er ekki enn kominn þangað inn á ný! Þá hafði mér verið birt ákæra vegna umræðu á Moggabloggi mínu um s.k. "hinseginfræðslu" í Hafnarfirði og víðar, og var "frétt" um það raunar slegið upp á Mbl.is með stóru fyrirsagnarletri og ókræsilegri myndbirtingu, eins og á fjórum öðrum netmiðlum, sem endurbirtu sömu fyrirsögn og Rúv.is hafði notað í augljósum fjandskap við mig. Ekki fór hins vegar eins mikið fyrir því á þessum fjölmiðlum þegar ég var hreinsaður af öllum meintum sakargiftum og sýknaður í málinu og því ekki fram haldið með áfrýjun til Hæstaréttar.

Þetta þótti ekki eins fréttnæmt, og "refsing" blog.is er enn látin standa óbreytt !

[Vilhjálmur Eyþórsson, 6.9.2017 kl. 17:11]

Árni þessi gerði mig útlægan af Moggabloggiu fyrir að segja að samkynhneigð væri „meinlaus geðröskun“ (ég hafði samband við Davíð og var settur inn aftur). Hann er annars í sífellu að messa um „tjáningarfrelsi“ sem hann telur sjálfan sig alveg sérstakan baráttumann fyrir.

[GB (IP-tala skráð) 6.9.2017 kl. 18:47]

Ókræsilegir pistlar hjá Árna.

[Halldór Jónsson, 6.9.2017 kl. 20:02]

Jónatan

ég er ekki sammála þér. Vitnisburðir Jóns Vals og Vilhjálms benda í aðra átt. Hann hefði trúlega lokað á mig ef ég hefði notað svona orð um einhvarja kommatitta honum þóknanlega eða talað illa um kellingar eða vel um vændiskonur.

Hann veit mikið um netið og allt það hann Árni  og ekki vondur viðureignar í tæknimálum blog.is. Hann er líka stundum skemmtilegur í pistlumn meðan vinstrimennskan hleypur ekki í hann og tekur hann yfir.  En hann er bara kommatittur í mínum augum.

[Helgi Jónsson (IP-tala skráð) 7.9.2017 kl. 16:00]

Frábær pistill hjá Árna og það verður að segjast eins og er að hann er að mínu mati langbesti penninn á því annars lélega blaði.

Það virðist vera sem svo að vinstri menn séu almennt betri blaðamenn en þeir sem eru til hægri, svo miklir öfgar hjá þeim alltaf.

"

Árni þessi gerði mig útlægan af Moggablogginu fyrir að segja að samkynhneigð væri „meinlaus geðröskun“ (ég hafði samband við Davíð og var settur inn aftur). Hann er annars í sífellu að messa um „tjáningarfrelsi“ sem hann telur sjálfan sig alveg sérstakan baráttumann fyrir.

Vilhjálmur Eyþórsson, 6.9.2017 kl. 17:11 "

Sé þetta rétt þá segir það meira um Davíð Oddsson en margt annað.

[Halldór Jónsson, 7.9.2017 kl. 16:34]

Annar kommatittur hjálpar hinum auðvitað.

[Jóhann Kristinsson, 7.9.2017 kl. 21:56]

Menn ættu að kynna sér það sem þeir eru að fara skrifa um, eins og hvort það eru hægri eða vinstrafólk sem hafa verið borgarstjórar í Houston undanfarinn ár.

Demokratar hafa berið í borgarstjórastólnum í mörg ár hér i Houston. Áður en núverandi borgarstjóri tók við (sem er demókrati) þá var það samkynhneigð kona demókrati, sem var borgarstjóri og hún var ekki þekkt fyrir að vera hægra megin við miðlínu í pólitík. 

Með þessu getur fólk svo séð hversu áreiðanlegar heimildir pistilhöfunds eru í raun og veru. Þannig að fólk getur dregið synar eigin ályktanir og tekið mark á þessu ef sem pistilhöfundur skrifaði i Moggan ef það vill, en ekki eru heimildirnar góðar.

Kveðja frá Houston

[Halldór Jónsson, 7.9.2017 kl. 22:23]

Kommatittirnir búa til eigin veruleika eftir óskhyggju. Takk fyrir þetta Jóhann

[Jón Valur Jensson, 8.9.2017 kl. 15:04]

Já, mjög góðar ábendingar frá Jóhanni! Greinilega hefur eitthvað farið í handaskolum í heimildavinnunni hjá pistilshöfundinum Árna Matthíassyni.