Halldór Jónsson

1.10.2017 | 16:35

Stefnan er skýr

hvað varðar tekjutengingar ellilífeyris sem fram kom í bréfi formanns Sjálfstæðisflokksins 22.apríl 2013. Þar boðaði formaðurinn að flokkurinn ætlaði að afnema tekjutengingar við lífeyrisgreiðslur.

Getur það orðið skýrara?

Ekki bara vegna hundraðþúsundkalls í atvinnutekjum heldur alveg?

"Við ætlum að afnema tekjutengingar ellilífeyris. Þar er sannarlega um réttlætismál að ræða."

Ef frítekjumarkið hefði fylgt vísitölu þá hefði það verið 190 þúsund kall í dag sem svaraði til 109 þúsunda áður.Auðvitað á að stíga skrefið til fulls og afnema þessar tengingar eins og Bjarni benediktsson boðaði í þessu bréfi sínu frá 2013.

Menn borga bara fullan skatt af tekjum eins og aðrir hvort sem þeir eru gamlir eða ekki.

Auðvitað er það rétt að almannatryggingakerfið er öryggisnet sem á að grípa þá sem ekkert hafa. Við erum ekki að gera neitt sérstakt fyrir þá sem geta aflað sér aukatekna og borga skatta af þeim. Þurfum við eitthvað sérstaklega að gera aukalega fyrir þá sem ekkert hafa nema bæturnar en hafa ekki vinnu nema að hafa kannski sérstakar aukabætur fyrir þá?

Stefnan Sjálfstæðisflokksins er bara kýrskýr hvað þetta atriði vegna tekjutenginga varðar.

Flokkur: Stjórnmál og samfélag | Breytt s.d. kl. 16:40 | Facebook

Athugasemdir

Var ekki sjálfstæðisflokkurinn við stjórn síðast Halldór? Af hverju framkvæmdu menn ekki þetta sem þeir segjast nú ætla að gera eftir kosningar, ef þeir komast í stjórn? Er verið að fíflast með gamalt fólk?

Jósef Smári Ásmundsson, 1.10.2017 kl. 16:49

Það virðist ekkert sélega bjart framundan, því VG elítan er að fá 25-30& fylgi í skoðanakönnunum, og margt sem bendir til að VG verði í næstu ríkistjórn. VG elítan segir að rangt sé að stilla öldruðum, öryrkjum, og húsnæðislausum sem búa í tjöldum og húsbílum á höfuðborgarsvæðinu,upp á móti flóttamönnum og hælisleitendum, en í stefnuskrá VG er áliktað um að taka á móti að lágmarki 500 flóttamönnum á ári,og gera landið tilbúið til að taka við mun fleiri hælisleitendum, VG elítan virðist ekki gera sér grein fyrir að það er aðeins hægt að versla einu sinni fyrir sömu krónuna.

Halldór Guðmundsson (IP-tala skráð) 1.10.2017 kl. 17:13

Vandi Sjálfstæðisflokksins er sá að ekkert af þessu hefur verið framkvæmt og síst gagnvart þeim sem minnst mega sín í þjóðfélaginu. Sjálfstæðisflokkurinn mun missa mörg atkvæði vegna vanefnda í garð öryrkja og ellilífeyrisþega.

Bjarni Ben. hefur ekki verið neinn sérlegur vinur lítilmagnans. Hjá Sjálfstæðisflokknum virðist gleymt slagorðið "stétt með stétt". Sem fyrrum Sjálfstæðismanni þykir mér sárt að þurfa að viðurkenna þetta.

Tómas Ibsen Halldórsson, 1.10.2017 kl. 18:32

Tomas Ibsen. Finnst þér það sanngjarnt að gsgnrýna Sjálfstæðisflokkinn fyrir að koma ekki hlutum í verk, þegar þeir hafa ekki einusinni fengið ráðrúm í tvígang til að klára kjörtímabil. Núna síðast fengu þeir átta mánuði og þar vantar bara 40 mánuði til að standa við stefnu sína. Það gæti munað um minna er það ekki?

Skrifaðu þetta á vinstri möðursýkina, sem hefur sprengt ríkistjórnarsamstarf í byrjun kjörtímabils í tvígang útaf smáatriðum eða upplognum forsendum. Svo þegar þeir hafa steypt landinu í stjórnarkreppu og í tug eða hundruð milljarða tjón, mæta þeir aftur að borði og eru þá allt í einu sjálfir komnir með sterkustu stefnumál sjálfstæðismanna sem sín egin.

Gætir þú klárað eitthvað undir slíku. Gætir þú rekið fyrirtæki þar sem starfsfólk hættir ítrekað í fússi yfir engu?

Jón Steinar Ragnarsson, 1.10.2017 kl. 19:20

Þessi tilefnislausu upphlaup hafa kostað þjóðina tugi ef ekki hundruð milljarða og haldið landinu í stjórnarkreppu í lengri eða skemmri tíma undanfarið. Það verður ekki miklu komið í verk á kjörtímabilum, sem eru örtítímabil.

Röksemdafærsla Jósefs og Tomasar hér er svo vitfirringslega rakalaus og skammsýn að maður stendur eigilega gapandi.

Jón Steinar Ragnarsson, 1.10.2017 kl. 19:34

Helsta stefnumál vinstrimanna hefur lengi verið að koma í veg fyrir árangur Sjálfadtæðismanna og standa gegn og spilla helstu þjóðþrifamálum umdanfarin misseri. Þeir snerust meira að segja á sveif með erlendu vogunarsjóðunum og erlendum kröfuhöfum til að fá þessari stefnu sinni framfylgt. Velferð og hagsmunir þjóðarinnar skipta engu í því samhengi.

Jón Steinar Ragnarsson, 1.10.2017 kl. 19:43

Vandinn fyrir BB og flokkinn, er að hann aðhafðist ekkert!

Ef ég man rétt setti Katrín Jakobsdóttir ásamt þeim sem nú mega ekki sjást, ef atkvæðin eiga ekki að fjúka burt, ólöglega skerðingu,(Ofurskatt) á eldri borgara, þar sem allt í einu var komið eitthvað ofurskattalegt fyrirbæri sem fékk það merkilega og sakleysislega heiti frítekjumark uppá 109.000,- kr.

Þarna hófst "Ellistyrksþjófnaðurinn."

BB gat auðveldlega afnumið þennann "Þjófnað" og hefði verið af maður meiri, strax á fyrstu viku ríkisstjórnar hans og Beljuflokksins!

Nei ekki aldeilis 109.000,- er alltof hátt, setjum það í 0,00 og stelum Ellistyrknumm komplett!!! (Engar samviskukvalir)

Eftir fund Gráa Hersins, urðu menn hræddir, en áfram samviskulausir og óforskammaðir:

"Við gerum svo miklu meira fyrir Eldri Borgara, en Kata Jakk:

"Stelum aðeins minna af Gamlingjum en við ætluðum"
Látum þá fá 25.000,- í stað 0,00,- í Frítekjumark.
Katrín, Steingrímur og Svavarsfjölskyldan þorðu þó ekki að fara niðurfyrir 109.000,-

Fyrir viku horfði ég á BB lýsa því yfir að frítekjumarkið yrði hækkað í heilar 100.000,- kr VG þorði ekki neðar en 109.000,-

EF BB&Co ætla að hafa einhverja von um atkvæði þeirra sem eru að hugsa um og hafa kynnt sér hvað bíður þeirra við starfslok, þá er það alveg ljóst að ef það sem þeir kalla "Frítekjumark" og katrín Jakobsdóttir ásamt Steingrími J fundu trúlega upp til að rýja eldri borgara geta með engu móti kosið Ræningja.

Hver fer að kjósa þjófapakk, sem stelur 200.000,- 300.000,- af sérhverjum ellilífeyrisþega?

Ellilífeyrisþegarnir eru búnir að borga með sköttum Ellistyrkinn!! Allar skerðingar ólöglegar og skulu greiddar afturvirkt með fullum dráttarvöxtum!!

Lífeyrissjóðssparnaðurinn (sá litli hlutur sem ekki er varanlega týndur undir vökulum augum mestu Fjármálasnillinga þjóðarinnar miðað við launagreiðslur og bónusa til þeirra fyrir velunnin störf við að ávaxta peninga sem sauðsvartur almenningurinn var illu heilli skyldaður til að borga í svartholið sem kallast Lífeyrissjóður!!

Hvaða stjórnmálaflokkur mun setja þetta sem fyrsta mál á degi 1 eftir stjórnarmyndun??

Þeir vilja jú allir atkvæði Eldri Borgara, er það ekki??

Kolbeinn Pálsson, 1.10.2017 kl. 21:01

Jón Steinar. Bjarni og Sjálfstæðisflokkurinn hefði átt að standa með Sigmundi Davíð á sínum tíma en ana ekki út í kosningar eins og gert var. Ætli Bjarni hafi ekki einmitt séð fram á það að ná forsætisráðherra stólnum eins og raunin varð en með herkjum og nú er stjórn hans fallin. Bjarni hafði góðan tíma í stjórn með SDG til að koma góðum málum áfram, en gerði lítið í þeim efnum, því miður. Téður hópur öryrkja og ellilífeyrisþega voru ekki upp á pallborðið hjá honum þá frekar en núna. Stjórnmálamenn hafa löngum talað digurbarkalega um að mæta þeim sem minna mega sín þegar að kosningum kemur, en efndir litlar þegar á hólminn er komið.

Á sínum tíma kaus ég BB þar sem ég lagði traust minn á hann til að standa vörð um íslenska hagsmuni, en þá brást hann með því að samþykkja Icesave. Þá varð mér ljóst að ég gæti ekki treyst honum og reyndar hafði mér fundist málflutningur hans hvað varðar ESB, þ.e. að hagsmunir þjóðarinnar væri betur borgið utan ESB, vera loðinn og ósannfærandi. Mér finnst ég heyra falskan tón í yfirlýsingum hans þegar að spurningu um ESB kemur.

Tómas Ibsen Halldórsson, 1.10.2017 kl. 21:17

Tómas, heitir það að gera ekkert að klára uppgjör við kröfuhafa, afnema gjaldeyrihöft og reisa efnahaginn og krónuna upp úr rústum hrunsins, svo bara fátt sé nefnt. Heldur þú að Sigmundur hafi gert þetta einn og óstuddur? Ajálfstæðisflokkur og framsókn reistu landið úr rústum og við erum enn að njota þess árangurs.

Hefurðu hugleitt hvað hefði áunnist frekar ef þeir hefðu fengið frið til að klára kjörtímabilið? Hefurðu einhverja hugmynd um hvað þeim hefði tekist að klára ef þeir hefðu fengið að klára þetta kjörtímabi? Ertu kannski með einhverja skyggnigáfu, sem gerir þér kleyft að sjá inn í framtíðina?

Er það kannski hatur þitt út í sjálfstæðisflokkinn sem hefur rænt þig allri rökhugsun og lokað skilningarvitum þínum?

Þér er sveimér ekki við bjargandi.

Jón Steinar Ragnarsson, 1.10.2017 kl. 22:05

Framsóknaflokkurinn þorði ekki einu sinni að verja Sigmund. Bjarni tók skynsama ákvörðun að blanda sér ekki í innanflokksmál framsóknar á meðan á annan tug þúsunda vitfirts múgs barði bumbur og kveikti elda utan við þinghúsið. Hvað hefðir þú gert Tómas? Farið út á svalir alþingis og sagt "fuck you" við skrílinn?

Stjórnin hafði starfað í fullri sátt og samvinnu fram að múgæsingu vinstra liðsins. Múgæsingu, sem reyndist svo byggja á rangfærslum og hreinni lygi, rétt eins og í síðustu stjórnarslitum. Flokkur Fólksins er að megninu hluti þessa skríls. Virkir í athugasemdum og á Utvarpi Sögu.

Þú mátt annars hafa þína sannfæringu og ranghugmyndir.

Jón Steinar Ragnarsson, 1.10.2017 kl. 22:23

Ríkisstjórn SDG hafði góðan meirihluta á bak við sig og jú þeir gerðu góða hluti og það að kröfu SDG hugmyndirnar voru hans að mestu leiti og þeir hefðu getað haldið áfram og klárað kjörtímabilið, en einhverjar aðrar kenndir lágu að baki. En enn hefur BB ekkert gert fyrir þá sem minnst mega sín í samfélaginu og það er það sem ég er að benda á og leggja áherslu á. BB hefði ekki áorkað því sem stjórn SDG gerði hefði SDG ekki farið fyrir þeirri vinnu.

Tómas Ibsen Halldórsson, 1.10.2017 kl. 22:29