5 % þröskuldurinn er of lágur

til þess að komast inn á Alþingi.

það yrði allt annað yfirbragð á Alþingi Íslendinga ef þröskuldurinn inn á þingið yrði 7 % en ekki 5 %.

Það myndi fækka í larfahópnum sem dregur þingsvipinn niður og stuðlar á menningarlausri framkomu  innanhúss. Bara það að þingmenn væru vel klæddir eins og menn myndi hjálpa úr lágmenningunni sem þar ríkir. Og fækka í hópi þeirra lélegustu  sem þar ríða húsum og eru oftar afurðir litlu flokkanna. Sem voru til sýnis í síðustu ríkisstjórn.

Einmenningskjördæmi væru líka leið til að hafa meira af vitibornu fólki á Alþingi.En það er líklega ekki stemning fyrir því hér á landi.

Ríkisframfærsla stjórnmálaflokkanna er annað slys. Alvöru flokkum  er ekki vorkunn að lifa eða deyja á eigin aflafé og frjálsum framlögum.  Það var slys að Sjálfstæðisflokkurinn skyldi gangast inn á það með litlu ljótu klíkuflokkunum að ríkisvæða reksturinn.Ef þeir væru á eigin vegum myndi óþarfa framboðunum fækka og spillingin minnka.

En 5 %  þröskuldurinn inn á Alþingi er líka of lágur og hækkun hans í 7 % myndi laga ástandið.

 

Athugasemdir

[Helga Kristjánsdóttir, 4.10.2017 kl. 01:34]

Ég hlustaði á formann Alþýðufylkingar viðkunnanlegur hann Þorvaldur og laus við skrum. kannski verður hann með okkur og Miðflokknum,jú hann vill gera hlutina vel,er að sofna bíð góða nótt.

[Eðvarð Lárus Árnason (IP-tala skráð) 4.10.2017 kl. 13:31]

Þú hefur lög að mæla sem oftar Halldór.  Það er greiniglegt að hugur þinn leitar til fyrri tíðar, þegar þingmenn voru snyritlegir í klæðaburði og höfðu yfirbragð virðuleika, virðuleika sem að sjálfsögðu færðist yfir alþingi í heild.Ef smáflokkaþingnennirnir settir á vog kæmi í ljós að vægi þeirra væru létt.  Vonandi er  Helga vel vöknuð og getur farið að líta yfir stjórnmálaferilinn.

[Helga Kristjánsdóttir, 4.10.2017 kl. 16:50]

   Alveg rétt Eddi, það veltur allt á mér!