Páll hugsar kalt og yfirvegað

Það er athyglisvert að einn skarpasti stjórnmálagreinandi samtímans, konungur bloggaranna, blaðamaðurinn Páll Vilhjálmsson, sem seint verður um sagt að sé heilaþveginn fylgismaður einstakra stjórnmálamanna, skrifar tilvitnaðan pistil á sitt blogg:

"Varúð: vinstristjórn Vg, Samfó og Pírata

Ísland yrði ekki Norður-Kórea ef ríkisstjórn Vinstri grænna, Samfylkingar og Pírata tæki við völdum um næstu mánaðarmót. En lýðveldið okkar myndi láta á sjá.

Stöðugleiki og góðæri yrðu um næstu áramót minning um veröld sem var.

Könnun Fréttablaðsins er áminning um að hrollvekja vinstristjórnar er því miður ekki fjarlægur möguleiki.

Eina vörnin gegn vinstristjórn er sterkur Sjálfstæðisflokkur."

 

 

Það er athyglisvert að fyrrum kjósandi VG eins og Páll sem kaus erkiráðherrann Steingrím Jóhann til valda 2009 er kominn að þessari rökhugsun.

Við göpum hvorugir upp í allt hrátt sem frá hirðinni í forystu Sjálfstæðisflokknum kemur og erum á varðbergi en reynum að láta í okkur heyra í þeirri von að orð okkar heyrist.

En hreinlega kalt hugsað og praktískt varðandi framtíð þjóðarinnar þá sýnist þetta vera eini kosturinn í stöðunni hvað sem samúð okkar sem einstaklinga líður með einstökum frambjóðendum annarra lista.

Og frá þeim kemur vissulega margt sem á fullan rétt á sér.Þessi bloggari stendur sig iðulega að því að dæsa með sér þegar þeim  sumum mælist vel:

"Æ. Æ. af hverju ertu ekki í Sjálfstæðisflokknum."

Það skal þó tekið fram að þar hafa Katrín Jakobsdóttir, Steingrímur J. ,Björn Valur eða Lilja Rafney, aldrei verið nærstödd og jafnvel fleiri flokksbroddar VG. Ekkert fólk úr Viðreisn  eða Samfylkingunni og alls ekki Logi Már. Eða þá Píratar, Herre GUD!. En Jón Valur, Inga Sæland, og jafnvel aðrir oftar en einu sinni.

En það verður að vera kalt hugsandi og praktískur í kjörklefanum til að atkvæðið nýtist flestum sem allra best. Meiri hagsmunir fyrir minni. Það eru einfaldlega meiri líkur í vitrænni niðurstöðu ef Sjálfstæðisflokkurinn kemur að stjórnarborðinu hvernig sem veltur.

Það væri óskandi að fólk myndi hugsa aðeins fram yfir kjördag þann 28.október. Hvað tekur við þá ?

Páll og ég erum ekki í vafa um hvað muni auka líkur á að einhver skynsemi fái að ráða, alveg sama hvað okkur þykir til um einstaka forystumenn Sjálfstæðisflokksins eða fyrri tiltektir þeirra.

Framtíðin skiptir meira máli. 

Hugsum kalt og yfirvegað.

 

Athugasemdir

[Halldór Guðmundsson (IP-tala skráð) 4.10.2017 kl. 08:51]

Nú verður þjóðin að vanda sig í kjörklefanum 28. okt ef ekki á illa að fara.

Var að lesa stefnu VG, og mann setur hljóðan.                   Tökum á móti fleiri flóttamönnum, að lágmarki 500 á ári, og jafna þarf aðstæður hælisleitenda, og svo kallaðra kvótaflóttamanna.      Hælisleitendur koma margir frá Afríku og miðausturlöndum, sem sagt íslenskir skattgreiðendur eiga að taka á sig offjölgunarvandamál Afríku, Maður er nú farinn að spyrja sig hvort þetta elítulið VG lifi í einhverjum allt öðrum heimi en meginþorri landsmanna.  Er til ofmikils mælst að þjóðin geri þær kröfur til verðandi þingmanna, að þeir hafi haft góða stjórn á fjármálum sínum, og hafi ekki mist stjórn á fíkn sinni, því erfitt er að sjá slíkan mann, sem ekki hefur getað haft stjórn á sínu eigin lífi, eigi að stjórna þjóðinni gegnum hið háa Alþingi.