Sjónvarpsumræður

framboðsflokka voru að enda.

Það er varla hægt að ræða málflutning þeirra lélegustu svo illa grundaður hann var. Ég ætla því aðeins að tæpa á þvi sem mér fannst standa uppúr.

Bjarni Bendiktsson afgreiddi frú Friðriksson úr Viðreisn og aðra evruspekinga eins og Loga úr  Samfylkingunni með því einu að benda á hvaða yfirburða möguleika íslenskt æskufólk hefði hér á landi miðað við önnur lönd sem hefðu evru með eilítið lægri vexti en hér ríktu um þessar mundir þegar verðbólga væri nánast engin.

Þar með sjá flestir óbrjálaðir að áhrif verðtryggingar eru næsta lítil um  þessar mundir meðan verðbólga er lítil sem engin. Því væri stöðugleikinn það sem mestu máli skiptir sagði Bjarni. Hér væri 7 % hagvöxtur á móti engum hagvexti í mörgum evru löndum. Þar væri atvinnuleysi ungs fólks jafnvel 40 %. Ísland væri því óskaland fyrir ungt fólk og hvergi hefði það meiri möguleika en einmit hér á landi. 

Menn  gætu ekki talað um evru án þess að ræða bæði kosti hennar og galla. Varð frú Friðriksson algerlega klumsa við þetta.

Bjarni spurði Katrínu Jakobsdóttur um hvert hún ætlaði að sækja þá 70 milljarða sem hún boðaði í aukin ríkisútgjöld. Katrín setti auðvitað á langar ræður með mörgum brosum um almennan óskalista Vinstri Grænna. Hún ætlaði ekki að hækka skatta  á almennt launafólk sei sei nei heldur á hátekjufólkið. Bjarni var samt búinn að segja að skattbyrði hátekjufólksins eins og lækna til dæmis væri nú sú að þeir hátekjumenn greiddu aðra hverja krónu í skatta. Þesvegna skipti nú máli að halda áfram að lækka skatta á fólk og fyrirtæki en ekki að hækka þá.

Hvaðan ætti hitt að koma þegar allar opinberar greiðslur alls atvinnurékstrar í landinu næðu nú um sjötíu milljörðum spurði Bjarni þessa Katrínu?  Hvar myndi þessi viðbótar skattheimta  eiga að koma niður?

Katrín svaraði auðvitað engu um þessi atriði eins og við er að búast þar sem hún hefur greinilega ekki neina raunhæfa hugmynd um þetta sjálf. Húnþvælir og slær úr og í og svarar engu efnislegu frekar en aðrir vinstrisinnar.

Og sama gilti um aðra málfundargesti, Sigurð Inga og  Loga hjá Samfylkingunni, sem ætluðu báðir að stórauka útgjöld tila alls mögulegs eins og stóraukins heilbrigðiskerfis og menntunar.

Þorvaldur kommi var með lausn í öllu sem var allsherjar félagsvæðing alls efnahagslífs og fjármála og þarf ekki að ræða það betur svo gersamlega óraunhæft allt þetta bull hans er og lauk enda tilvist sinni í gamla Sovétinu fyrir margt löngu. 

Allir nema Bjarni og Sigmundur Davíð lögðu áherslu á að stórauka ríkisútgjöld sem ættu hvergi að koma frá neinum sem væri að borga nóg í dag. En hvaðan nákvæmmlega kom enginn þessara bullara með. 

Flestir þessarra málfundargesta töluðu um að vextir þyrftu að lækka sérstaklega  í þágu unga fólksins. Sem gamall maður veit ég ekki á hvaða á plánetu þetta fólk býr né hversu gersamlega ófrótt það er um liðna efnhagssögu.Ég var ungur maður fyrir meira en hálfri öld. Þá voru vextir í bönkum almennt minnir mig 10-30 % í óðaverðbólgu, og oft 2-3 % á mánuði. En þeir skiptu bara ekki neinu máli fyrir mig eða aðra unga því það var ekkert fé í bönkum eða neins staðar að fá að láni.  Engin bankalán var að fá nema stöku lágur víxill hjá Jóhanni í Útvegsbankanum sem einn bankastjóra lánaði nóboddíum. Annað var bara okurlán og klíka.

Ungur maður fór að byggja. Lóðagjöld og eftirlitsgjöld voru mjög lág miðað við í dag. Maður varð að vinna öll kvöld og helgar, steypa sjálfur, rífa mót, hreinsa timbur  og slá vini og ættingja fyrir öllu sme vantaði. Vaskur hjá Norðmann, ofnar í Runtal eða Ofansmiðjunni, steypa og spýtur fengust á víxlum,tengdapabbi reddaði einhverju tréverki, frændi lánaði pening, amma lánaði pening fyrir bíl, frændur og vinir komu um helgar að vinna með manni. 

Það var engin umræða það ég man um að ríkið þyrfti að leysa húsnæðisvanda ungs fólks eða að vextir þyrftu að lækka. Því það var enginn peningur til neinstaðar. Enda hverfur auðvitað allt opinbert lánsfé ef engir vextir eru í boði sem allir ættu að skilja nema auðvitað íslenskir stjórnmálamenn í framboði.

Engir lífeyrissjóðir voru þá til. Eina langlánið sem fékkst var húsnæðislán við fokheldi sem nam einhverjum þriðjungi af því sem það kostaði að flytja að flytja inn á steininn án gólfefna og inréttinga. Ofan á það kom síðar verðtrygging líka svona fyrir þá sem segja að við af minni kynslóð höfum fengið allt gefið. 

Þetta var bara þrotlaus barátta og basl.Það skipti öllu máli að losna úr leigunni sem var kannski fjórðungur af laununum minir mig og fara að greiða sjálfum sér. Eftir sem árin liðu smá lagaðist ástandið hjá okkur þessum workaholics sem þá voru allir meðal ungra.  Nú er bara talað um eins og Pálmey hjá dögun að tveggja herbergja íbúð kosti fjörtíu milljónir og þar sé allt vandamálið þegar byggingakostnaður er miklu lægri ef menn byggja með eigin höndum. En það er í móðins lengur heldur segjast stjórnmálaflokkar ætla að leysa vandann ef fólk bara kýs þá.Trúir einhver að vaxtalækkun og afnám verðtyryggingar sé allt sem þarf?

Nú laugar liðinn dag í gulli og maður tárast við að skoða myndir af sér og börnunum ungum frá þessum tíma.

Í heild var þetta ömurlegur þáttur og yfirgnæfandi skelfing að horfa upp á allt þetta bull og ráðleysi. Sunna Ævarsdóttir gekk gersamlega fram af mér í heimsku sinni og ósvífni og það er ótrúlegt að þessi manneskja skuli hafa numið við erlendan háskóla, slíkur var hennar málflutningur. Inga Sæland bilar hvergi í mælskunni og sagði sumt ekki alvitlaust fremur en þjóðfylkingarmaðurinn sem reyndi að koma innflytjendamálum á dagskrá en mistókst ömurlega, þar sem hinir höfðu engan áhuga á að taka á málinu eins og það sé aukatriði sem það kannski er.

Þetta var fundur um ekki neitt. Út úr þessu kom ekkert nema almennt kjaftæði um allt og ekki neitt ef frá er skilið þar sem Bjarni Benediktsson sagði sem eina alveg raunhæfa innleggið til þess að velta þjóðmálum fyrir sér af einhverri skynsemi.

Því miður voru þessar sjónvarpsumræður ömurlega leiðinlegar og skiluðu akkúrat engu að mínu litla viti til að auka skilning kjósenda á viðfangsefninu í kosningunum sem fram undan eru.

Athugasemdir

[Guðbjörg Snót Jónsdóttir (IP-tala skráð) 9.10.2017 kl. 00:05]

Sammála. Ég gafst upp á að hlusta á þetta blaður og bull í þessu liði. Ég hlustaði aðallega á það, sem Bjarni, Sigmundur Davíð og Sigurður Ingi sögðu, reyndi að hlusta á langlokuna í Ingu Sæland, en gafst svo endanlega upp, nennti ekki lengur að sitja yfir þessu þvaðri og fór að horfa á norska sjónvarpið, enda var ekkert á þessu að græða, og ekkert í þessu, sem maður var ekki búinn að heyra hundrað sinnum áður fyrir hverjar kosningar hér á landi. Þá vilja allir gera allt fyrir alla, og gleyma svo öllu saman eftir stjórnarmyndun. Það er alltaf sama sagan með þetta fólk. Þetta er sennilega ætlað fyrir þá, sem eru ekki búnir að ákveða, hvað þeir ætla að kjósa, en ég efast um, að fólk hafi verið nokkru nær eftir kvöldið í kvöld, og býst ekki við miklu næstu kvöld. Ég er alveg ákveðin í því, hvað ég kýs, svo að ég þarf lítið á þessu að halda, og finnst svona "fundir" heldur leiðinlegir og skila litlu til fólks. Svo er nú það.

[Helga Kristjánsdóttir, 9.10.2017 kl. 03:16]

Nú var ég virkilega ánægð með spyrlana voru hlýlegir og allt gekk eins og í smurðri vél. Já góður lotusigur Bjarna og Sigundar.

[Helga Kristjánsdóttir, 9.10.2017 kl. 03:17]

Sigmundar átti það að vera.

[Haukur Kristinsson (IP-tala skráð) 9.10.2017 kl. 04:28]

Að tveir Panama-pappírar, tveir skattsvikarar skulu vera flokksformenn er óþolandi með öllu og íslensku þjóðinni til skammar. Þau eru að verða fá Evrópulöndin þar sem þetta mundi líðast og líklega ekkert EU land.

[Halldór Jónsson, 9.10.2017 kl. 07:57]

Að vanda skildi doktorinn ekki upp né niður í hvað verið var að tala um vegna þráhyggjufordóma sinna. Útskýringar Katrínar á hverjir ættu að borga hefur honum fundist vera í lagi þar sem þær snerta hann ekki sjálfan. Bara persónuníðið skiptir máli hjá þessum vísindamanni. 

[Halldór Jónsson, 9.10.2017 kl. 08:00]

Hvernig skyldi doktor Haukur geta svarað greiningu Bjarna Jónssonar verkfræðings á frammistöðu Katrínar? 

"Í kvöld sáum við sýnishorn af því á RÚV, hvernig Katrín Jakobsdóttir fer undan í flæmingi og kemur sér hjá að svara alvöru spurningum á borð við þær, hvernig á að fjármagna 70 milljarða kr á ári ofan á útgjaldaaukann, sem ríkisstjórnin gerði ráð fyrir í 5 ára planinu 2018-2022.  Í staðinn geysist hún sem kálfur út um víðan völl.  Annaðhvort hefur hún ekki hugmynd um það eða hún þorir ekki að kannast við áform fyrir kosningar, og er hvorugur kosturinn traustvekjandi fyrir "verðandi forsætisráðherra".  Það skín þó í gegn, að "verðandi forsætisráðherra" kemst ekki með tærnar, þar sem fráfarandi hefur hælana í pólitískri yfirsýn og skilningi á efnahagsmálum.  "Verðandi" er full af innantómum og margtuggðum frösum.  Verður Steingrímur J. Sigfússon næsti fjármálaráðherra og aftursætisbílstjóri, eða verður hann utanríkisráðherra ? "

[Jóhann Elíasson, 9.10.2017 kl. 11:28]

Algjörlega sammála þessari færslu hjá þér.  Eftir að næstum allir frambjóðendurnir höfðu talað einu sinni, þá gafst ég upp.  Það er verulegt áhyggjuefni þegar "stjórnmálamennirnir" ná ekki að fanga hug kjósenda út einn sjónvarpsþátt.  Þegar Kata litla fór ENN EINU SINNI AÐ TALA UM HEILBRIGÐISKERFIÐ OG HVERSU NAUÐSYNLEGT VÆRI AÐ HLÚA VEL AÐ ÞVÍ, varð mér öllum lokið.  Heilbrigðiskerfið sem hún tók SJÁLF ÞÁTT Í AÐ SKERA SVO NIÐUR AÐ MJÖG ERFITT ER AÐ REISA ÞAÐ VIÐ AFTUR.  Og svo kom "gamla tuggan" um að ækja fjármagn til þeirra sem mest bera úr bítum.  NÚ HEITIR ÞAÐ EKKI LENGUR SKATTAHÆKKANIR HELDUR "KERFISBREYTINGAR" KEMUR LÍKA MIKIÐ BETUR ÚT Í KOSNINGABARÁTTU.  Það litla sem sem ég sá gaf ekki stór eða mikil fyrirheit um framhaldið svo ég fór bara að gera annað mun mikilvægara.

[Halldór Jónsson, 9.10.2017 kl. 12:01]

Já Jóhann

mikið skil ég þig vel og það sem þú segir. Það er alveg makalaust hvað spyrlarnir eru vægir finnst mér. Af hverju báðu þeir ekki Kötu um að svara spurningu Bjarna um hvar ætti að taka peningana þegar það sem hún ætlar að leggja á til viðbótar samsvarar öllum tekjuskatti allra fyrirtækja í landinu. Húin komst upp með bara söng og dans í stað þess að svara og spyrlanrir gerðu akkúrat ekkert í því. Er það af einhverri sérstakri samúð RÚV meðp VG?

[Kristinn Bjarnason (IP-tala skráð) 9.10.2017 kl. 15:41]

Mér fannst SDG vera ferskur, hef á tilfinningunni að hann sé að koma með eitthvað mjög skemmtilegt. Halldór, finnst þér ekki dularfullt að enginn frambjóðaenda skuli berjast fyrir því að leysa upp lífeyrissjóðina. Þetta er örugglega stærsta hagsmunamál almennings í landinu.Sennilega er besta leiðin að breyta iðgjöldum í skyldusparnað sem mætti nota til íbúðakaupa.

[Halldór Jónsson, 9.10.2017 kl. 21:31]

Jú Kistinn, ég vildi heyra eitthvað í alvöru um þau grafalvarlegu ríkissósíalisma mál þar sem Nomenklatúran í stjórnum lífeyrissjóðanna er farin að stjórna öllu efnahagslífinu.Það er ekkert eftir fyrir aðra en stórkapítalið sem þeir stjórna og fara með sem eigin eign í sús og dús fyrir sjálfa sig. Sukka með 17 milljarða af eign launþeganna. Botnlaus spilling fyrir opnum tjöldum af sauðshætti fólksins sem er ekki að fatta þetta ennþá.

Það verður að leggja þetta af og taka upp gegnumstreymiskerfi í Seðlabankanum þar sem hvr launamaður á sína séreignarskúffu.