Er fólk að átta sig

á að glamrið í Katrínu og Loga Má  um að moka fé í allt og alla með því að taka það af þeim sjálfum fyrst gengur ekki upp.

Það verður óhjákvæmilega sama fólkið og á að fá gjafirnar sem verður látið borga þær fyrst. Það eru nefnilega engir aðrir til að borga heldur en hinn breiði massi.

Þó að þessir sósíalistar segist ætla að skattleggja þá ríku og alla þá sem eitthvað eiga þá gefur það ekki það sem til þarf.  Það er fjöldinn sem verður að koma fram með peningana því þeir ríku eru ekki nógu margir.

Og hefur ekki inntak sósíalismans ávallt verið það, að skattleggja og eyða. Tax and spend-,. það er hin alþjóðlega skilgreining sósíalismans. Sósíalisminn hefur aldrei getað hugsað öðruvísi, Ekki að skapa og uppskera heldur að rifa upp með rótum og gleypa. Og síðan tekur skorturinn við sem sósíalisminn hefur svo alltaf verið skiptastjóri í. Alls staðar þar sem ráðstjórnin ríkir er skortinum einum að skipta.

Hugsanlega er fólk á Íslandi að átta sig á því um hvað er verið að kjósa eftir viku?

 

Athugasemdir

[Halldór Jónsson, 21.10.2017 kl. 18:29]

Páll Vilhjálmsson, fyrrum kjósandi VG(2009) er bínn að átta sig:

" Þrír skattaflokkar: Vinstri grænir, Samfylking og Píratar

Vinstriflokkarnir þrír eru allir skattaflokkar. Eignaupptaka á öldruðum og almennar skattahækkanir eru forsenda fyrir kosningaloforðum þeirra.

Eins og það sé ekki nóg ætla skattaflokkarnir að ráðast að stjórnarskránni og með góðu eða illu gera Ísland að ESB-ríki.

Þjóðin hefur viku til stefnu að gera upp við sig hvort hún vill skattaflokkana þrjá til landsstjórnar eða velja sér hófsamari stjórnmálaöfl til forystu."

Vonandi er fólk tilbúið að fara að dæmi Páls.

[Halldór Guðmundsson (IP-tala skráð) 21.10.2017 kl. 18:32]

Gerum betur segir VG elítan:                                    Tökum á móti fleirum flóttamönnum, að lágmarki 500 á ári, og gerum hælisleitendur, hvaðan svo sem þeir koma, jafn réttháa kvótaflóttamönnum á Íslandi. Sem sagt íslenskir skattgreiðendur eiga að taka á sig offjölgunarvandamál Afríku. Og Samfylkingin og Píratar eru á svipaðri skoðun.    Og þá eru miklar líkur á að þessir vinstri flokkar, muni boða stórhækkun á sköttum á landsmenn, enda kostar þetta hugðarefni vinstri flokkanna sitt. En á sama tíma sem einstæðar mæður missa húsnæði sitt, og er svarað af bæjarfélögum, að enga hjálp sé að fá, og þeim bent á að láta frá sér börnin.                                              Þá vitum við hvernig forgangsröðunin verður í næst vinstri STJÓRN.

[Halldór Jónsson, 21.10.2017 kl. 18:56]

Reykjavíkurborg er að kaupa íbúðir núna undir hælisleitendur meðan sumir  jafnvel sjúkir Reykvíkingar búa í tjöldum

[Helga Kristjánsdóttir, 21.10.2017 kl. 20:51]

Það er fyrst beinlínis átakanlegt að sjá myndir af hælisleitendum,sem hafa beðið alltof lengi eftir ákvörðun stjórnvalda hvort þeim verður veitt hæli eður ei.Ég er hætt að nefna uppsögn Schengen,því var ekki vel tekið í Hlíðarsmára fyrir örfáum árum.-Samfylkingin og Píratar eru ekki af baki dottnir hvað innflutning flóttamanna áhrærir,án þess að þeir upplýsi nokkurntíma hvernig þeir ætla að hýsa,fæða og klæða 500 á ári til viðbótar. 

Stutt saga af vinkonu minni sem aðframkomin dreif sig upp á Landspítala (stutt eftir hd.)er hún merkti hjartatif á margföldum hraða.Því er skemmst frá að segja að hún var drifin í myndatöku og allt til 9 um kvöldið var hún stöðugt að spyrja hvort læknir hefði lesið úr myndunum.

það var mikið álag á starfsfólkinu og hún sá stöðugan straum útlendinga koma og fara sem kunnu greinilega að segja "ég ekki borga"! Að lokum ákvað hún að fara þegar henni var tilkynnt að læknirinn væri farinn og hefði ekki haft tíma til að skoða myndirnar,enda leið henni betur.Hún gekk því að gjaldkera og spurði hvað hún ætti að borga; "Þér verður sendur reikningurinn"Ný ríkisstjórn á mikil og brýn verkefni fyrir höndum,þótt þetta dæmi sé bara sýnishorn úr hluta eins dags...

[Bjarni Jónsson, 21.10.2017 kl. 20:58]

Kollega Halldór;

Ef þú lest viðtalið við Pál Kr. Pálsson í Viðskiptablaðinu 19.10.2017, verður þú fljótur að átta þig á því, hversu viðkvæm staða atvinnulífsins er núna.  Það má sízt við vinstri stjórn núna.  Þá gæti stefnt í alvarlegt atvinnuástand þegar á næsta ári.