Framsókn-In memorian

væri titill á sorglegri minningargrein um þann merka flokk Framsóknarflokkinn  með sína ellefuhundruð ára sögu af stoltum og seigum Íslendingum. Kafli í henni yrði skrifuð gangi stjórnarmyndun Sigurðar Inga með Smára McCarthy eftir. 

Þessi stjórnarmyndun með Smára og Katrínu myndi reka fleyg í Framsóknarflokkinn sem myndi taka langan tíma að ná burtu. Miðflokkurinn myndi verða staðreynd til frambúðar í stað þess að þessir flokkar myndu sameinast með tíð og tíma. 

Þjóðin hefur oftar en ekki fengið stöðugleikaframlag frá Framsóknarflokknum þegar á hefur þurft að halda. Misdýrt að sjálfsögðu en stöðugleikaframlag samt. Hvað sem menn hafa oft orðið illir út í Framsóknarflokkinn þegar hann hefur sveigst of mikið til vinstri, þá verður ekki á móti mælt að áhrif hans hafa verið mikil í gegn um tíðina og skipt sköpum.

Fjórflokkurinn hefur líka dugað þjóðinni mun lengur en smáflokkaflóran sem nú skreytir sali Alþingis. Það ástand er örugglega ekki framlag til stjórnmálalegs stöðugleika. Fleiri en einn  stór flokkur er örugglega æskilegri fyrir hverja þjóð en margir smáir svo sem dæmin sanna.

Fólk þarf ekki lengi að horfa á Pírataflokkinn til þess að sjá hversu óralangt frá veruleikanum þetta fólk er. Ekki eru allir sannfærðir um að það sé yfirleitt stjórntækt. Hvernig halda menn að hægt sér að byggja á staðfestu þessa fólks til stjórnarstarfa? Það hefur stundað hjásetur í atkvæðagreiðslum í meira mæli en aðrir þingmenn. Þingmenn Pírata stökkva af þingi fyrirvaralítið til óskyldra starfa þegar þeim dettur í hug. Þeir fara frjálslega með félagsleg réttindi svo eftir hefur verið tekið. Þeir segja ekki rétt frá sínum högum og menntunarstöðu. Sumir segjast opinberlega eiga við geðræna heilsufarsvanda að stríða. Aðrir eru orðaðir við vafasöm erlend tengsli og dreifingu frétta.

Strange Bedfellows,  fyrir Framsóknarflokkinn myndu einhverjir segja.

Þess í stað á Framsóknarflokkurinn nú raunhæfan kost á að ná fyrri styrk aftur og setja niður deilur.  Og væri það ekki betra fyrir þjóðina heldur en að núverandi klofningsástand verði fest i sessi til lengri tíma?

Miðflokkur og Framsóknarflokkur með Sjálfstæðisflokki og Flokki Fólksins hefur raunhæfa möguleika á að ná árangri á grundvelli þess menntaða mannvals sem þar er innanborðs. Slíka  einstaklinga er bara  ekki að finna innan stjórnarandstöðuflokkanna í nægilegum mæli.

Því er stjórnarmyndunar Katrínar Jakobsdóttur ekki beðið víða með eftirvæntingu. Enda næsta andvana fædd með tæpan meirihluta eins og nýleg reynsla ætti að kenna.

Vonandi verður þessi In-Memorian grein um Framsóknarflokkinn ekki skrifuð að sinni.

Athugasemdir

[Ómar Ragnarsson, 3.11.2017 kl. 11:45]

Framsókn hóf feril sinn með ríkisstjórnarsamstarfi við Alþýðuflokkinn, sem þá hafði nota bene innaborð rauðustu kommínista sem uppi hafa verið á Íalandi. 

Eftir það sat Framókn í eftirtöldum mið-vinstri stjórnum:  

1934-1939 

1956-1958

1971-1974

1978-1979 

1980-1983 

1988-1991

Sex ríkisstjórnir í alls 15 ár. Hefðurðu ekki þurft að skrifa In-Memoriamm grein talsvert fyrr?

[Jón Steinar Ragnarsson, 3.11.2017 kl. 12:47]

Ómar, í fimm af sex stjórnum þarna satu þær ekki heilt kjörtímabil, tvö og þrjú ár eða skemur.

[Halldór Jónsson, 3.11.2017 kl. 14:14]

Ómar, Framsókn sat í þessum ríkisstjórnum af því að þeir voru alvöru flokkur. Þessir smáflokkar hafa ekkert verið í ríkisstjórnum nema til bölvunar. Ef Framsókn ætlar að gera sig að smáflokk í stað þess að setja flokkseininguna í efsta sæti þá er það skaði fyrir þjóðina og þá er ástæða til að skrifa In Memoriam.

[Hörður Þormar (IP-tala skráð) 3.11.2017 kl. 16:12]

Ef mér skjátlast ekki, þá ertu í dag að sigla inn á níræðisaldurinn.

Ég óska þér til hamingju með þennan áfanga og vona að þú eigir eftir að njóta þessa æviskeiðs vel og lengi.

[Halldór Jónsson, 3.11.2017 kl. 21:21]

Þakka þér fyrir Þormar.

Ég er á framlengingu eins og víxlarnir voru í gamla daga og er háður samspili við læknavísindin.  Vísindin efla alla dáð. Allt gengur vel enn og hver veit hvað er hinu megin við hornið í þeim hinum vísindalegu efnum. 

[Jón Valur Jensson, 3.11.2017 kl. 23:43]

Hjartanlega til hamingju með áttræðisafmælið, Halldór. 

Þú ert ómissandi hér og lofar því að fara ekki !

[Halldór Jónsson, 4.11.2017 kl. 12:08]

Þakka þér fyrir Jón Valur vinur minn.

[Elle_, 4.11.2017 kl. 14:01]

Hvað í fjáranum var þetta frá Herði Þormari? Hann ætti að prófa koma niður á jörðina.

[Elle_, 4.11.2017 kl. 17:01]

Misskildi ég Hörð Þormar? Taldi hann fyrst vera einn enn að hæðast að aldri manns, eins og nokkrir hafa.

[Óskar Helgi Helgason (IP-tala skráð) 4.11.2017 kl. 21:13]

Sæll Halldór - sem og aðrir gestir þínir / og heillakveðjur: í tilefni stór- afmælis þíns !

Vona: að ''framleninging'' þín verði hin lengsta.

Að stjórnmálunum.

Hérlendis - verður að koma á kerfisbreytingu frá A - Ö, því ekkert er á núverandi flokkakerfi að treysta, sbr. svigurmæli og loforða stagl þeirra, í gegnum tíðina.

Sjáum: hversu vel tókst til austur á Taíwan t.d., en Lýðveldið Kína var byggt á grunni Dr. Suns yat- Sen og Chiangs kai- Shek og annarra afburðamanna þar eystra, á sinni tíð.

Auðvitað - er Taíwanska mynstrið byggt á ákveðinni Hernaðar hyggju líka, sem alveg mætti verða hérlendis, þar sem engar eru viðvarandi landvarnirnar fyrir, síðan Bandaríkjamenn yfirgáfu Sandgerðis (Keflavíkur) flugvöll:: 2006.

Með beztu kveðjum: sem endranær, af Suðurlandi /