Hlýnun af mannavöldum

er frasi sem hver étur uppeftir öðrum. Síðast Hjörleifur Guttormsson í Mogga í dag. Það er eins og allt sé að yfirhitna af mannavöldum og eitthvað verði að gera tafarlaust.

Svo kemur súrnun hafanna til skjalanna sem næstu hamfarir. En þau eru basisk eins og flestir vita og hafa ph gildi um 8. Lítið súrt það.

Svo kemur kolefniskjaftæðið til viðbótar. Við tökum maísinn frá sveltandi fólki til að búa til ethanol úr honum sem gerir bensínið okkar verra og dýrara fyrir fátæklingana og veldur hungursneyð í Afríku auk lakari lífskjörum um allan heim. 

Við mokum ofan í gamla framræsluskurði án þess að hafa mælt hvort þeir eru yfirleitt að anda frá sér methani eða koltvísýringi. Samt er vitað að það margfalt meira af CO2 í andrúmsloftinu á fyrri tímum. Hver spekingurinn gapir uppí annan og endurtekur slagorðin um hnattræna hlýnun af mannavöldum. Sem er í besta falli algerlega ósannað mál eins og línurit Spencers sýnir.

Holuhraunsgosið og Eyjafjallajökull gusu margföldu losunarmagni heimsins á örskammri stund. En þeir spekingar og spámenn hér á fold sem spreyta sig á þrætu um anda og hold, heyrðu hvorki né sáu að neitt væri að gerast. Og það eru eldfjöll í gangi um allan heim. 

Árið í ár er bara það þriðja í röðinni af hlýjustu undanförnum 39 árum. Hlýjast var 1998. En staðreyndir skipta heimsendaspámennina engu máli og þeir gera hróp að Trump fyrir að hafa efasemdir um vísindin þeirra.

 

Sólin er hinn mikli skapari himins og jarðar okkar. það er hún sem öllu ræður um okkar framtíð. ekki Al Gore eða álíka kaupahéðnar og heimsendaspámenn. Hlýnun af mannavöldum er í besta falli ósönnuð tilgáta.

Athugasemdir

[Helga Kristjánsdóttir, 3.1.2018 kl. 01:49]

Fyrst þegar ég heyrði fréttirnar um ógnina sem stafar af"hlýnun jarðar" minntist ég eilífra pláguspádóma spekinganna hér áður fyrr,sem spáðu heimsendi og skýrðu með ehv.eins og umpólun eða álíka á nokkra tuga ára fresti.-Varla gat það verið viðvörun þeirra,gefandi engin ráð við hamförunum. 

Þarna laust oní hausinn á mér,en hvað geta þá nútíma spáarar gert? Grætt og komist yfir lönd og höf,með sínum ótrúverðugu ráðum.

[Jónatan Karlsson, 3.1.2018 kl. 12:09]

Ég gæti best trúað að þú hafir rétt fyrir þér varðandi ótrúverðugleika allra þessara heimsenda spádóma.

Ég er nú líka svo illa innrættur, að vildi helst að við þessi sjálfbæru ríki, létum þriðja heiminn afskiptalausan, svo hann geti sjálfur hjálpað móður náttúru með að halda jafnvægi í stærstu ógn okkar öðlingana, nefnilega offjölgun homo sapiens.

[DoctorE (IP-tala skráð) 3.1.2018 kl. 14:26]

Gamli kallinn á íslandi veit náttlega allt miklu betur en yfirgnæfandi meirihluti vísindamanna um heim allan.

Óskiljanlegt að þú sér hér á blog.is en ekki að skrifa greinar í virt vísindarit

[Þorsteinn Styrmir Jónsson (IP-tala skráð) 3.1.2018 kl. 18:45]

Enda skipuðu gamlir karlar alltaf öldungaráðin hjá ættbálkonum í denn.

En fleiri gamlir karlar hafa sagt ýmislegt um loftslagsmál og leyfi ég mér að vitna í þessa færslu Páls Vilhjálmssonar [https://pallvil.blog.is/blog/pall_vilhjalmsson/entry/2202022/http://pallvil.blog.is/blog/pall_vilhjalmsson/entry/2198474/]

"

Fred Singer er á tíræðisaldri og prófessor í umhverfisvísindum. Hann segir engar sannanir fyrir hlýnun af mannavöldum.

Norsk-ameríski nóbelsverðlaunahafinn Ivar Giaver segir loftslagsvísindin í höndum sértrúarmanna sem brjóti meginreglur vísindanna um að leita sannleikans. Ivar er 88 ára.

Carl-Otto Weiss er þýskur vísindamaður. Hann sýnir fram á að loftslagsbreytingar eru náttúrulegar sveiflur; ekki af mannavöldum. Carl-Otto er 76 ára.

Freeman Dyson prófessor í Princeton er með þrjá yfir nírætt. Leggjum ekki trúnað á reiknilíkönin um að jörðin verði óbyggileg er hans viðhorf. Þvert á móti er jörðin lífvænlegri en áður.

"

[Árni Gunnarsson, 3.1.2018 kl. 22:04]

Fyrir löngu hefur það legið ljóst fyrir að Sjálfstæðismenn á 

Íslandi eru skaðlega vanmetið innlegg í vísindaakademiu heimsins.

Engan skal undra þótt í ljós hafi komið að þegar hinn ástsæli

og orðheppni leiðtogi BNA, Donald Trump, bar sigurorð af

kerlingarálftinni hans Clintons með naumum minnihluta atkvæða

varð hann jafnskjót þeirra öflugasti bandamaður.  

[Haukur Árnason, 4.1.2018 kl. 03:01]

Er ekki verið að hafa núna eftir Páli Bergþórssyni, að veður muni fara kólnandi næstu 30 til 40 árin.  Tek meira mark á honum heldur en Al Gore ofl.

[DoctorE (IP-tala skráð) 4.1.2018 kl. 10:24]

Haukur... ertu eitthvað tæpur, heldur þú að þetta snúist um Al Gore og Pál... Ætlar þú að treyst Pál framyfir alla helstu vísindamenn heimsins sem hafa rannsakað þetta yfir áratugi

[Haukur Árnason, 4.1.2018 kl. 17:54]

Doctor E. Páll er skynsamur, en"helstu vísindamenn heimsins " eru lærðir.

[Jónas Gunnlaugsson, 4.1.2018 kl. 23:32]

 Að sjálfsögðu er Halldór á réttu línunni, okkur skortir þekkingu og yfirsýn, og línurit frá borkjörnum í jöklum og botnseti, gefa til kynna að sveiflur í hita á Jörðinni og kolsýra í andrúmsloftinu og súrnun hafanna, er mismunandi í gegn um árþúsundin.

Við, venjulegir, skildum ekki þörungablómann í Mývatni, en vísindmaðurinn Jón Kristjánsson upplýsti okkur fáfróða, um allt málefnið.

Neðan við fréttina um Mývatn, eru líkar fréttir frá Kyrrahafinu,

Þar er þörungablómi, rauður, í miklu magni.

Fyrsta hugsun okkar er að þessi þörungablómi stafi af geislun frá Fukushima Reactor í Japan, eða mengun í höfunum af manna völdum.

Þá hugsum við aftur um þennann fyrrnefndan skort okkar á þekkingu og yfirsýn.

Einhversstaðar las ég grein sem benti til að þetta væri í átt að einhverju sem mér fannst hliðstæða við Mývatns sveifluna, nema að Kyrrahafs sveiflan var mun öldulengri í tímanum.

Þessa grein ætti að vera hægt að finna á netinu.

Að sjálfsögðu er Halldór Jónsson verkfræðingur á réttu línunni, okkur skortir þekkingu og yfirsýn, og línurit frá borkjörnum í jöklum og botnseti, gefa til kynna að sveiflur í hita á Jörðinni og kolsýra í andrúmsloftinu og súrnun hafanna, hefur verið mismunandi í gegn um árþúsundin.

Framhald:

https://jonasg-eg.blog.is/blog/jonasg-eg/

Egilsstaðir, 04.01.2018  Jónas Gunnlaugsson