Nýr spítali

er kominn í gang í Dubai.Hann er 3000 m2 að grunnfleti og 10 hæðir. Samtals 30.000 m2.

Ef við fengjum að nota teikningarnar og kaupa allan sama búnaðinn og þarna er að finna frá Suður-Kóresku fyrirtæki sem sá um allt tæknilegt þá gætum við byrjað að byggja á Vífilstöðum í vor og flutt inn eftir 2 ár í það mesta. Ekkert mál að byggja 10 hæðir á lóðinni með góðum bílakjöllurum undir og 1000 bíla parkeringsróbot við hliðina.

Íslenskur læknir, Gísli Einarsson var hátt settur við þessa framkvæmd þannig að hæg heimatökin ættu að vera að spyrja hann út í þetta til samanburðar við okkar áætlanir.

Af hverju má ekki spyrja ráðherrann okkar um það hvað svona aðferð myndi kosta? Er ekki hægt að fá einhvern Pírataspeking á leðurjakka til þess? Nei, það er ekki hægt vegna þess að þeir eru uppteknir vegna  Sigríðar-og dómaramála. Og svo eru allir hælisleitendurnir hennar helgu Völu sem við þurfum að taka langan tíma í að afgreiða  þó að þeir hafi þegar verið reknir frá Noregi á grundvelli 48 tíma reglunnar.

Íslendingar eru að setja saman hóp teiknara með margvíslega reynslu eins og af stólahönnun, íbúðarhúsabyggingum og járnateikningum, pípulögnum af íbúðarhúsum en enga af spítölum. sem geta nýst til að teikna lágreistan spítala við Hringbraut þar sem hægt er að ferðast lárétt á hlaupahjólum eftir göngunum í stað lyfta upp og niður.

Bara þessi hönnunarkostnaður á eftir að hlaupa á stórum upphæðum og taka langan tíma. En eru kannski hagvöxtur og skattgreiðslur líka?

Af hverju má ekki bera saman kostnað af því að kópéra spítalann í Dubai og því byrja allt frá grunni hér? Það er líka nýr spítali í Osló er mér sagt. Og fullt  af þeim í Kína.

Kínverjar geta byggt skip handa okkur og glerhjúp á Hörpuna en ekki spítala?

 

Athugasemdir

[Gústi (IP-tala skráð) 1.2.2018 kl. 20:11]

Þak sem ekki er gert til að þola yfir 500 tonn af snjó. Veggir og gluggar sem ekki eru gerðir fyrir suðvestan rigningu og slagveður. Kyndikerfi fátæklegt. Starfsmannaaðstaða miðuð við að starfslið sé að mestu karlkyns. Tæki flest ekki CE merkt og ólögleg í Evrópu. Lúxus einkaherbergi fyrir aðalinn og 10 manna salir fyrir almúgann.  O.s.frv.

Þess má geta að ákveðið var að byggja nýja spítalann í Dubai 1977 og fyrstu sjúklingar voru lagðir inn 1983. Hann tekur færri sjúklinga en Landspítalinn og afkastar færri aðgerðum. Nú stendur til að stækka sjúkrahúsið með viðbyggingum fyrir um 30 milljarða.

Gaman að sjá Halldór hvetja til þess að við miðum þarfir okkar við hvað múslímar á Arabíuskaga telja sig þurfa og hættum að hugsa sjúkrahús út frá okkar þörfum og aðstæðum. Áður hefur hann hvatt til þess að við tökum upp ýmsa siði og venjur múslima. Það mætti halda að þessi "gerum eins og þeir" árátta Halldórs lýsi illa dulinni aðdáun og hrifningu. 

[Ómar Ragnarsson, 1.2.2018 kl. 21:02]

Við þurfum ekki að fara til Arabalanda til að kópera spítala og drífa í að byggja hann. 

Þegar nýr spítali var byggður frá grunni fyrir Osló var hann talinn besti spítali í Evrópu og er það jafnvel enn. 

Menn eiga eftir að vakna upp við vondan draum eftir 15 - 25 ár ef bútasaumurinn við Hringbraut verður valinn, en hann er svipað fyrirbæri og spítalinn í Þrándheimi, sem í Noregi er talinn vera "víti til varnaðar." 

[Jón Ingi Cæsarsson, 2.2.2018 kl. 10:07]

Gott að menn með svona galna hugmyndafræði að leiðarljósi ráði ekki á Íslandi.