Á morgun

verða Íslendingar slegnir út úr Júróvisjón ef að líkindum lætur og okkar lið sent heimt. Austurevrópuliðið stendur saman og sópar okkur útaf. Og við verðum öldungis hissa að vanda.

Ég er búinn að sjá helling af myndum af stráknum Ara. Allt í lagi með hann.  En ég er ekki búinn að heyra lagið ennþá. Af einhverjum ástæðum er það aukaatriði.

Þetta verður brandari ársins að venju. En dásamleg er bjartsýnin okkar sem ræður ríkjum alveg fram að einkunnagjöfinni.

Allt þetta verður á morgun.

 

Athugasemdir

[Þorsteinn Siglaugsson, 7.5.2018 kl. 21:10]

Hvaða hvaða. Ekki vera svona svartsýnn. Maður á auðvitað að trúa því statt og stöðugt að Ísland komist áfram. Svo segir maður bara eftir á að maður hafi nú alltaf vitað að við dyttum út :)

[Halldór Jónsson, 9.5.2018 kl. 13:38]

Hvaða hvaða Þorsteinn

fór þetta ekki eins og ég sagði.

Ég heyrði í tónskáldum í útvarpi. Einn þeirra sagði að þetta væri sönglagakeppni og vildi ráða menn í að semja sönglög.

Ég man þegar Fúsi samdi Litlu Fluguna. Menn sungu og flautuðu lagið í Strætó daginn eftir af því að þetta var náttúrlegt lag. Okkar framlög í Júróvisjón hafa bara verið mismunandi útgáfur af gargi sem enginn getur lært.Nema helst Syngjum öll um Sókrates eftir Stormskerið og jafnvel Gleðibankinn líka.

Á ekki fyrst að búa til lagið og svo finna Ara og uppákomurnar til að flytja? Ekki öfugan hring.