Kínverjar eru á bak við

ákvörðun Trump um að fresta fundinum með Kim.

Útþenslustefna Kínverja sem sjóveldis blasir við Bandríkjamönnum. Þeir eru að byggja upp hernaðarveldi í Suður Kínahafi. Þessi blánka þjóð sem er stórskuldug til ríkisins, bæjarfélaga og sveita og hefur ekki stærri þjóðarframleiðslu á mann en Dóminíska Lýðveldið sem enginn telur til stórvelda.Styrkur þeirra er margfalt minni en Bandaríkjanna hvað sem menn segja annað.

Fyrrum yfirmaður Njósnadeildar Kyrrahafsflota Bandaríkjanna James Fanell  telur hættu á að Kínverjar muni  byggja mun fleiri herskip en Bandaríkjamenn á næstu árum. Margir telja hættu á að Kínverja dreymi um að taka Taiwan með hervaldi á árunum 2020-2030 þar sem þeim tekst illa áróðurslega inn á við sbr. HongKong þar sem fyrirlitningarfýla er á milli meginlandsins og Borgríkisins.

Alþýðulýðveldið er hinsvegar hvarvetna að verki í Kínahafi að byggja upp kínverskar gervieyjar og þenja þannig út efnahagslögsögu sína. Fanell hvetur til að Bandaríkjamenn endurreisi flotaveldi sitt til þess að hafa svör við útþenslu Kínverja. 

En Xi Jinping, lífstíðarforseti Kína, sem er sðeins 65 ára gamall hefur ekki sömu vígstöðu og á Tiananmen-torgi þegar kommúnistar gátu verslað við Vesturlönd í blóði kínverskrar æsku og komust upp með það.

Það er ekki líklegt að Norður-Kóreu menn aðhafist nokkuð án vitundar Kínverja sem hafa landið í efnahagslegu kverkataki. Hinsvegar er komin fram undiralda í báðum ríkjum um að lífskjör þurfi að batna og almenningur sé ekki jafn ginkeyptur fyrir alþjóðlegri Machtpolitík á kostnað lífskjara.Nú sé komið að maganum en ekki hnefanum.

Bættur efnahagur er líklega besti hvatinn til friðar. Og það veit Donald Trump. Þess vegna talar hann mildri röddu um leið og hann sveiflar stóra lurkinum eins og Teddy Roosewelt ráðlagði.

Búast má við frekari tíðindum af Donald Trump og heimsfriðarstefnu hans innan tíðar hvað sem 101 Reykjavík segir.En það tekur alltaf tíma þegar tala þarf við Kínverja þar sem þeir nálgast málin ávallt frá hlið en aldrei beint.

Athugasemdir

[Jón Þórhallsson, 25.5.2018 kl. 14:01]

Hvort vegur þyngra hjá Trump?

1.Að draga úr hernaðarbrölti kína í suðurkínahafi með því að hnikkla vöðvana með sínum herstyrk?

eða að 

2.Halda góðu viðskiptasambandi/samningum við kína                     með því að leyfa þeim að ráða á þessu svæði?

Varla getur hann valið báðar leiðirnar.

[Ómar Ragnarsson, 25.5.2018 kl. 14:11]

Er það sem sagt liðin tíð að Bandaríkjamenn séu stórskuldugir lánþegar Kínverja?

[Gunnar Rögnvaldsson, 25.5.2018 kl. 18:06]

Þakka þér Halldór fyrir þetta. 

Það sem þú nefnir er ekki liðin tíð Ómar, því sú tíð var aldrei. Sagan er ekki sú sem DDRÚV heimsins hafa sagt árum saman. 

Eina ástæðan fyrir því að Kína á jafn mikið af bandarískum ríkisskuldabréfum og Írland, Bretland, Brasilía og Sviss eiga til samans (minna en Japan) er sú að það er eina leiðin fyrir Kína til að halda gengisbindingu sinni við Bandaríkjadal á þeim stað sem þeir reyna að hafa hana. Án þessara traustu pappíra í ríkiskassanum getur Kína hvorki keypt inn né flutt út, því það er einræðisherraríki. Svo líta má frekar á þetta sem aðstoð við þá en hitt. 

En nú er staðan meira að segja orðin svo kröpp fyrir Kína að þeir hafa neyðst til að selja úr þessu safni sínu á undanförnum árum (og án merkjanlegra árhrifa á skuldabréfamarkað) til að fá bandarískan gjaldeyri í kassann, því fasteignalán í Kína eru að verða of mikið í dölum til að útflutningstekjur einar nægi. Þið getið svo ímyndað ykkur hvað kemur næst.

Varðandi þessar sanddælu-eyjur í Suður-Kínahafi þá hafa þær ekki mikla strategíska þýðingu komi til ófriðar, því lítið mál er senda þær niður á sjávarbotn aftur, með eldflaugaárás og gera þær þar með þýðingarlausar. En þær valda samt usla á friðartímum vegna þeirrar ógnar sem nágrannaríkin og siglingarfrelsið verða fyrir. Þær eru meira eldsneyti á glóðir sem geta orðið að eldum, en bein strategísk ógn, komi til ófriðar. 

Kveðjur