Trump og heimurinn

er yrkisefni Páls Vilhjálmssonar  bloggarakonungs í dag. Hann skyggnist undir yfirborð alþjóðastjórnmála og tengir saman.

Páll segir m.a.:

"....

Ef Trump er afleiðing en ekki orsök er hvorttveggja í húfi opið og frjálslynt velferðarsamfélag og friðsöm alþjóðasamskipti.

Trump fékk umboð til að gera Bandaríkin sterk að nýju. Meginleiðir til að ná þeim árangri eru að loka landamærunum og draga Bandaríkin úr heimsviðskiptum með tollmúrum. Í 100 ár, allt frá lokum fyrra stríðs, eru Bandaríkin gerandi í alþjóðamálum. Wilson Bandaríkjaforseti festi í sessi þjóðríkjaregluna, sem m.a. Íslendingar nutu góðs af með fullveldinu 1918. Bandaríki Trump gefa ekki út stórar yfirlýsingar um hvernig málum skuli háttað. Nema, auðvitað, þegar bandarískir hagsmunir eru í húfi. Frjálslynd hugmyndafræði er hvergi nefnd.

Lokuð landamæri fá víða hljómgrunn, ekki síst í Evrópu þar sem ótaldar milljónir múslíma standa í biðröð eftir vestrænum lífskjörum. Þeim verður í auknum mæli vísað frá og sagt að hypja sig heim og taka þar til hendinni. Í leiðinni verður þeim gert að endurnýja miðaldatrúna, sem múslímar eru ánetjaðir, til að þeir verði húsum hæfir norðan Miðjarðarhafs. Hvorttveggja tekur áratugi og kallar á viðvarandi blóðsúthellingar.

Kína var bændasamfélag þangað til bandaríski markaðurinn opnaðist ódýrum neysluvarningi á seinni hluta síðustu aldar. Ef bandaríkjamarkaðurinn lokast vegna tollmúra verða Kínverjar að finna nýja markaði til að halda sér á lífi sem efnahagsveldi. Evrópa tekur ekki við nema hluta framleiðslunnar. Þá er eftir Asía enda Afríka enn of fátæk. Í Asíu hitta Kínverjar fyrir tvö önnur iðnveldi, Japan og Suður-Kóreu. Það veit á átök um áhrifasvæði og markaði.

Kerfið sem sett var upp árin eftir seinna stríð, með Bandaríkin í forystu fyrir vestrænum ríkjum og veitti nýfrjálsum ríkjum svigrúm, Kína meðtalið, er að hruni komið. Þetta kerfi er kennt við vestrænt frjálslyndi og byggði á tveim forsendum, sem báðar reyndust rangar.

Fyrri forsendan var að vestræn gildi myndu fyrr heldur en seinna yfirtaka heiminn. Hrun Sovétríkjanna og kommúnismans virtist styrkja forsenduna. Innrásin í Írak og ófriðurinn í miðausturlöndum kippir fótunum undan þessar forsendu. Ekki síst þar sem Rússland var ekki tekið með í reikninginn, en það er hvorki vestrænt né asískt en þó stórveldi á sínu vísu. Vestræn ríki eru, þegar á hólminn er komið, of veik til að þvinga menningu sinni á óviljugar þjóðir. Úkraína, Sýrland, Líbýa og Írak eru skýr vitnisburður. 

Seinni forsendan var að allur almenningur á vesturlöndum bætti jafnt og þétt lífskjörin á meðan vestræn gildi sigruðu heiminn og nýfrjáls ríki styrktu sig í sessi. Hagtölur síðustu ára í Bandaríkjunum sérstaklega, en einnig Evrópu, ómerkja þessa forsendu. Millitekjufólk og láglaunahópar sitja eftir í lífskjörum en efri stéttirnar maka krókinn í alþjóðavæddum heimi.

Bandarískir kjósendur sendu Trump í Hvíta húsið til að afnema fyrirkomulag sem vann gegn almannahag. Vorið áður en Trump sigraði kusu Bretar að yfirgefa hornstein frjálslyndrar hugmyndafræði vestan Atlantsála, Evrópusambandið. Brexit og Trump eru engilsöxun á hugmyndafræði sem Bretar og Bandaríkin eru meginhöfundar að. Vinstrimenn leita ekki í smiðju J.S. Mill til að endurvekja frjálslyndið, Karl Marx og sósíalismi eiga upp á pallborðið. 

Trump er stærri og fyrirferðameiri en nokkur annar forseti Bandaríkjanna í manna minnum. Ekki sökum þess að maðurinn sé stór í sniðum heldur af þeirri ástæðu að Trump er holdtekja umbyltinga. Enginn veit, allra síst forsetinn sjálfur, hver útkoman verður. En það er kýrskýrt að Trump leysir úr læðingi pólitískar jarðhræringar sem ekki sér fyrir endann á. Í framtíðinni verður talað um tímaskeiðið fyrir og eftir 2016.

 Trump er afleiðing en ekki orsök."

Mér finnst Páll ekki nægilega gagnrýninn á sósíalismann sem tröllríður ESB og Íslendingar líða fyrir vegna óskýrs hugsunarháttar forystu Sjálfstæðisflokksins. Hún virðist lítt hugleiða heimspekilegar forsendur stjórnarhátta sinna og eltir paragröffin frá Brussel í blindni og án gagnrýninnar hugsunar. Ekki öðalst ég aukna trú á breytingum á því með skipun EES nefndarinnar.

"Trump leysir úr læðingi pólitískar jarðhræringar sem ekki sér fyrir endann á. Í framtíðinni verður talað um tímaskeiðið fyrir og eftir 2016." 

Fyrir og eftir Trump.

 

 

Athugasemdir

[Jónas Gunnlaugsson, 3.9.2018 kl. 11:29]

Gott.

Við verðum að hjálpa gamla hugsunarhættinum í okkur öllum, svo að við séum gjaldgengir í nýja heiminn, sá gamli er að hrynja.

Sjálfstæðisflokkurinn verður að hætta að láta Bakstjórnina, Já ráðherra kerfið, Deep State, segja sér fyrir verkum.

Við verðum að hjálpa forustumönnunum, Bakstjórninni, Já ráðherra kerfinu og Deep State, það er okkur sjálfum, til að vinna með nýjum stjórnarháttum.

Þú átt að taka börn og skyldmenni allra þingmanna, og allra æðstu embættismanna á starfsmannaskrána. Fer þá ekki allt á hausinn hjá mér? sagði Gamli ÍBMinn Þú talar eins og óviti sagði BBC.

Jónas Gunnlaugsson | 28. mars 2016

Smjörklípan

19.8.2014 | 13:07

 Kerfið verður að leggjast á bæn, og biðja Guð um að gefa sér ástúð og umhyggju, svo að kerfið geti lifað án forseta morða, ég fletti upp frá Linkoln og til Kennedys og bróður hans, Róbert Kennedy, var hann ekki dómsmálaráðherra.

21.1.2018 | 13:05

 Nú hættum við að reyna að særa Riddarann hugum stóra sem barðist við drekann, og hafði hann undir. Við sem höfum þjónað drekanum, temjum drekann svo að hann verði eins og ljúfasta gæludýr.

29.3.2016 | 09:58

Handgenginn konungi.

Jónas Gunnlaugsson | 16. mars 2012