Vælið um RÚV

og ósanngjarna samkeppni á auglýsingamarkaði er bara innantómt þegar grannt er skoðað.

Hvað er að þessu liði sem segist dýrka frjálsa samkeppni sem heimtar opinberar aðgerðir til að taka samkeppni RÚV af auglýsingamarkaði. Það gæti ekki leitt til annars fyrir almenning og fyrirtæki en að auglýsingar yrðu dýrari ef RÚV er svona skætt í samkeppninni vegna niðurgreiðslnanna ef það væri skýringin.

Sem sagt pilsfaldakapítalismi. Hverjir vilja hann og sósíalisma andskotans?

Fólkið vill auglýsa á RÚV, það er greinilegt.Kommeríið og Fréttastofan og Trumpdeildin er svo annað mál.En fólkið í landinu vill ekki leggja RÚV niður.Hvað sem Pétur og Arnþrúður andskotast á því.Þetta er merk stofnun með sögu og reynslu. Það má lengi gott bæta segja mann.

Er ekki rétt að hætta þessu væli um RÚV og auglýsingarnar? 

Athugasemdir

[Ásgrímur Hartmannsson, 4.9.2018 kl. 16:34]

Það er allt í lagi að leggja niður merkar stofnani með sögu og reynzlu, sérstaklega þegar þær eru bæði úreltar og kostnaðasamari en góðu hófi gegnir.

Við getum sett Pál Magg yfir RÚV aftur, og leyft honum að reka 70% af liðinu sem þykist vinna þar, það má.

[Eðvarð L. Árnason (IP-tala skráð) 4.9.2018 kl. 18:31]

Halldór vinur. 

Nú hefur  þú farið Klafastaðamegin fram úr rúmi í morgum. Þú sem hefur ávallt verið talsmaður frjálsar samkeppni á sem flestum sviðum og þá  einnig  varðandi ljósvakamiðla.  Það getur ekki verið frjáls samkeppni þegar krumlur skattheimtumanna fara í vasa okkar og hrifsa úr þeim stór fé að vild sinni til að halda þessu RÚV bákni saman.  RÚV býður okkur upp á rangar fréttir litaðar af samflóna áróðri. Annað sem boðið er upp á hjá RÚV er síendurtekið efni.

[Þorsteinn Siglaugsson, 4.9.2018 kl. 19:34]

Það er nú ekki beinlínis mikil frjáls samkeppni í því falin að ausa milljörðum af skattfé í ríkisrekna sjónvarpsstöð sem hamast í því á niðurgreiðslum að reyna að gera út af við samkeppnisaðila.

[Halldór Jónsson, 4.9.2018 kl. 19:49]

Af hverju er efnahagslífið ða auglýsa á RÚV en ekki Stöð2 eða N4?

[Hörður Þormar (IP-tala skráð) 4.9.2018 kl. 22:41]

Það er furðulegt, ef satt er, að í Gallup könnun þar sem spurt er um útvarpshlustun þá sé Útvarp Saga þar ekki á blaði og ekki gefinn kostur á að nefna hana.

[Ómar Ragnarsson, 4.9.2018 kl. 23:01]

Útvarpsgjaldið er lægra hér en í flestum löndum, sem eru jafnvel 15o sinnum fjölmennari en Íslendingar og ættu því að geta boðið mun lægra gjald á grundvelli hagkvæmni stærðarinnar. Hægri flokkar eins og breski Íhaldsflokkurinn eru ekkert á því að leggja niður ríkisútvarp á borð við BBC. 

[Símon Pétur frá Hákoti (IP-tala skráð) 4.9.2018 kl. 23:22]

Mikið er ég sammála athugasemd Edda löggu, og það sem iðulega.

Halldór minn, nú tekurðu þig taki og rífur þig upp úr þessari kratísku meðvirkni sem einkennt hefur síðustu pistla þína.  

[Jón Valur Jensson, 5.9.2018 kl. 02:27]

Nú bregztu vonum mínum, Halldór.

Það væri líka vel hægt að taka helming auglýsingafrelsisins af Rúv, til prufu.

Rúv hefur SÓTT FRAM í aggressífari auglýsingamennsku en áður, með stórauknu hlutfalli leikinna auglýsinga og með því að ryðja frá hefðbundnum dagskrárliðum fyrir fréttir.

Svo á að taka meðgjöfina af þessu rammhlutdræga starfsliði Rúv í bæði frétta- og dagskrárdeildum og segja upp helmingnum af þeim ríkisjötumönnum.

Alvarlegust eru hlutleysisbrot Rúvara og sífelld notkun "þjóðarútvarpsins" í þágu pólitísks málstaðar vinstri og s.k. "frjálslyndis"-afla, a la Hillary Clinton etc. Helztu glæpir Rúvara á þeirri "vegferð" síns "pólitíska rétttrúnaðar" eru ekki hvað sízt áróðurinn fyrir ICESAVE-svívirðusamningunum við Breta og Hollendinga, sem reyndust ólöglegir, þegar upp var staðið, en ekki fyrr en grasrótin (þjóðin) og forsetinn okkar ágæti, ÓRG, höfðu gripið í taumana. Svæsnastur var áróðurinn einmitt á Rúvinu og gagnstæð sjónarmiðum ekki leyft að koma fram, t.d. ekki að ég sem formaður og Loftur Altice Þorsteinsson verkfr. sem varaformaður Þjóðarheiðurs, samtaka gegn Icesave, fengjum að koma í viðtalí Spegilinn eftir kvöldfréttir Rúv. Á sama tíma, vikum saman, jós Fréttastofa Rúv út meðvirkum áróðri með Icesave-svikasamningunum!

Þetta vita ekki allir; en Rúvarar hafa komizt upp með margt sem sagan á eftir að dæma þá fyrir. 

[Halldór Jónsson, 5.9.2018 kl. 02:50]

Ég sagði einmitt að pólitíski armurinn og Trumphatursdeildin væri annað en velgengni á öðrum sviðum. Þið hafið ekki svarað þvi af hverju þjóðin vill versla við RÚV en ekki Sögu og N4?

[Jón Valur Jensson, 5.9.2018 kl. 09:22]

Sérðu ekki að fjögurra milljarða meðgjöfin, stolin úr vösum skattgreiðenda, gefur Rúv færi á að virðast flottasti auglýsingamiðillinn?

Sérðu jafnvel ekki, að með þessu einhliða fyrirkomulagi pólitíkusa er Rúvið að drepa Moggann þinn af sér?

Lærðu það þá af Ólöfu Skaftadóttur í leiðara Fréttablaðsins í dag!

[Þorsteinn Briem, 5.9.2018 kl. 09:26]

Davíð Oddsson, þáverandi forsætisráðherra, í umræðum á Alþingi í nóvember 2003:

"Meira að segja harðir einkavæðingarmenn eins og ég geta ekki hugsað sér að einkavæða Ríkisútvarpið.

Það segir allt sem segja þarf um þennan markað þannig að samkeppnin leysir ekki þetta mál, því miður."

[Þorsteinn Briem, 5.9.2018 kl. 09:30]

1.2.2013:

"Meirihluti Íslendinga er andvígur því að ríkið selji eignarhluti sína í Landsvirkjun, Landsbankanum og Ríkisútvarpinu, samkvæmt niðurstöðu könnunar MMR.

Af þeim sem tóku afstöðu sögðust 40,6% fylgjandi því að ríkið selji eignarhlut sinn í Landsbankanum, 22,8% sögðust fylgjandi því að ríkið selji eignarhlut sinn í Ríkisútvarpinu og þá voru 14,7% fylgjandi því að ríkið selji eignarhlut sinn í Landsvirkjun.

Stuðningur við eignasöluna er minni nú í öllum tilvikum en þegar sambærileg könnun var gerð fyrir ári síðan."

Meirihluti Íslendinga er andvígur sölu á Ríkisútvarpinu, Landsvirkjun og Landsbankanum og andstaðan hefur aukist

[Jón Valur Jensson, 5.9.2018 kl. 09:44]

"Steini Briem", gólftuska ESB, vill bara auðveldan áróðursmiðil fyrir sitt heittelskaða stórveldabandalag sem hefur þó beitt sér harkalega gegn þjóðarhagsmunum okkar og lagal. rétti í Icesave- og makrílveði-málunum!

[Halldór Jónsson, 5.9.2018 kl. 11:07]

Hvað irritérar fólk mest í rekstri RÚV? Er það ekki ofurveldi  veldi kommanna í fréttaflutningi þess, einstefnulegur hatursáróður þess gegn vestrænum gildum, innflytjendadekur?

Er ekki hægt að reyta arfa lengur?

[Ásgrímur Hartmannsson, 5.9.2018 kl. 23:34]

Það sem irriterar mig mest við RÚV er að þetta er eitthvað sem ég nota ekki en þarf samt að borga fyrir.

Ég gæti alveg notað þessi auka 18.000 + á ári.  Til dæmis í mjólkina sem ég er rukkaður fyrir en drekk ekki. 

[Sigþór Hrafnsson (IP-tala skráð) 6.9.2018 kl. 00:32]

Það er vel við hæfi að menn hætti að pönkast á Rúv. Gott að þú ert búinn að átta þig á því Halldór. Fagmennskan á Rúv í gegnum tíðina er eftirtektarverð, sérstaklega þegar kemur að innlendri tónlist.

Þó að mönnum líki ekki pólitíkin þar og verði á að dæma pólitískt með og á móti, þá má ekki gleyma að stjórnin er pólitísk. Það á náttúrulega að henda þessari pólitísku stjórn Rúv út og ráða fagfólk í staðinn. Gera Rúv að sjálfstæðri stofnun, líkt og SÍ. Pólitíkusarnir þora því ekki, þeir vilja nefnilega stýra "narritivinu" eins og kemur gjarnan í ljós.

[Sigfús Ómar Höskuldsson, 6.9.2018 kl. 18:16]

Í þetta sinn er ég sammála Halldóri, það er e-r ástæðan fyrir því að fyrirtæki og fólk kýs að auglýsa hjá RÚV, óháð pólitískum skoðunum manna og kvenna á því sem fer þar fram.

Ég er svo einn af þeim sem nýta mér þjónustu RÚV mjög mikið ,er sáttur með þær 1450 kr á mánuði sem ég má greiða fyrir þjónustu RÚV. Hér verður svo að hrósa þeim fyrir frábæra framsetningu á menningarfefni sem fór fram föstudag fyrir viku. Þjóðlög og önnur þekkt lög sett fram á fallegan hátt. Allt greitt úr okkar sameiginlegum vösum.

Svo koma hér pistlahöfundar á miðli er rímar við flögu og setur þetta fram [...] fjögurra milljarða meðgjöfin, stolin úr vösum skattgreiðenda. Viðkomandi hlýtur að gáfnafar á við skólabarn þegar svona er sett fram eða veit enn minna un lög um Ríkisútvarp en viðkomandi lætur í ljós.

Hitt stendur eftir, viljir þú ná til þjóðarinnar með einföld skilaboð, þá auglýsir einn á RÚV, ekki á miðlum með fasta innhringiaðila.