Er þetta allt lygi?

spyr maður sig.

Ef maður hlustar á grátinn í Ingu Sæland og kvalaveinin í öldruðum og öryrkjum, að maður tali ekki um í  verkalýðsforingjunum Sólveigu Önnu Jónsdóttur og Ragnari Þór Ingólfssyni þá er ástandið hjá launþegum svo skelfilegt að að ekki er nokkur leið að bjarga neinu nema fara í löng og góð verkföll í vetur. Að maður tali ekki um Björgvin Guðmundsson sem vonandi er enn þessa heims.

 

Hvað er til bragðs a taka í þessari alvarlegu stöðu? Þingmenn ætla greinilega engu að skila til baka af Kjararáðspeningunum.

Er þessi umtalaða 45 % kaupmáttaraukning frá 2010 bara hrein lygi þó að þetta línurit komi beint af síðu Björns Bjarnasonar sem er sagður óljúgfróður hverdags?

 

 

 

 

Athugasemdir

[Þorsteinn Siglaugsson, 11.9.2018 kl. 21:50]

Hér er allt í kalda koli. Fólk eigrar hér um klæðlítið í nepjunni og snapar í ruslagámum. Ekki satt?

[Ásgrímur Hartmannsson, 11.9.2018 kl. 21:54]

Þetta er meðaltal.  Meðaltöl segja ekki alla söguna.  Ekki einu sinni hálfa.  Þau gefa bara hugmynd.

Ég veit ekki hvernig það er tekið, það er hægt að gera það á fleiri en einn hátt.

Hafa verður í huga þá að sumir hafa staðið í stað.  Þeir hafa mesta ástæðu til að kvarta.  Aðrir hafa bætt við langt umfram aðra, og draga meðaltalið upp.  Fer eftir hvernig meðaltalið er fengið hversu mikið.

Þannig að nei, kaupmáttaraukningin er ekki lýgi, en ekkilesa of mikið úr henni.  Það er ekkert víst að þú hafir hana.

[Grímur (IP-tala skráð) 11.9.2018 kl. 22:27]

Það nægir að kíkja út á götu. Allir á splunkunýjum bílum þrátt fyrir þrengingarnar og hraðhindranir hans Dags

Annars er undarlegt hvað maður sér lítið af Toyota en forstjóri Toyota er víst of upptekin við að koma flugfélaginu á hausin og má ekki vera að því að selja bíla