Eftirsjá í Gylfa?

úr forsetastóli ASÍ?. Já. ég held það.

Einkanlega þegar horft er á þau öfl sem eru nú að taka þar völdin.

Gylfi var meiri hófsemdarmaður en það fólk sem við er að taka. Það er hófsemd sem þetta þjóðfélag þarf á að halda um þessar mundir. Þveröfugt við öfgaskrifin sem streyma frá helstu forystumönnum launþega um þessar mundir.

Það er óhugnanlegt að hugsa til þess að slíkt fólk sem kosið er til forystu með svona tíunda hluta félagsmanna skuli geta steypt meirihlutanum og þjóðinni í verkföll að óbreyttu.Spurning er hvort þjóðin getur þolað slíkar afgreiðslur alvörumála lengur. Verður ekki að endurskoða leikreglur um verkföll og vinnudeilur og tryggja almennari þátttöku félagsmanna? 

Ég held að það sé eftirsjá í Gylfa Arnbjörnssyni.

Athugasemdir

[Óskar Helgi Helgason (IP-tala skráð) 24.10.2018 kl. 12:24]

Sæll Halldór - sem og aðrir gestir, þínir !

Halldór Verkfræðingur !

NEI: nei, það er ENGIN EFTIRSJÁ, að Gylfa Arnbjörnssyni.

Uppáhalds Kjölturakka - Samtaka atvinnulífsins / alþingis og stjórnarráðs, undanfarna áratugi !

Gylfi Arnbjörnsson: er lydda og mannleysa, af 1.°, sé mið tekið af, hvernig hann hefur gengið erinda ofur- græðgis púka íslenzks samfélags, á kostnað almennings í landinu.

Gylfi Arnbjörnsson - ÞORÐI EKKI að hitta mig að máli, á árunum 2011 - 2013, þegar ég gerði marg- ítrekaðar tilraunir til þess að hitta hann að máli, varðandi vinnubrögð Lífeyris sjóðakerfisins, m.a., enda, ...... kannski ekki að undra, Blóðpeningar almennings og fyrirtækja í landinu hafa verið undirstaða ofur- launa hans sjálfs, og hirðar hans, á sí- stækkandi kontórum Alþýðusamabnds Íslands.

Eða: hví hefði Gylfi átt, að hlusta á kvak óbreytts sjálfstætt starfandi manns austan úr Árnessýslu, um Lífeyrissjóða Mafíuna hans: svona yfirleitt ?

Ertu virkilega - svo mikill hræsnari Halldór fornvinur, að þú:: af öllum, teljir þig knúinn til, að bera blak af þessum Yfir- varðhundi verðtryggingarinnar / sem okur- vaxta Seðlabanka Íslands ?

Eða: hver er annarrs meining þín Halldór minn, með því að verja feril þessa sjálftöku gerpis, þegar hann LOKSINS hrökklazt úr hægindastól sínum, hjá ASÍ ???

Með - fremur þykkjuþungum kveðjum, af Suðurlandi, að þessu sinni / 

[Þórir Kjartansson, 24.10.2018 kl. 18:19]

Þeir sem eru að hamast út í þetta nýja forystufólk verkalýðshreyfingarinnar ættu fyrst að spyrja sjálfa sig af hverju er þessi róttækni sprottin. Það finnst mér auðskilið. Gömlu foringjarnir sváfu á verðinum, saddir og sælir og föttuðu ekki þá miklu misskiptingu sem hefur aukist hröðum skrefum í þjóðfélaginu undanfarin ár. Þeir voru að mínu mati alveg slitnir úr sambandi við grasrótina. Sama má segja um stjórnmálamenn og áhrifamenn í atvinnulífinu. Og séu þeir hræddir við þetta og þær kröfur sem fram eru settar ættu þeir að líta í eigin barm, því þeir hafa sjálfir kallað þetta yfir sig. Svo lengi má brýna deigt járn að bíti. Við sem höfum rekið fyrirtæki undanfarna áratugi vitum mæta vel að nánast allar launahækkanir sem þessir hópar hafa kreist út hafa runnið í gegnum greipar þeirra til ríkisins í hærri sköttum og ýmsu öðru sem ríkisvaldið hefur ákveðið og verið íþyngjandi fyrir launþega og þá auðvitað komið þeim verst sem úr minnstu hafa að spila. Svo er hellt olíu á eldinn með þeim risa hækkunum sem kjararáð ákvað til margra hæst launuðustu hópa samfélagsins. Þetta er ástæðan fyrir þessum kröfum sem eru kannski nokkuð miklar en þó getur enginn borið á móti því að það er ekki hægt að lifa af útborguðum launum sem eru kannski um eða undir 300þús. á mánuði. Það verður aldrei friður um slíkt og á því verður að ráða bót og það verða stjórnvöld að skilja. Ég held að SA menn ættu að vera frekar jákvæðir fyrir þessum kröfum sem snúa að stórum hluta að því að ríkisvaldið snúi til baka af þeirri vegferð að narta helst í kjör láglaunafólks. Þarna eru einnig löngu tímabærar kröfur um að taka á okurvöxtum, verðtryggingu og lífeyrissjóðasukkinu. Það væru kannski mestu kjarabæturnar og ætti að koma atvinnurekstrinum til góða líka. Svo get ekki ímyndað mér að nokkur launagreiðandi sé ánægður með að borga 11,5% ofan á launin til lífeyrissjóðanna, vitandi það að alveg er borin von að launþeginn fái það nokkurn tíma til baka. Menn ættu að líta sér nær og í stað þess að skammast út í þetta fólk sem nú hefur sprottið upp úr grasrótinni af illri nauðsyn.

[Óskar Helgi Helgason (IP-tala skráð) 24.10.2018 kl. 20:44]

Sælir - á ný !

Þórir !

Þakka þér fyrir: yfirvegaða frásögu þína / sem sanna.

Eftirtektarvert - hversu Halldór vinur okkar er hljóður, hér: á sinni eigin síðu, skyldi þó ekki vera, að hann sjái eftir, að hafa hlaupið svo óheppilega á sig árdegis, með því að hafa tekið til varna, fyrir einhvern skelfilegasta uppskafning og þorpara í okkar samtíma:: Gylfa þennan Arnbjörnsson ?

Rétt að minna einnig á: hversu Gylfi var hjálplegur Jóhönnu Sigurðardóttur og Steingrími J. Sigfússyni, í undanfara aðfara þeirra, gagnvart íslenzkum heimilum og fyrirtækjum, veturinn 2008 - 2009, eftir að arftakar Davíðs Oddssonar og Halldórs Ásgrímssonar voru búnir að gefa fjárglæfra liðinu skotleyfið á landsmenn árunum á undan, með upptöku EES hörmunganna, sem og svo kallaðri einkavæðingu Banka kerfisins, m.a.

Með beztu kveðjum - austur til Víkur, sem víðar /  

[Halldór Jónsson, 24.10.2018 kl. 21:04]

Hversu langt verkfall að vori teljið þið hæfilegt? Hefðbundið 3 vikna sýningarsprell eða svona eitt og hálft ár eins og varð í Svíþjóð snemma á síðustu öld? Síðan víst ekkert  næstu hálfa öldina. En til þess  þarf víst ríkið að eiga hervald með byssur sem beitt er ef með þarf.

Ég held að gallinn hjá okkur að við íslendingar  tökum kjjaradeilur sem sporrt eða sprell. 

[Óskar Helgi Helgason (IP-tala skráð) 24.10.2018 kl. 21:21]

Sælir - sem fyrr !

Halldór !

Svo lengi: mætti verkfallið standa (hvort sem vikum eða mánuðum skipti), á meðan verið væri að skúbba liðinu út úr alþingi / stjórnarráði / Seðlabanka og fleirri afkimum Mafíunnar, því síðan safnað saman niður á höfn, eftir að búið væri að semja við eitthvert velviljað Afríkuríki, að taka við afætunum, og flutt Sjóleiðina suður á bóginn.

Fremur vægilega - tekið á þessum mannskap, ef af gæti orðið á annað borð / sé miðað við, hversu Hvítliðarnir (Keisaraherinn):: Rússnesku félagar mínir tóku á afstyrmum Leníns eftir föngum, í Borgarastyrjöldinni 1917 - 1922, þar eystra, t.d.

Það væri allavegana: ekki lakari byrjun á hreinsunum hér, fremur en ýmsir aðrir kostir, sem kynnu að finnast: jafnvel.

Sömu kveðjur - sem fyrri / 

[Sigurður Antonsson (IP-tala skráð) 24.10.2018 kl. 21:49]

"Okurvöxtum, verðtryggingu og lífeyrissjóðasukkinu." Þórir, vel mælt með þessum orðum. Þeir sem eru að reka fyrirtæki sjá hvað telur. Hvar helstu orsök verðbólgu liggur. Þá er ekki verra að skoða hversu erfitt það er fyrir ungt fólk að eignast þak yfir höfuðið.

Verðtrygging og vextir, 10%  af lánsupphæð í verðbólgu kórónar vanmáttinn sem við blasir. Lífeyrissjóðirnir eru að ná yfirtökum á atvinnulífinu. Líkt og í samvinnufélagi með takmarkaðri ábyrgð. Sparnaður er ekki kenndur með lífeyrissjóðsgreiðslum og fjarlægu umboði. Unga fólkið ætti að geta lagt lífeyrisgreiðslur í eigið húsnæði.

Alþingi ber höfuðábyrgðina, menn sem kosnir voru til að setja leikreglur. Þín orð segja allt sem segja þarf. Halldór er þér eflaust sammála eða leitar sannleikans.  

 

[Þorsteinn Siglaugsson, 25.10.2018 kl. 09:10]

Það er athyglivert að nú þegar launamunur hefur farið minnkandi í nokkur ár skuli ráðist gegn forystu verkalýðshreyfingarinnar. Það er rétt sem þú bendir á Halldór, að hinir nýju forystumenn hafa mjög fáa félagsmenn að baki sér. Ég held ekki að almennt launafólk hafi mikinn áhuga á verkföllum enda vita flestir að slíkar aðgerðir koma aðeins niður á þeim sem síst skyldi.

Raunin er sú að launakostnaður fyrirtækja hér hefur aukist hröðum skrefum á síðustu árum. Það er aðeins hundaheppni að það hafi ekki þegar leitt til umtalsverðrar verðbólgu. Nú er verkefnið að verja kaupmáttinn og forða því að atvinnuleysi aukist. En það gerist óhjákvæmilega ef fyrirtækin verða þvinguð til ósjálfbærra launahækkana fyrir tilstilli verkfalla.