Óskiljanlegur fjandskapur við Rússa

heldur áfram í tuddaskap íslenskra ráðamanna.

Guðni Ágústsson gerir þessu góð skil í Mbl. í dag. Hann segir m.a.:

"...Enginn Íslendingur gleymir heldur þeim drengskap sem Rússar sýndu okkur í bankahruninu, við stóðum einir með hryðjuverkalög Bretana á herðunum, allt að lokast hér, en þá réttu þeir vinarhönd og buðust til að hjálpa ásamt örfáum öðrum þjóðum.

Síðar kom að ögurstund hjá Rússunum 2015 þegar ESB taldi mikilvægt að beita þá viðskiptabanni og við hlýddum frumhlaupi utanríkisráðherrans, Gunnars Braga Sveinssonar, að vera með þeim stóru í stríðinu. Það gerðu Færeyingar ekki og reyndar ekki heldur mörg lönd í ESB.

Það er fullyrt að andsvar Rússa, sem beit okkur fastast, hafi nánast þá kostað okkur öll viðskipti við Rússa, milljarða á milljarða ofan, en fórnin var leikrit hjá sumum ESB-þjóðunum og viðskiptatapið hvergi jafn hlutfallslega stórt og hér á landi. Og svo kom kórónan þegar utanríkisráðherrann, Guðlaugur Þór Þórðarson vinur minn, sá ástæðu til að banna forseta Íslands, sjálfum sér og menntamálaráðherra að sækja HM í Rússlandi og berjast með strákunum okkar á stærstu stund Íslenskrar knattspyrnu. Hinar Evrópuþjóðirnar sumar þekktu ekki þetta bann og sendu sína höfðingja til leikanna þegar að þeirra liði kom og Pútín sjálfur sat við hlið sumra þeirra eins og sönn íþróttahetja og klappaði fyrir báðum liðum.

Sjálfum þótti mér það merkilegt vináttubragð Rússanna að á sama tíma var ýtt úr vör framleiðslu á Ísey skyri í Garðaríki með samningi við MS. Þar var ég og varð vitni af vinskap Rússanna en þeir sendu skyrið bæði til okkar og sinna manna og stóðu með strákunum okkar, það staðfestir magnað myndband sem þeir gerðu í þakklætisskyni.

Oft er gott sem gamlir og reyndir kveða, Kristinn Guðmundsson fv. utanríkisráðherra og sendiherra í Moskvu, gaf Rússum þessa lyndiseinkunn: „Rússar eru trygglynt fólk og sómakært, betri og traustari starfsmenn er vart hægt að hafa í þjónustu sinni.“

Þetta skynja ég hjá mörgum Íslendingum sem vinna og hafa unnið í Rússlandi. Það er uppgangur hjá Pútín forseta í Rússlandi. Þess vegna eigum við að nota afmælisárið til að efla vinskap og samskipti okkar á ný við Rússana og endurskoða viðskiptabannið. Þar með eflum við frelsi okkar sjálfra eins og sagan sannar eftir 75 ára stjórnmálasamband landanna."

Fyrir mér er áframhald heimskunnar sem taglhnýtingar ESB óskiljanleg.

 

Athugasemdir

[Sveinn R. Pálsson, 26.10.2018 kl. 10:11]

Gæti trúað að Gunnar Bragi sé dýrasti ráðherra sögunnar. En Gulli hafði tækifæri til að skrifa ekki undir áframhaldandi viðskiptabann, þannig að þeir báðir eru orðnir þjóðinni gríðarlega dýrir. Menn reiknuðu að tjónið væri yfir 10 milljarðar á ári, þannig að þetta er að verða hærri upphæð en Icesave, og var sú upphæð þó all nokkur.

[Tómas Ibsen Halldórsson, 26.10.2018 kl. 11:23]

Vel mælt Halldór

Við höfum lítilsvirt þær þjóðir sem hafa sýnt okkur mesta vináttu þegar við höfum þurft á að halda, Rússa og Færeyinga, en hengt okkur aftan í bandalag sem hefur sýnt okkur lítilsvirðingu og yfirgang, ESB.

Mér sýnist við þurfa að gera allsherjar hreingerningu á Alþingi við næstu kosningar. Vonandi verða þær fyrr en síðar.

[Valdimar Samúelsson, 26.10.2018 kl. 11:53]

Tek undir þetta Halldór. Þeir apa allir eftir höfuð apanum sem er ESB og enga sjálfstæða skoðun. Hvað þá að hafa þjóðarhagkvæmni í huga. Verða þeir ekki að dæmast sem Glópalistar.?

[Ívar Ottósson, 26.10.2018 kl. 11:57]

Tja, drengskap í bankahruninu....hvað varð um lánið sem þair buðu Davíð sem frægt er orðið. Þar var ekki mikið um efndir og ekkert meira gerðu þeir fyrir okkur hvað ég veit. Rússland er gjörspillt land með forseta, stjórn og yfirstétt sem ræður öllu og reyndar ræður þeim mörgum bana sem mótmæla. Putin er mikill refur og þegar hann fær menn eins og þig Halldór að dansa á hans pípum þá hummar maður....miðað við aldur og fyrri störf ættir þú nú að vita betur.

Hvað um það, Rússland er mikilvægt viðskiptaland og maður ætti að varast að hrekkja björninn, Island er of lítið til þess í samhenginu. En maður ætti ekki að vera blindur á báðum, hugsa sitt en kannski segja fátt.

[Hilmar (IP-tala skráð) 26.10.2018 kl. 12:59]

Einhver góður maður sagði einhverntíma, að "...ekkert gott kæmi frá Rússlandi"
Og það er að mestu leyti rétt. Nema náttúrulega fyrir þá sem drekka vodka.

Rússland er ekki réttarríki í vestrænum skilningi. Það er ekki lýðræðisríki í vestrænum skilningi, og það er heldur ekki velferðarríki í vestrænum skilningi. Við skuldum Rússum ekki neitt, og þeir skulda okkur ekkert.

Viðskiptastríð Obama og ESB gegn Rússlandi var pantað á sama tíma og efnahagslíf Rússlands var á hraðri uppleið. Því hefur núna hrakað um 30% á fimm árum.
Ástæða viðskiptastríðsins er líklega sú, að efnahagsbatinn var knúinn áfram að miklu leiti af vopnaframleiðslu, og auknum umsvifum Rússa með ódýr vopn, ódýrari, og kannski lélegri en vestræn, en á verði sem mörg ríki ráða við, ólíkt vestrænu vopnunum.

Vopnamarkaðurinn er einhver sá ábatasamasti, og það sem meira er, að vopnasölu fylgja áhrif. Sá sem hefur keypt bandarískar orustuþotur, verða að treysta á Bandaríkin í nánustu framtíð. Sama er með þær rússnesku. Ekki viltu styggja þann sem sér þér fyrir varahlutum og uppfærslum?

Að ofangreindu sögðu, þá er það fáránlegt að Ísland skuli taka þátt í að beita Rússland viðskiptaþvingunum, en halda áfram að versla við Kína, sem er margfalt meiri sóði í öllum málum en Rússland.

Munurinn er náttúrulega sá, að frá Rússlandi kemur ekkert gott, en frá Kína kemur ódýrt drasl, sem knýr að stórum hluta vestræna neyslumenningu.

[Jón G. Guðbjörnsson (IP-tala skráð) 26.10.2018 kl. 13:52]

Gunnar Bragi var enginn happafengur, hvorki sem þingmaður né ráðherra hvað þá utanríkisráðherra. Notaði þó tækifærið og fór víða. Hann rústaði áratuga markaðsstarfi sem hafði skilað okkur dágóðum ávinningi. Hann klúðraði einnig afturköllun ESB-aðildarumsóknarinnar þannig að nú tiplar Samfylkingin á tánum af eftirvæntingu eftir því að komast að til að endurvekja umsóknina sem sé bara á "hóld" um stundarsakir. Þjóðverjar og fleiri evrópuþjóðir hafa hagað viðskiptabanninu við Rússland með hliðsjón af eigin hagsmunum. Unnið er t.d. að rússneskri neðansjávargaslögn um Eystrasalt til Þýskalands svo dæmi sé nefnt.En Danir þumbast við að hleypa henni framhjá Borgundarhólmi. Hvort Pútín reynist Rússum happafengur er mér hins vegar til efs en það mun tíminn og sagan leiða í ljós. 

[Tómas Ibsen Halldórsson, 26.10.2018 kl. 13:52]

Í Rússlandi býr fólk þar sem nánast enginn heitir Vladimir Putin en almenningur sem að mestu leiti er gott fólk sem vill láta gott af sér leiða. Þetta fólk þarf að lifa og þykir gott að fá íslenskan fisk af og til.

Á Íslandi býr fólk sem flestir heita hvorki Gunnar Bragi eða Guðlaugur Þór, fólk/þjóð sem lifir á tekjum sem fæst af útflutningi og hafa sjávarafurðir verið þar í fararbroddi við uppbyggingu þjóðarinnar frá moldarkofum yfir í þau híbýli sem við búum nú við.

Íslenskur almenningur hefur ekkert uppá rússneskan almenning að klaga og hvorki þeir né við höfum komið að þeim málum sem ollu viðskiptaslitum við Rússa. Viðskipti okkar við Rússa hafa haft mikið að segja hvað varðar lífskjör hér á landi og er því hlálegt að við skulum standa í þeim sporum að skjóta okkur í fótinn.

Rússnesk stjórnvöld eru ekki góð stjórnvöld, ekkert frekar en þau Kínversku og ekkert frekar en þau ókjörnu stjórnvöld Evrópusambandsins sem stunda þvinganir og ofsóknir gagnvart eigin þegnum og okkur Íslendingum þó við séum ekki í bandalagi þeirra. Eigum við ekki að hætta að selja afurðir okkar til ESB????? og sína þeim í tvo heimana???????

Fáránleikinn í þessum málum öllum er ótrúlegur og engum til sóma.

[Sigurður Kristján Hjaltested, 26.10.2018 kl. 18:47]

Ekkert óskiljanlegt Halldór.

ESB trojuhestar eru fyrir löngu

búnir sð yfirtaka Sjálfstæðisflokkin

og hlægja að okkur vitleysingunum sem

trúa því að hann standi fyrir því sem hann

átti að gera og gerði.

Ef við fáum ekki sjálfstæðismenn í forystuna

er hann búin að vera.

Eins og er, er hún ekki til.

Þetta er mitt "Ískalda mat" og segi það

"Vafninglaust" þó ég sé ekki "IceHot 1"

Sorglegt an satt.

[Sindri Karl Sigurðsson, 26.10.2018 kl. 19:37]

Halldór, það er margt hér undir sem leikmenn ekki þekkja og vita. Eitt hefur þó heyrst að ordrur Pútíns hafi verið að matbúa Rússland þannig að það sé sjálfbært að því leiti. Hluti af því verkefni var að reka Kínverja og Suður Kóreu ásamt fleirum, út úr lögsögu sinni í Kyrrahafi (Beringshluta).

Til að þetta geti orðið að veruleika þá hikar hann (persónugert, sem er mikil einföldun) ekki við að kaupa bestu tækni og þekkingu sem hægt er að nálgast. Hluti af þeirri þekkingu kemur reyndar frá okkar Fróma og er í formi sjávarútvegstengdra lausna.

Gulli & co. er kapítuli út af fyrir sig sem Landsfundur ákvað að setja ofan í, við mikinn fögnuð fyrrnefnda. Ég sé lítið um efndir þar að lútandi.