Hilmar Þór Hilmarsson

prófessor skrifar afburða góða grein um gengismál og áhrif þeirra á smáríki á stundinni.is. Hann rekur á einkar glöggan hátt hvernig það er fyrir smáríki að hafa mynt stórríkja þegar áföll dynja yfir.

Niðurlag hans er svona:

"Stundum er best að smáríki standi ein þegar áföll dynja yfir. Ef Ísland hefði fengið risalán frá erlendum seðlabönkum til að bjarga íslensku bönkum í hruninu hefðu lánin verið veitt með ríkisábyrgð og orðið þung byrði á komandi kynslóðum.

Ísland fékk lán frá norrænum seðlabönkum, en þau dugðu ekki til að bjarga hinu ofvaxna bankakerfi sem var einfaldlega látið hrynja.

Þjóðaratkvæðagreiðslur reyndust svo ómetanlegar þegar gera þurfti upp mál eins og Icesave-deiluna. Á endanum var það lýðræðislegur sjálfsákvörðunarréttur Íslendinga og kjarkurinn til að fara okkar eigin leiðir, án þess að fylgja forskrift stórvelda og alþjóðastofnana gagnrýnislaust, sem reyndist besta skjólið."

Smáríkjunum stafar einmitt mesta hættan af bankakerfi stóru landanna sem neyða þau í skuldasnöru. Menn líti til Grikklands Spánar og Portúgals og núna Ítalíu.

Það er mikill gangur í Evruspekingunum um þessar mundir sem reyna að fá Íslendinga til að afsala sér fullveldinu á á 100 ára afmælinu. Fáfræði þingmanna eins og Oddnýjar Harðardóttur og Þorsteins Víglundssonar getur verið þjóðinni hættuleg þegar til kemur liðveisla fólks eins og Píratanna sem enn minna skilja í hagfræði smáríkja. Ritgerðir eftir sjálfskipaða sérfræðinga í Evrumálum eins og Bieltved sem eru sískrifandi um hluti sem þeir skilja greinilega alls ekki gera minna til þar sem æ fleiri íslendingar sjá í gegn um slíka rökleysur. Falli krónan fellur fullveldið.

Hilmar Þór Hilmarsson kemur með sterk rök gegn fullveldissöluflokkunum sem allir ættu að kynna sér til að forðast ruglandina í þessu áminnsta fólki.

Athugasemdir

[Símon Pétur frá Hákoti (IP-tala skráð) 2.11.2018 kl. 16:31]

Heyr, heyr!

[Símon Pétur frá Hákoti (IP-tala skráð) 2.11.2018 kl. 16:43]

Allir vitibornir lesendur bloggs Halldórs ættu að lesa þessa tvo pistla á stundin.is eftir Hilmar Þór Hilmarsson:

Skjól ESB reyndist Eystrasaltsríkjunum dýrkeypt.

Þegar skjól verður gildra.

[Örn Johnson (IP-tala skráð) 2.11.2018 kl. 16:58]

Það er nú ekki allt gáfulegt sem þessi Bieltved skrifar. Td segir hann að við eigum að líta til Möltu sem hafi fengið undanþágur frá sjávarútvegsstefnu ESB. Hann ætti að skoða hvað sjávarútvegur þar er ögnarsmár, ársaflinn þar jafnast á við eina ferð íslenskts togara. Allt sardínur eða slíkur smáfiskur og engan veginn samanburðarhæft við okkar aðstæður.

[Jóhann Elíasson, 2.11.2018 kl. 20:00]

Hilmar Þór Hilmarsson, er einhver alöflugasti maður sem ég hef kynnst og hann kemur þannig fyrir að hann tekur ekki afstöðu til mála nema að kynna sér allar hliðar viðkomandi máls MJÖG VEL áður og hann er maður sem stendur að fullu við þær niðurstöður sem hann kemst að. 

Það var fróðlegt að hlusta á viðtalið við Jón Baldvin Hannibalsson, á útvarpi Sögu seinnipartinn í dag, þar sem hann mælti eindregið á móti ESB og sagði evruna STÓR HAGFRÆÐIMISTÖK í boði Þýskalands.....

[Símon Pétur frá Hákoti (IP-tala skráð) 2.11.2018 kl. 22:28]

Já, það var fróðlegt að heyra Jón Baldvin segja að hið svokallaða EES/ESB lýðræði sé email tilskipanir.  Og að orkumálapakkinn komi okkur einfaldlega ekkert við, enda séum við ekki með neinn sæstreng og erum því ekki (og vonandi gerum það aldrei) hluti af orkumarkaði Evrópu. 

Hins vegar segir hann engan vafa leika á því að þeir þingmenn og ráðherrar sem vilji samþykkja orkumálapakkann séu með illar hugsanir í garð íslensks almennings.  Þeir andskotar láti sig dreyma um að græða á því að búta Landsvirkjun niður, samþykkja að leggja sæstreng og stofna aflandsfélög eigin gróða, á kostnað óborinna kynslóða íslensku þjóðarinnar.