Undir þetta skrifuðum við

Gústaf Skúlason vekur athygli okkar undir hvað við skrifuðum í Marrakesh.

Hann segir svo m.a. í Mbl.í dag:

 

"Talsmenn ríkisstjórnarinnar dylja fyrir þjóðinni, að með staðfestingu samþykktar um réttindi farandfólks (Global Compact for Safe, Orderly and Regular Migration), er ekki aðeins verið að skuldbinda landsmenn til að innleiða markmið sáttmálans á Íslandi, heldur hafa skilmálar tveggja annarra sjálfstæðra samþykkta verið staðfestir í leiðinni sem hvergi er greint frá. Annars vegar skuldbindingar ríkisins gagnvart flóttamönnum (Global Compact for Refugees) (3.gr.) og hins vegar Agenda 2030 (18. gr.) sem er útópía sósíalismans um paradís á jörðu ár 2030.

SÞ vill komast þangað með skattahækkunum á þeim „efnameiri“ og fjárfærslum til þeirra „efnaminni“. Það eru því samtals þrjár samþykktir í þessum eina pakka sem kenndur er við réttindi farandfólks.

Ríkisstjórn Katrínu Jakobsdóttur hefur án opinberrar umræðu skuldbundið Ísland að fylgja samþykkt SÞ um réttindi farandsfólks.

Ásta Sigurbjörnsdóttir, formaður utanríkisnefndar, segir samþykktina ekki löglega bindandi fyrir Ísland. Í samþykkt SÞ er tvisvar sagt að hún sé ekki löglega bindandi en 84 sinnum talað um skuldbindingar.

Að segja að ekkert sé að marka bindandi loforð er að sjálfsögðu það sama og segja að ekkert sé að marka ríkisstjórnina, sem samþykkti SÞ-pakkann fyrir Íslands hönd. Ríkisstjórn Íslands hefur staðfest „að ekkert ríki geti sjálft tekið á málefnum innflytjenda“ (15. gr.) og lokað á að þjóðin geti ráðið því hverjum hleypt er inn í landið.

Ýmis ríki, t.d. Bandaríkin, Ísrael og Ástralía, hafna samningnum þar sem þau vilja sjálf stjórna eigin landamærum. Þrettán herforingjar réðu Frakklandsforseta frá undirritun. Í Belgíu olli samþykktin stjórnarslitum.

Þegar Bandaríkin töldu ekki lengur stætt á að leggja nafn sitt við mannréttindaráð SÞ m.a. vegna einræðisríkja eins og Kína og Venúzúela, þá býðst Ísland til að breyta heiminum „innan frá“.

Me too hefur greinilega stigið vinstri stjórn Katrínar Jakobsdóttur svo til höfuðs að kosta má löng ræðuhöld í málstofu SÞ um glæsilegan árangur jafnréttisbaráttunnar á Íslandi. Þykir ekkert mál að skipta út góðu orðspori þjóðarinnar fyrir varaforsetastól sem síðan er notaður sem afsökun fyrir einræðisríki til að fremja mannréttindabrot. Mætti ætla að utanríkisnefnd telji, að SádiArabar og Sameinuðu furstadæmin innleiði tafarlaust lýðræði og kynjajafnrétti, vegna tilmæla íslensku sendinefndarinnar. Eða þá að heimurinn standi agndofa þegar Guðlaugur Þór Þórðarson utanríkisráðherra birtist í vel mynduðu ræðupúlti og flytur sköpun paradísar „innan frá“.

Markmið, skuldbindingar, skilmálar og stefnuyfirlýsingar samþykktanna þriggja eru óframkvæmanlegar þegar samherjarnir hunsa lýðræðið. Skattfé er mokað í gagnslausa skriffinnsku, orðavaðal og útópíu vinstri manna sem setur komandi kynslóðir í áhættubönd sem enginn veit hvað kostar.

Fyrir utan að vera stjórnarskrárbrot gæti þessi stólahégómi orðið dýrkeyptari en Icesave. Agenda 2030 er þvílíkt loforðamoð að sjálft Kommúnistaávarpið læðist með veggjum.

Hin nýja sjálfskipaða öreigastjórn Íslands lofar á næstu 12 árum

að útrýma hungri og fátækt í heiminum

skapa jafnan aðgang allra jarðarbúa að fjármagni og náttúruauðlindum

afnema allar niðurgreiðslur landbúnaðarafurða

helminga umferðarslys og andlát í umferðinni

útrýma kúgun kvenna

útvega öllum jarðarbúum ríkisfang, fæðingarvottorð og persónuskilríki

útvega öllum jarðarbúum innanhússsalerni tvöfalda orkuafköst heims

skapa 7% árlegan hagvöxt í þróunarlöndunum

skapa fulla atvinnu fyrir alla jarðarbúa að meðtöldum unglingum og fötluðum

koma á sömu launum fyrir sömu vinnu

vernda réttindi farandverkafólks og kveninnflytjenda

tryggja hærri launaaukningu hjá 40% íbúum heims með lægstu launin en hjá öðrum

eyða öllum slumhverfum og útvega húsnæði handa öllum jarðarbúum

greiða 100 miljarða dollara árlega eftir 2020 til þróunarlandanna vegna loftslagsbreytinga

stöðva allar ólöglegar fiskveiðar í heiminum 2020 og setja lög um heimsstjórn fiskveiða

auka tekjur þróunarlanda með nýjum sköttum

auka stöðugleika heims með sameiningu stjórnmála í samræmda stefnu

styðja Agenda 2063 fyrir Afríkusambandið

framfylgja öllum markmiðum og loforðum pakkans

gera refsivert að gagnrýna innflytjendur og kenna fjölmiðlum að fjalla rétt um málin.

Ofurmenni ríkisstjórnarinnar fara létt með að útvega ferðamönnum salerni innanhúss og útrýma fátækt ellilífeyrisþega og öryrkja. Að allir fá húsnæði á viðráðanlegu verði ætti þá ekki að taka meira en 12 daga á Íslandi.

Á meðan sósíalíski Internationalen og Progressive Allians verða fyrir skakkaföllum í landi eftir landi, þar sem fólk rís upp gegn yfirstjórn andlitslausra yfirboðara sem enginn hefur kosið eða getur sett úr embætti, þá hleypur ríkisstjórn Íslands til og aðstoðar alþjóðasósíalismann í herbúðum SÞ og ESB fyrir það eitt að fá að komast í ræðupúlt SÞ.

Væri ekki nær að fylgja áratuga vinum og samherjum eins og Bandaríkjamönnum að málum? "

Þannig er búið að undirbúa opnun landamæra Íslands fyrir innflytjendastraum. Lausn S.Þ. á fólksfjölgunarvandamálum Afríku er að flytja hana til Evrópu.

Undir þá stefnu George Soros höfum við Íslendingar skrifað.

Athugasemdir

[Símon Pétur frá Hákoti (IP-tala skráð) 2.1.2019 kl. 13:58]

Ríkisstjórn Katrínar Jakobsdóttur?

Nei, ríkisstjórn forystu flokksins.

Nr. 1:  Ríkisstjórn Sjálfstæðisflokksins

með tveimur smáflokkum:  framsókn og alla-böllum.

[Þorsteinn Siglaugsson, 2.1.2019 kl. 15:59]

Eru ekki til nein lyf við svona bulli?

[Símon Pétur frá Hákoti (IP-tala skráð) 2.1.2019 kl. 21:21]

Ertu að tala við sjálfan þig Þorsteinn?

[Grímur (IP-tala skráð) 2.1.2019 kl. 21:30]

Einsog ég hef áður sagt stjórnmálmenn í dag hlaupa á eftir "réttindum" minnihluta hópa á kostnað fjöldans

[Símon Pétur frá Hákoti (IP-tala skráð) 2.1.2019 kl. 21:56]

Þetta skrifast alfarið á Gulla litla og forystu nýfrjálshyggju kratanna, Sjálfstæðisflokksins.

[Ingibjörg Magnúsdóttir, 2.1.2019 kl. 22:04]

Sæll Halldór og gleðilegt ár 2019. Takk fyrir þennan pistil frá þér. Á sínum tíma þegar fundurinn fór fram í Marrakesh var ekkert hér í íslenskum fjölmiðlum varðandi þetta málefni.

Það endurspeglar kannski blaðamenn fjölmiðlanna. Þeir virðast hafa meiri áhuga á að skrifa um bandarískar stjörnur og hvað þær boða eða borða, og (ekki) fréttir á borð við bardagamenn eins og Gunnar Nelsson og hvað hinir og þessir söngvarar seldu marga miða á tónleika í Hörpunni þessi jólin.

En merkilegt nokk, Gústaf nokkur Skúlason, hefur víst tekið á þessu Marrakesh máli í Mogganum. Og takk fyrir að benda á það. En reyndar last ég það eihvers staðar hér á frétamiðlunum á sínum tíma að STARFSMAÐUR ÚR FORSÆTISRÁÐUNEYTINU, hefði verið sendur til Marrakesh til að skrifa undir sáttmálann.

Kannski sendi Katrín bílstjóra ráðuneytisins til að sinna þessu verkefni. Hver veit?

Við Íslendingar krefjumst þess að vita nákvæmlega í hvað þessum samningi felst.

[Símon Pétur frá Hákoti (IP-tala skráð) 2.1.2019 kl. 22:12]

Góð athugasemd Ingibjörg, en höfum það á hreinu að fulltrúi, hver sem hann var, skrifaði undir, fyrir hönd ríkisstjórnar Sjálfstæðisflokksins og Framsóknarflokksins og Vinstri kolafabrikku brúnna.

[Þorsteinn Siglaugsson, 2.1.2019 kl. 22:40]

Það, hvernig hægt er að túlka yfirlýsingu um þá augljósu staðreynd að flóttamannavandi í heiminum verður ekki leystur af einhverju einu ríki sem afsal á valdi yfir landamærum, er athugunarefni. Og sálarlíf þeirra sem gleypa svona þvaður hrátt er það svo sannarlega líka.

[Símon Pétur frá Hákoti (IP-tala skráð) 2.1.2019 kl. 23:15]

Ertu nú að tala um flónsku forystu án flokks Þorsteinn?  Atvinnugóðmennin kratavæddu?

[Þorsteinn Siglaugsson, 2.1.2019 kl. 23:52]

Ég er ekki að tala um neinn flokk Símon, heldur málflutning sem er svo vitlaus að það tekur engu tali!

[Símon Pétur frá Hákoti (IP-tala skráð) 3.1.2019 kl. 00:08]

Málflutning Marrakesh atvinnugóðmennanna sem lifa í vellystingum praktuglega, Þorsteinn?

[Þorsteinn Siglaugsson, 3.1.2019 kl. 08:15]

Nei, eins og þú sæir ef þú læsir færsluna gagnrýni ég málflutning þeirra sem afbaka og snúa út úr þessari flóttamannayfirlýsingu til að reyna að telja fólki trú um að hún feli í sér einhverjar skuldbindingar sem hún felur alls ekki í sér.

[Halldór Jónsson, 3.1.2019 kl. 08:27]

Af hverju þarf þá að skrifa undir einhverja almenna yfirlýsingu um mannkærleika?

[Þorsteinn Siglaugsson, 3.1.2019 kl. 08:59]

Hvers vegna óskar fólk hvert öðru gleðilegs árs?

[Símon Pétur frá Hákoti (IP-tala skráð) 3.1.2019 kl. 09:00]

Nákvæmlega Halldór.  Af hverju þurfa farísearnir alltaf að skrifa undir það sem aðrir þurfa að borga fyrir.  Ég þoli ekki þannig hræsnara, en ef Þorsteinn kýs sér að vera hræsnari, þá skal hann vera það fyrir eigin reikning.

[Þorsteinn Siglaugsson, 3.1.2019 kl. 09:07]

Samþykktir sameinuðu þjóðanna eru almennar yfirlýsingar af þessum toga mestan part. Það er óheiðarlegt að halda því fram að slíkar viljayfirlýsingar feli í sér einhverjar lagalegar skuldbindingar. Það hefur hvergi komið fram að einhver sérstakur kostnaður sé því samfara að undirrita þessa yfirlýsingu.

Ef fólk kýs að ljúga vísvitandi að öðrum er það þess eigið val að sjálfsögðu. En það getur ekki krafist þess að aðrir taki mark á því eða virði málflutning þess.

[Símon Pétur frá Hákoti (IP-tala skráð) 3.1.2019 kl. 09:12]

Ert þú ekki frjálshyggjumaður Þorsteinn?

En skrifar hér sem argasti forræðishyggjumaður.

How come?

[Þorsteinn Siglaugsson, 3.1.2019 kl. 09:21]

Hvernig er það forræðishyggja að ætlast til að fólk segi satt í opinberri umræðu?

[Símon Pétur frá Hákoti (IP-tala skráð) 3.1.2019 kl. 09:56]

Það er hjarðhegðun að þora ekki að hafa sjálfstæða skoðun.  Hefur þú sjálfstæða skoðun Þorsteinn, eða þarftu að láta hirðina segja þér hvað þér eigi að finnast.  Segist þú ekki vera frjálshyggjumaður?  En jarmar með elítu fínimenna SÞ, sem er álíka rotþró og hið gamla Þjóðabandalag.

[Þorsteinn Siglaugsson, 3.1.2019 kl. 10:33]

Þú átt bersýnilega í nokkrum erfiðleikum með að ræða málefni.

[Símon Pétur frá Hákoti (IP-tala skráð) 3.1.2019 kl. 10:53]

Þorsteinn, ég sé hvergi að þú ræðir málefnið, heldur segirðu að þeir sem hafi ekki sömu skoðun og þú, hjarðhegðunarskoðun, skuli taka lyfin sín.  Er það að ræða málefnin, er það að rökræða? 

Nei, það er að sýna hroka og halda að tossinn sem dansar með tossunum sé rétthafi hinnar einu réttu skoðunar.  Og þér er það velkomið að gera sem þú vilt, ekki ætla ég að biðja þig um að taka lyfin þín, en dansaðu, dansaðu tossadansinn sem þú vilt, í hjarðhegðuninni.

[Þorsteinn Siglaugsson, 3.1.2019 kl. 10:57]

Ég er að benda á tiltekna staðreynd varðandi þennan sáttmála og gera athugasemdir við að menn vaði fram með fullyrðingar um hann sem standast ekki neina skoðun. Ef þú ert ósammála þessu, og telur þig færan um að ræða málefni, skaltu koma með rök í stað þess að þvaðra um hjarðhegðun og hroka.

[Símon Pétur frá Hákoti (IP-tala skráð) 3.1.2019 kl. 11:14]

Þú segir alla ljúga, nema sjálfan þig.  Það er tímaeyðsla að ræða við þannig menn sem þig Þorsteinn, sem segja alla aðra ljúga og að allir, sem ekki samsinna þér, eigi að lyfin sín.  

[Símon Pétur frá Hákoti (IP-tala skráð) 3.1.2019 kl. 11:25]

Rétt skal vera rétt og því bætt við að þar vantaði í lokasetninguna sagnorðið taka.  

[Halldór Egill Guðnason, 4.1.2019 kl. 06:57]

 Það er mjög furðulegt að eilíflega sé verið að skrifa undir eitthvað, sem hefur enga þýðingu, skyldur eða afleiðingar. Þeir sem trúa þvílíkri dauðans dellu, eru ekki með fókusinn í lagi. Undirskrift samnings er skuldbinding, hafi það farið fram hjá einhverjum, löglærðum sem öðrum.

 Góðar stundir, með kveðju að sunnan.

[Egill Vondi, 4.1.2019 kl. 13:36]

Jafnvel þótt að þessi samningur feli ekki í sér lagalegar skuldbindingar einn og sér er hann ekki eini samningurinn sem við erum aðilar að. Grunsemdir eru um það að hann sé liður í áframhaldandi ferli sem muni gera frjálst flæði fólks að mannréttindum. Það hefst með frekari aðgerðum sem munu væntanlega líka vera gerð í laumi.

Málið er einfaldlega þetta: ég treysti ekki yfirvöldum lengur til að segja satt og rétt frá, því síður að setja hagsmuni Íslands í fyrirgang eins og vera ber.

Og að sjá þessi loforð:

• tryggja hærri launaaukningu hjá 40% íbúum heims með lægstu launin en hjá öðrum

• eyða öllum slumhverfum og útvega húsnæði handa öllum jarðarbúum

Hvernig verður þetta gert? Vita þeir ekki að framboð og efrirspurn eru einnig til staðar á vinnumarkaði?

Og svo þetta:

• greiða 100 miljarða dollara árlega eftir 2020 til þróunarlandanna vegna loftslagsbreytinga

Vegna þess að peningagjafir hafa virkað svo vel hingað til! Hérna er bók sem þetta fólk mætti lesa "Please Stop Helping Us: How Liberals Make It Harder for Blacks to Succeed" eftir Jason L Riley. https://www.goodreads.com/book/show/18406408-please-stop-helping-us

Alltént:

• stöðva allar ólöglegar fiskveiðar í heiminum 2020 og setja lög um heimsstjórn fiskveiða

Þetta er nokkuð fyndið. Við fárumst yfir tilhugsunini að því að ganga ef til vill í ESB og missa stjórn á fiskimiðum, en viljum síðan láta SÞ stjórna þeim í staðinn. Þetta er álíka aulalegt og að skrifa undir orkupakka, jafnóðum og að neita að ganga í ESB til að halda stjórn á auðlindunum okkar. Ætli það sé ekki kominn tími til að ganga út úr SÞ alveg eins og EES?

Svo þetta:

• auka tekjur þróunarlanda með nýjum sköttum

Ríkisstjórnir hagnast á sköttum, löndin ekki. Æ, afsakið: þeir eiga auðvitað við að við eigum að greiða skatta til ríkisstjórna Afríku.

Næst þetta:

• auka stöðugleika heims með sameiningu stjórnmála í samræmda stefnu

Alveg eins og ESB - bara enþá stærra og spilltara.

• styðja Agenda 2063 fyrir Afríkusambandið

Fyrir þá sem ekki vita er verið að tala um þetta: https://au.int/en/agenda2063 - ekki veit ég hvernig við eigum að styðja það, nema ef til vill með enn meiri peningum.

• framfylgja öllum markmiðum og loforðum pakkans

Og hér höfum við athyglisvert atriði. Hvers vegna er verið að taka það sérstaklega fram að "framfylja öllum markmiðum og loforðum pakkans" nema til þess að undirstrika það að við erum að lofa því að framfylgja þessu öllu. En hvernig kemur það heim og saman við yfirlýsingar um fullveldi?

Svarið er auðvitað að verið er að nota orðið "fullveldi" á annan hátt en það sem þið haldið. Hver hefur ekki heyrt það sagt nú til dags að fullveldi merki það að lönd "standi við skildbindingar" eða einhverja vitleysu í þeim dúr?

Loks þetta:

• gera refsivert að gagnrýna innflytjendur og kenna fjölmiðlum að fjalla rétt um málin.

Bara þetta eitt og sér er nóg til þess að gera samninginn að viðurstyggð sem ætti að henda út í ystu myrkur.

Jafnvel þó að engin lagalega bindandi skuldbinding er í samningnum er það óþolandi að verið sé að skrifa undir plagg sem feli í sér loforð um skerðingu eðlilegrar umföllunar og málfrelsis, sem og að "kenna" fjölmiðlum að fjalla "rétt" um málin.