Oxfam

Frétt Guar­di­an

"Auðæfi þeirra 26 rík­ustu í heim­in­um eru svipuð því sem eign­ir 50% þeirra fá­tæk­ustu í heim­in­um, seg­ir í nýrri skýrslu bresku hjálp­ar­sam­tak­anna Oxfam. Sam­tök­in hvetja til þess að lagður verði á 1% auðlegðarskatt­ur og með því væri hægt að tryggja nægj­an­legt fé fyr­ir skóla­göngu allra barna sem ekki ganga í skóla í heim­in­um. Þetta kem­ur fram í frétt Guar­di­an. 

Þar seg­ir að eign­ir 26 ein­stak­linga sam­svari eign­um 3,8 millj­arða jarðarbúa. Oxfam gef­ur skýrsl­una út ár hvert áður en heimsviðskiptaráðstefn­an hefst í Dav­os í Sviss. Í skýrsl­unni nú kem­ur fram að þeir rík­ustu hafi orðið rík­ari og þeir fá­tæku fá­tæk­ari.

Með því að leggja á 1% auðlegðarskatt væri hægt að safna 418 millj­örðum Banda­ríkja­dala sem næg­ir til þess að tryggja skóla­göngu allra barna í heim­in­um og heilsu­gæslu. Það gæti bjargað þrem­ur millj­ón­um frá dauða."

Ekkert væri vitlausara en að dreifa þessum eignum á jarðarbúa. Aðeins samþjöppuð skynsemi þessarra ríku gerir það að verkum að jarðarbúar njóta framfara og hagvaxtar.Ekkert yrði úr þeim ef tómir vitleysingar sem almenningur er upp til hópa fengju of mikið til að sukka með.

Stjórnmálasviptingr eru oft í raun góðar því þær gefa spilin upp á nýtt. New Deal sagði Rossewelt.

Það var gefin stjórnmálaleg skipun um  að brjóta upp ESSO Rockefellers. Það var gert en innan  fárra ára var hvert brotið orðið stærra en það upphaflega stóra. Þannig virkar kapítalisminn, fyrirtækin vaxa og blómgast.

Frjálshyggjan segir að þau eigi að fá að vaxa og líka það að best sé að sem flestir taki þátt í kapphlaupinu um auð og völd.

Hoover byggði stífluna og hún leiddi af sér vöxt í iðnaði.Roosewelt og Hitler byggðu þjóðvegina sem nýttust fólkinu og iðnaðnum. Alveg eins og Afl fyrir Austurland gerði öllum Austfirðingum gott og er því hvergi nærri lokið.Nýju hátækniverksmiðjurnar á Austfjörðum  Eskja osfrv.  eru afleiðingar almennra vaxtarskilyrða sem þá mynduðust.

Eitt sinn voru Síldarverksmiðjur Ríkisins helsta stóriðjan. Sveinn Ben lagði þá grunninn að veldi Engeyinganna sem enn varir. En hann var samt bara ríkisstarfsmaður sem stórefnaðist.Varð ríkur á þeirri aðstöðu í pilsfaldakapítalismanum eða þjóðarrekstri að sovéskum stíl. 

Alli ríki og ýmsir aðrir stórútgerðarmenn eins og Einar Guðfinnsson  voru öðruvísi og hófust af sjálfum sér. Langafabróðir minn Otto Wathne sagði alltaf:"Det kommer nu an på silla."Hann vissi að að það þurfti að afla áður en menn færu að eyða og þannig hugsuðu gömlu kallarnir.

Þetta sem vinstra liðið kallar núna Samfélagssátt er aldrei mikið  annað en viðleitni til að draga alla, sem þeir kalla þá lægst launuðu, niður á lægsta plan þar sem allir hafa það jafnskítt. Kapítalisminn hefur hinsvegar séð um að lyfta planinu þannig að þeir verst settu í dag  hafa það núna miklu betra en þeir höfðu það áður. 

Tæknin og þekkingin og fjármagnið skapa velsældina.Allir mega ekki hafa jafnan aðgang að fjármagni og lágum vöxtum, þá fer allt í vitleysu. Það eru bara þeir sem hafa eitthvað vit í kollinum og framkvæmdavilja sem er treystandi fyrir lánsfé. Þess vegna eru bankastjórar en ekki sjálfsafgreiðslukassar fyrir lán  í bönkunum.

Oxfam er á villigötum ef það heldur að almennt heimskir og fátækir jarðarbúar geti gert eitthvað við meiri peninga en sem duga fyrir nauðþurftum og gleymir því að 100x 1 % eru 100%.

 

 

Athugasemdir

[Hilmar Bjarnason (IP-tala skráð) 22.1.2019 kl. 16:59]

Hoover stíflan var byggð í forsetatíð Roosevelts.

[Hilmar Bjarnason (IP-tala skráð) 22.1.2019 kl. 17:01]

Afsakið ... dreg þetta til baka.  Framkvæmdir stóðu yfir í tíð tveggja forseta.  My bad ... eins og unga fólkið segir.

[Borgari (IP-tala skráð) 22.1.2019 kl. 17:48]

Ég gef aldrei í safnanir

Ríkisstjórnin sérum að taka mína peninga rúmlega 2 Miljarða á ári og senda þá í þessa spillingaarhít.

Þar að auki þá "gaf" Gulli einhverjar hundruðu miljóna til stríðsherrana í Jemen bara upp úr þurru

[Ómar Ragnarsson, 22.1.2019 kl. 19:25]

Hvers konar ómissandi burðarásar mannkynsins eru þeir, sem ekki þola 1% skatt?

[Ásgrímur Hartmannsson, 22.1.2019 kl. 20:54]

Það allra skemmtilegasta við Oxfam er að samkvæmt þeim lenda þeir neðstir á listanu sem *skulda.*  Skulda umfram eignir, höldum því til haga.

Ef þú átt ekkert, og ert slíkur öreigi að þú getur ekki fengið lán, ert semsagt að svelta nema einhver aumki sig yfir þig, þá ertu *ekki* meðal þeirra 10% fátækustu.  Sennilega meðal þeirra 50% ríkustu, reyndar.

Smáa letrið, maður.

Sé ekki hvers vegna við eigum að veita þessum mestu skattborgurum heimsins sér athygli. (Ómar veit greinilega ekki að þeir borga miklu meira en 1% í skatt.  Kannski ekki jafn hátt hlutfall og ég grieði, en ég bý líka á islandi.  Hér er kerfið hvorki sanngjarnt né heilbrigt.)

Það hefur á hinn bóginn dregið talsvert mikið úr fátækt í heimunum.  Sem er svosem ágætt.  

[Sigurður Kristján Hjaltested, 22.1.2019 kl. 21:34]

Eru ekki 10% islensku þjóðarinnar eigendur

af öllum hennar verðmætum..???

Þarf ekkert að fara út fyrir landsteinanna til

að sjá annað eins rugl.

Ein ætt ber þó helst á með þessi auðævi,

og foringi fyrir þá ætt, er foringin án flokks.

[Ómar Ragnarsson, 22.1.2019 kl. 21:51]

Eru þeir svona mikið skattpíndir nú þegar, þessir 26 einstalklingar. að þeir þoli ekki 1% í viðbót?

[Símon Pétur frá Hákoti (IP-tala skráð) 23.1.2019 kl. 14:16]

Rétt athugað Halldór,

Veldi Engeyinga byggði á pilsfaldakapítalisma

og gerir svo enn, að auðgast sem kommissarar

freðmýra kommanna og brussel hirðarinnar gera

og allir þingmenn forystunnar fylgja

sem rakkar, ósjálfstæðir og á ríkisframfæri.

Hvílík hryggðarmynd er á þá að líta,

beiningamennina sem þora ekkert að segja,

og hafa aldrei stundað sjálfstæðan rekstur,

nema bóndinn, sem gerist nú varaforseti 

svo svala megi hefndarþorsta Steingríms J.

Svo vesæll er þessi flokkur orðinn,

að þingmenn hans eru ekki einungis allir á spena ríkisgyltunnar,

heldur þjónar hann nú allur Steingrími J.

Sjálfstæðisflokkurinn er genginn í VG,

kommagrænn, hlæjandi sem hýenu vesalingur.

[Halldór Jónsson, 23.1.2019 kl. 14:42]

Ég fékk eftirfarandi athugsaemd frá manni sem ég veit að hefur upplýsingasr um Svein Benediktsson sem ég hef ekki haft nægar þegar ég skrifaði þennan pistil. Sú vanþekking hefur líklega skekkt mat mitt á Sveini og uppruna auðæva hans og Engeyinganna og er það mér ekki til álitsauka. Ég kannaðist við Svein frá Rotaryfundum þar sem hann vakti athygli mína fyrir einarðan málflutning sem mér fannst oft einhliða. En auðvitað nægði það mér ekki til að þekkja mannin neitt eða han feril í æsar.Vissi bara að hann var orðinn stór í Sjóvá.

En þessi máur skrikfar:

"

Núna rak ég augun í eftirfarandi passus í pistli dagsins í dag, 22.01.2019

 

Eitt sinn voru Síldarverksmiðjur Ríkisins helsta stóriðjan. Sveinn Ben lagði þá grunninn að veldi Engeyinganna sem enn varir. En hann var samt bara ríkisstarfsmaður sem stórefnaðist.Varð ríkur á þeirri aðstöðu í pilsfaldakapítalismanum eða þjóðarrekstri að sovéskum stíl. 

 

Það er rétt að SR voru stærsta fyrirtæki landsins á árunum fyrir seinni heimsstyrjöld og skipti sköpum um afkomu þjóðarbúsins. SB var kjörinn ungur í stjórn SR og síðar var hann formaður stjórnar til áratuga óháð því hver meirihluti var í ríkisstjórn. Um rekstur SR voru á þessum árum hatrammar pólitískar deilur sem oftar en ekki skóku samfélagið

SB hóf ungur að vinna á sumrin við síldarútveg, fyrst 18 ára hjá Óskari Halldórssyni, og jafnframt rúmlega tvítugur sem umboðsmaður sunnlenskra síldveiðiútgerða fyrir norðan. Starfið fólst ekki síst í því að útvega löndunarpláss fyrir síldarbátana en það skipti sköpum fyrir útgerðirnar að vel væri að því staðið.

 

Það er rangt hjá þér að SB hafi verið bara ríkisstarfsmaður. Það var hann aldrei. Hann var stjórnarmaður og síðar formaður stjórnar SR. Hann tók laun fyrir störf sín sem formaður er miðuðust við mánaðarlaun verkamanns SR. Þetta sagði hann mér sjálfur.

 

SB var þekktur fyrir dugnað og ósérhlífni svo mörgum þótti nóg um. Vafalaust hefur hann oft haft góðar og miklar tekjur á þessum árum. Hann varð hins vegar snemma virkur þátttakandi í atvinnurekstri og lagði oftar en ekki allt undir.  Hann fór í rekstur með öðrum við að salta síld m.a. á Vopnafirði. Einn af samstarfsmönnum hans var Halldór Ásgrímsson (eldri).

 

Eitt var athyglisvert varðandi SB að hann starfaði um áratuga skeið í afar pólitísku umhverfi þar sem hart var tekist á. Hins vegar urðu flestir sem með honum störfuðu, sama af hvaða pólitísku trú þeir voru, persónulegir vinir hans enda efuðust þeir aldrei um heilindi hans.

 

SB vann mikið og náið með Halldóri Kr. Þorsteinssyni,skipstjóra, sem giftur var Ragnhildi móðursystur hans. Hann annaðist m.a. útgerð Max Pemberton uns hann fórst 1944 og sá um margar fjárfestingar fyrir HKR.

 

Eftir stríð fór SB fyrst í félagi við annan og setti upp síldarsöltun á Raufarhöfn sem nefnd var Hafsilfur, sem hann eignaðist síðar að fullu. Seinna seldi hann kaupfélaginu og var þá búinn að stofna Hafölduna á Seyðisfirði, sem hann rak í nokkur ár uns hann seldi Óla Óskars (Halldórssonar) stöðina í tveimur áföngum tveimur árum fyrir hrun síldveiðanna.

 

Þú nefnir að Alli ríki og Einar Guðfinnsson hafi verið öðru vísi og hafist af sjálfum sér. Þetta er hlálegt að fullyrða. Þeir voru báðir mjög nánir SB og leituðu oftar en ekki í smiðju til hans því hann var þeim ráðhollur það sagði Alli mér sjálfur. Þessir þrír menn hófust allir af sjálfum sér. 

 

Einnig mætti minna á þátt SB við stofnun og rekstur Bæjarútgerðar Reykjavíkur. Eins mikill einkarekstrarmaður og SB sannarlega var þá áleit hann pólitíska nauðsyn á því að leggja þessu máli lið, þar sem reykvískar útgerðir þess tíma vildu ekki fjárfesta í nýsköpunartogurunum eftir stríðið. Hann var um skamman tíma framkvæmdastjóri en lengst af formaður stjórnar. Hann gaf sig allan í þetta verkefni þó rekstrarformið væri honum ekki að skapi.

 

Að beiðni HKÞ tók SB sæti í stjórn Sjóvá og varð formaður er hann hætti fyrir aldurs sakir."

 

(Faðir minn kom til Íslands i stríðsbyrjun með Max Pemberton frá Englandi og því man ég nafnið sem hann nefndi oft við mig.)

 

Ég sé að ég hef  látið orð falla sem skilja megi svo að  Sveinn hafi efnast óeðlilega á því að stjórna SR.

 

Það er  ekki rétt að láta að slíku liggja  og er það miður og ekki mér til hróss.  En þau eiga samt uppruna í sögu af honum sem bendir í aðra átt en tilskrifandinn vill og yrði hann líklega ekki hrifinn að heyra hana. En ég veit að hún er sönn þó ekki falleg sé.  Sveinn var eins og sjá má  af henni ekki alveg gallalaus. En  hefur líklega ekki alltaf sést fyrir í önn dagsins eins og hendir dugnaðarforka eins og hann vissulega var.

 

Nú er hinsvegar mikið rætt um Sjóvá og aðkomu Steingríms Jóhanns að því að dæla ríkisfé í það fyrirtæki þegar það var að fara á hausinn eftir að skálkar stálu tryggingasjóðnum úr félaginu og það varð óstarfhæft. Þaðan liggur mikill spuni um þræði frá Steingími og VG yfir til Engeyinga svorammir að Pétur á Sögu talar um samstjórn Steingríms og Bjarna Ben. í núverandi stjórn. Ekki tek ég undir slíkt tal en það lítur ekkert vel út úr fjarlægð þegar það ser skoðað í ljósi eftirtímans.

[Símon Pétur frá Hákoti (IP-tala skráð) 23.1.2019 kl. 15:27]

Í umboði hverra var SB stjórnarmaður

í Síldarverksmiðjum Ríkisins?

[Símon Pétur frá Hákoti (IP-tala skráð) 23.1.2019 kl. 15:30]

Síðan segir að 

Skálkar hafi stolið tryggingasjóði Sjóvár?

Hvað skálkar voru það?

[Símon Pétur frá Hákoti (IP-tala skráð) 23.1.2019 kl. 15:37]

Svo segist þú þekkja til sögu sem tilskrifandinn yrði varla kátur að heyra, en þú veist að er sönn, því ekki sé hún falleg.

Mér virðist þú ekki þurfa að biðja afsökunar á neinu Halldór.  Fremur að þú mættir segja meira, sem sjálfstæður maður sem þorir.

[Þorsteinn Siglaugsson, 23.1.2019 kl. 18:46]

Nú veit ég ekki hvernig Oxfam reiknar þetta. En þegar þetta er skoðað hérlendis er ég hræddur um að það verði að taka með í reikninginn eignir lífeyrissjóðanna. Það dugar ekki að undanskilja þær. Lífeyrissjóðirnir eru í tiltölulega jafnri eigu allra launamanna í landinu. Og þeir eiga stóran hluta af fyrirtækjum í landinu.