Látum ekki breyta fyrir okkur klukkunni

þegar almenningur vill það ekki:

Þetta er skoðanakönnun á þessari síðu:

Viltu breyta klukkunni?

 

Já 31.1%

 

Nei 68.9%

 

119 hafa svarað.

 

Þó að þetta sé ekki þjóðaratkvæðagreiðsla eins og Icesave þá er þetta samt smávegis skoðanakönnun á þessari síðu. Ekki óyggjandi en gefur samt vísbendingu hvert vilji almennings stefnir í klukkumálum.

 

Það eru öfl í gangi sem vilja prakka þessu inn  á landsmenn í gegn um bakdyrnar.Látum minnihlutanum ekki takast það.

 

Látum ekki breyta fyrir okkur klukkunni sem hefur gefist vel í áratugi.

Athugasemdir

[Ragnhildur Kolka, 4.3.2019 kl. 09:31]

Frakkar voru að greiða atkvæði rafrænt um Hvöt þeir vilji hætta að breyta klukkunni. Næstum helmingur vill hætta þessu rugli, hinir skiptust milli áfram með ruglið eða hafa ekki skoðun. 

Ólíklegt að alltumlykjandi Brussel gefi leyfi fyrir að hætta ruglinu.

[Valdimar Samúelsson, 4.3.2019 kl. 10:00]

Vil ekki breytingu þetta er eitt rugl í alla staði.

[Ómar Ragnarsson, 4.3.2019 kl. 10:49]

Einu marktæku skoðanakannanarnir eru þær sem eru gerðar á þann hátt að lágmarksskilyrðum sé mætt varðandi úrtak úr þjóðskrá og frumkvæði spyrilsins. 

Allt annað er í skásta falli samkvæmisleikur, enda má enn minna á það þegar kannanir með frumkvæði svarandans á Útvarpi Sögu voru sýndu að Framsóknarmenn myndu fá meirihluta í borgarstjórn Reykjavíkur 2014 og að Sturla Jónsson stefndi í að verða forseti Íslands 2016. 

[TJ (IP-tala skráð) 4.3.2019 kl. 12:23]

Nú hefur óvísindaleg tilraun á þjóðinni staðið í u.þ.b. hálfa öld, það er alveg óhætt að breyta klukkunni til samræmis við hnattstöðu og taka síðan stöðuna eftir eins og 5 ár.

[GÍSLI HOLGERSSON - ICELAND (IP-tala skráð) 4.3.2019 kl. 12:28]

Gerum þetta einfalt og breytum engu:

Byrjum skólann kl.09:00 í stað 08:00, ef það gleður einhvern?.

[Ágúst H Bjarnason, 4.3.2019 kl. 14:15]

Verði klukkunni seinkað, þá mun myrkurstundum á vökutíma fjölga um 131 til 190 klukkustundir eftir því hvort vökutími teldist frá 7-23 eða 8-24.

Þetta samsvarar fimm til átta heilum sólarhringum í auknu myrkri á vökutíma!

 

Þetta segja Dr. Gunnlaugur Björnsson stjarneðlisfræðingur, deildarstjóri Háloftadeildar Raunvísindastofnunar Háskóla Íslands og Dr. Þorsteinn Sæmundsson stjarnfræðingur við Raunvísindastofnun.

 

Hverjir vilja það?

Vísindavefurinn: Getum við seinkað klukkunni á Íslandi og fengið þannig fleiri birtustundir yfir daginn?

https://www.visindavefur.is/svar.php?id=68760

 

[Halldór Jónsson, 4.3.2019 kl. 14:21]

Netop frændi, þetta er bara afturför

[Gunnar Rögnvaldsson, 4.3.2019 kl. 19:23]

Þetta gæti dregið úr hagvexti og þar með dregið úr of miklum lífskjörum, sem allt virðast vera að drepa hér. Kuldatíminn yrði stækkaður og grillum myndi fækka. Það hjálpar að sjálfsögðu við að kæla jörðina hér, en ekki þar. Þannig að þetta hlýtur að vera af hinu voðalega góða, eins og allt annað myrkur sem kemur úr austri, þegar sólin sest í vestri. Kýlum á meira myrkur! Reddum þessu!

[Hörður Þormar (IP-tala skráð) 4.3.2019 kl. 20:34]

Ég var að sjá það í fréttum að haldið verður áfram að breyta klukkunni í Evrópu, a.m.k. til ársins 2021. Ákvörðun um hvort eða hvenær því verður hætt verður tekin á næstunni.

[Ómar Ragnarsson, 4.3.2019 kl. 21:28]

Það sem skekkir þessa mynd er, að á tímanum frá byrjun nóvember til færir hádegið sig til um meira en hálftíma í öfuga átt, þ. e. frá því að það birti á ný. 

Þetta er afar dýrmætur tími fyrir námsfólk og ungt fólk sérstaklega. 

[Gunnar Rögnvaldsson, 4.3.2019 kl. 23:40]

Síðan hvenær byrjaði ungt fólk að spá í klukku Ómar?

Það er ekki fyrr en með komu fyrsta barnsins að ungt fólk veit hvað klukka er.

Klukka breytir heldur engu um gapandi munna og grenjur kornabarna, sem betur fer. Þau geta sjálf. Sah deeet..

[kolbrún hilmars (IP-tala skráð) 5.3.2019 kl. 15:18]

Samfélagið hefur þegar aðlagað sig að grill- og golftímanum.  Verslanir opna ekki fyrr en kl. 10 og 11 á morgnana, verslanamiðstöðvar eins og Kringlan og Smáralind líka.
Svo eru þær opnar fram eftir kvöldi á móti - og þá má spyrja, af hverju fær afgreiðslufólk þar ekki síðdegisfrí til þess að grilla og golfa?

[Gunnar Rögnvaldsson, 5.3.2019 kl. 19:16]

Veit það ekki Kolbrún.

Ég bý ekki í samfélagi og ætla mér aldrei að gera það. Þoli þau ekki. En ég bý hins vegar í þjóðfélagi.

Samfélag er það þegar skattleggja á menn út hófi fram, eða þegar einhver þrýsti-klíka vill láta taka mark á sér, þá kallar hún sig samfélag, og vill helst láta aðra borga eða gera eitthvað fyrir sig.

Ég er bara í stóra félaginu: þjóðfélagi Íslendinga. Það er nóg fyrir mig.

Hin félögin óteljandi, þ.e. "samfélögin", er yfirleitt sósíalismi í einni eða annarri ómynd. Til dæmis "háskólasamfélagið". 

Ég grilla því bara í þjóðfélagi Íslendinga og reyni að borða matinn sjálfur, með fjölskyldu og vinum, en ekki með samfélagi.

[Kolbrún Hilmars, 6.3.2019 kl. 10:39]

Afsakaðu þá yfirsjón mína, Gunnar, að kalla verslunarsamfélagið aðeins samfélag.  :)