ISAVIA-Bank

er víst í hættu með að tapa milljörðunum sínum af því að flugvélareigandinn sem leigði WOW vél sína þarf ekki að tapa henni samkvæmt úrskurði Héraðsdóms.

Björn bankastjóri ISAVIA hættir um svipað leyti og Höskuldur í ARION-Banka. En báðir voru hjálparhellur flugfélags Skúla Mogensen. Brotthvarf beggja tengist þó ekki falli WOW að neinu leyti segja þeir báðir. 

Manni skildist á Hreiðari á STRACTA-Banka að hann yrði að bjarga flugmálum landsmanna svo að ferðaiðnaðurinn biði ekki afhroð?

Páll Vilhjálmsson ofurbloggari er þó á annarri skoðun. Hann segir:

 

"Þegar WOW fór í gjaldþrot var talað um hrun ferðaþjónustunnar. Eitthvað gengur erfiðlega að framkalla hrunið í reynd.

Ekki einu sinni er hægt að tala um svokallað WOW-hrun, svo lítilfjörleg eru áhrifin.

Menn ættu að hugsa svolítið meira áður en þeir tala."

Íslendingar eru útlánaglaðir með besta móti og vilja helst ekki fá vexti af útlánafé ef marka má umræðuna hjá forystumönnum launþega.

Ásgeir Hannes Eiríksson gerði hinsvegar samning við Landsbankann um að bankinn seldi ekki pylsur meðan hann lánaði þær ekki vaxtalaust. Skynsamur maður Ásgeir Hannes og hefði kannski átt að stjórna stærri stofnunum. 

En kannski bjargast þessi flugmál til og frá landinu einhvern veginn án þess að STRACTA, ISAVIA eða ARION bankar  komi þar að?

 

 

Athugasemdir

[Halldór Egill Guðnason, 6.5.2019 kl. 10:30]

 Já nafni, thad er undarlegt ad fjölmidlar skuli hafa kokgleypt skýringar forstjóra Isavia og Arion banka á skyndilegum uppsögnum sínum. Bádir voru their reknir med skömm, en um thad er ekkert fjallad. Snúa sér ad ödrum málum.....ha ha ha.

 Enn undarlegra er ad forstjóra Samgöngustofu hafi ekki einnig verid gert ad taka pokann sinn og hypja sér eitthvad annad. Thessir thrír eiga svo sannarlega saman vidskiptaskitu ársins. Nánast allt og allir sem komu ad eftirlitshlutverki med rekstri Wow skitu feitt upp á bak og eftir situr almenningur med reikninginn, eins og ávallt ádur. 

 Hárrétt greining hjá Páli Vilhjálmssyni. Wow menn héldu ad their vaeru ordnir svo stórir ad hid opinbera myndi hlaupa undir bagga og bjarga theim. Thad var sem betur fer ekki gert og félagid fór á hausinn. Var reyndar búid ad vera á hausnum í meira en ár, en sökum lidlegheita Isaviaforstjórans, Arion stjórans og forstjóra Samgöngustofu héldu skuldir áfram ad hladast á fyrirtaekid miklu lengur en thurft hefdi. Áródurinn sem buldi á landsmönnum um mikilvaegi félagsins var ekkert annad en ámátlegt prump, án innistaedu.

 Vissulega sorglegt ad horfa upp á allt thad góda fólk sem vann hjá félaginu missa störf sín, en án efa gengur thví flestu vel ad finna sér annad ad gera. 

 Naest thegar Skúli dúkkar upp í hérlendu efnahagslífi med naestu snilld, aettu sem flestir ad halda sig vídsfjaerri.

 Gódar stundir, med kvedju ad sunnan. 

[Þorsteinn Siglaugsson, 6.5.2019 kl. 11:06]

Björn og Höskuldur eru, að sögn, að stofna nýjan banka. Hann mun eiga að sérhæfa sig í að lána til gjaldþrota fyrirtækja og vafasamra stórverkefna. Eina skilyrðið til að komast í viðskipti er að maður sé vondur pappír.

[Halldór Jónsson, 6.5.2019 kl. 16:29]

Já nafni minn að sunnan, ég sperri alltaf eyrun þegar þú lætur í þér heyra.

Nú varstu með skemmtilegan húmor Þorsteinn.

Ég held því miður að ég  eigi ekki aura afgangs til að taka þátt í hlutafjárútboðinu. Nema ég geti keypt banka fyrst eins og Skúli og Jón Ásgeir gerðu þegar þeir fóru í flugbransann.