Auglýst eftir kostum EES !

er hér með ef einhver skyldi kunna að telja þá upp.

Ennfremur mætti einhver telja upp ókosti EES við sama tækifæri.Við það verk skal ég gjarnan hjálpa til við.

Konráð S. Guðjónsson í Viðskiptaráði fer með trúarjátninguna í Mogga í morgun.Talar um 500 milljón manna markað en gleymir að draga Bretland frá. En játningin hefði allt að eins geta hljóðað svo:

"Ó þú mikli EES samningur, sem hefur fært  okkur allt þetta góða,kenndu okkur að lifa svo við megum þóknast þér sem best og lepja allt upp sem þú okkur réttir." 

Enginn og tilbiðjendunum nefnir til einn einasts beinharðan kost sem við höfum haft að þessu fullveldisframsali sem fram fór fyrir aldarfjórðungi, sem við hefðum ekki náð í tvíhliða samningum sem fullvalda þjóð. Hvernig munum við semja við Breta? Undir hæli ESB eða sem fullvalda ríki?

Ekki einu sinni Villi Bjarna sem væri manna hæfastur til þess hefur talið upp kosti EES. Samt endar hann snilldargrein sína um Sjálfstæðisflokkinn eins og hann ætti að vera en ekki eins og hann er núna með því að vitna í Bjart bónda." 

„Maður fer á mis við lífið þángaðtil maður er sjálfstæður. Fólk sem er ekki sjálfstæðisfólk, það er ekki fólk.“

Eru EES sinnar yfirleitt sjálfstæðisfólk?

Ég helda að þeir sem skrifa í Fréttablaðið í dag eins og Bolli Héðinson og mæra inngöngu í ESB hljóti að eiga eftir að hugsa málið til enda. Bolli er þó margreyndur í sjálfstæðum rekstri en mér finnst hann skrifa ekki lengur í samræmi við frelsishugtak hins sjálfstæða manns og anda þegar hann vill herleiða Íslendinga til í foraðið sem blasti við í verslun Þjóðaverja og Frakka á Evrópuþinginu.

Muna Íslendingar ekki eftir tímum helmingaskiptareglunnar?  Hvað hefðum við ráðið þarna  miklu um kjör Evrópuherssinnan van der Leyen?

Mér finnst einföld lausn núna vera sú að innleiða ekkert af gerðum EES sem öll önnur ríki í ESB hafa ekki þegar innleitt hjá sér. Þannig getum við náð samræmingu sem á skortir sárlega núna þegar við erum oft kaþólskari en páfinn.Bara að vinna heimavinnuna þar sem þeir stóru í ESB gera bara það sem þeim gott þykir,

En ég bíð eftir rökum fyrir áframhaldi EES í óbreyttri mynd.