Húsnæðisvandræði?

ungs fólks eru mikil.

Þau eru samsett af glórulausu okri sveitarfélaga við sölu lóða sem taka ekkert tillit til framtíðartekna þeirra sem vilja byggja. Ennfremur sí íþyngjandi kröfum Mannvirkjastofnunar. Regluverka frumskógar Byggingafulltrúanna, í Reykjavík mun skógurinn vera sérlega þéttur og ógreiðfær.

Of miklar kröfur um 100 ára endingu. Einangrun og allskyns bullukröfur um aðgengi fatlaðra sem eiga ekki að búa í húsinu.Eldvarnir aðrar en úðakerfi sem auðvitað ættu að vera í hverri nýrri íbúð og eru ódýrar og veita algera vernd gegn eldsvoðum.

Með hugviti hafa menn smíðað hús sem sjá má á

https://youtu.be/26HHPKJ7gZM

Kemur sem 1 stk gámur á vörubíl og er orðið einbýlishús eftir nokkra klukkutíma. Sett ofan á undirstöður og tengt við veitur sem þurfa að vera gerðar þegar gámurinn kemur.

 

Það eru til ótalmargar útfærslur á snjallhúsum sem þessum. Þau kosta brot af

fermetraverði monthúsanna á þéttingarsvæðum.

Auðvitað þarf að taka tillit til láréttu rigningarinnar og vatnsþrýstingsins  á okkar góða landi. En hvað er það ef húsið er ódýrt að grunni til.

Af hverju ekki ungi maður að gera eitthvað í húsnæðisvandræðunum þó það sé gott að búa á hótel mömmu?