Af hverju ekki úðakerfi?

í byggingar?

Íslendingar eru haldnir einhverri fælingu þegar maður nefnir úðakerfi sem brunavarnir? Þetta getur fari að leka segja þeir og allt verður ónýtt undir lekanum. Eða bara þeir segja að maður bara tryggi vel og þá megi draslið brenna sem komi þá út sem hagvöxtur.

Maður fer að hugsa eftir þessa síðustu stórbruna af hverju menn vilji ekki setja upp sprinkler. Fólk er að deyja í íbúðum í nýlegum steinhúsum og hundruða milljóna tjón verða reglulega í atvinnuhúsum. Við eigum menningarhús sem myndu fútta af eins og NotreDame ef kviknaði í þeim. Það er eins og við séum fatalistar, que sera sera?

Sprinkler er sáraeinfaldur. Yfirvöldin i Scottsdale Arizona stóðu frammi fyrir rándýrri beiðni slökkviliðsins um nýja brunabíla. Þau ákváðu að kaupa enga en fyrirskipa sprinkler í allar nýbyggingar. Eftir einhvern áratug gerðu þeir upp dæmið og þá hafði enginn dáið í eldsvoða og alvarlegum brunum fækkað mikið. Reynslan var ótvíræð úðakerfunum í hag og bæjarsjóður stórþénaði.

Ein sönn saga er af glæpamönnum sem ætluðu að drepa félaga sinn.  Helltu hann fullan og helltu svo bensíni yfir hann drykkjudauðan og kveiktu í. Þeim yfirsást að það var sprinkler í loftinu og furturinn bara lifði af til að fingra þá kónana.Sprinklerinn er svo ótrúlega skilvirkur að slökkva elda sem kvikna að enginn deyr í bruna þar sem hann er uppsettur.

Af hverju er þessi tregða og hræðsla við vatnstjón? Er ekki vatnstjón alltaf betra en brunatjón?

Af hverju ekki úðakerfi í allar nýbyggingar sem lækka  iðgjöldin hjá tryggingafélögunum sem bæta tjónin ef ekki er búið að stela bótasjóðunum eins og glæpamennirnir gerðu hjá Sjóvá á sínum tíma.

Athugasemdir

[Vagn (IP-tala skráð) 4.8.2019 kl. 01:27]

Ef tilgangurinn er að spara á kostnað borgarbúa eins og yfirvöldin i Scottsdale Arizona gerðu þá er margt hægt að gera. Reykjavíkurborg gæti sparað með því að skylda húsbyggjendur til að setja ljósastaura við lóðamörk og leggja gangstéttir. Og hvert hverfi og hver gata sæi um snyrtingu grænna svæða, þrif og málun gatna.

Úðakerfi skiluðu færri útköllum og Reykjavíkurborg mundi spara í slökkviliðinu. En á móti kæmi hækkun á húsnæðisverði og úðakerfi í allar nýbyggingar kostar sennilega meira en brunatjónin.

Á hverju ári telja nýbyggingar þúsundir og kostnaður við hvert úðakerfi væri hundruð þúsunda til nokkurra milljóna eftir stærð. Brunatjón þurfa því að hlaupa á nokkrum milljörðum áður en skynsamlegt er að gera eins og þú vilt. Flest ár ná heildar brunatjón ekki milljarðinum.

[Halldór Jónsson, 4.8.2019 kl. 08:22]

Verðum við ekki Vagn að skoða mannslífin líka sem við missum í brunatjónum í annars góðum íbúðum?