EES skýrslan

á vef ráðuneytisins er mikið plagg.

Ég hef haft miklar efasemdir um þennan EES samning og allt það og hef enn.

Ég hafði auðvitað miklar efasemdir um það að Björn Bjarnason og Kristrún Heimisdóttir kæmu upp með annað en óslitið lof um samninginn. Ég vissi ekkert um þriðja félagann Bergþóru Halldórsdóttur til að búast við einhverju né Pétur úr ráðuneytinu.

Ég fór á vefinn og las fyrsta innganginn vandlega sem er afbragðs vel gert sögulegt yfirlit yfir viðskiptasögu hins unga lýðveldis sem var stofnað 1944. Hrakningasaga sveitamanna og hvernig aðstæður voru fráhrindandi og ótal erfiðleikar byrgðu mönnum hugsanlega sýn.

En frá Bretton Woods lá brautin fram fyrir Ísland. Við höfðum ótrú á frelsi manna og höfum enn innbyggt neikvætt traust á heiðarleika almennings. Opinber afstaða embættismanna okkar hefur alltaf verið sú að allir óbreyttir þegnar séu bandíttar sem bíði efir því að hafa rangt við. Allir séu einskonar skítapakk nema þeir sjálfir. 

Hundavað mitt yfir næstu kafla er skýrslunni henni ekki samboðin og hindrar  mig til að dæma af viti á þessum tímapunkti. En samúð höfundanna með Evrópusamstarfinu  blasir við.  Hugsanlega skoða ég þetta aftur og skal þá fúslega endurskoða mitt gamla mat í ljósi þess.

Nefndin er sannfærð um  lofsönginn um að EES hafi gert allt fyrir land okkar sem hefði ekki verið hægt öðru vísi. Mér finnst samt fullyrðingar um þetta ganga býsna langt enda eru höfundarnir sannfærðir um sína hlið og geta auðvitað ekki dæmt um hvað hefði annars getað gerst. 

Ég komst ekki yfir að lesa lengra en þennan fimmtung og veit ekki hvort ég nenni meiru. Ég er nefnilega ekki yfir mig hrifinn af svona samkrulli eins og þetta EES og daður við ESB hefur leitt okkur til og fullyrðingar höfundanna um stórasannleika um allt það góða sem við höfum fengið í okkar hlut án þess að benda á gallana.

Sérstaklega þegar ég sé núna að þingmenn okkar hafa verið svo svo latir að þeir hafa aldrei nennt að setja sig almennilega inn i málin sem að okkur hafa verið rétt og því hafa hlutir farið inn sem hefðu mátt vera öðruvísi.Enda er þeirra andleg spektin ekki alltaf upp á marga fiska.

En fyrsti hlutinn er frábær samantekt sem fólk á að renna yfir bara til að skilja söguna sem leiðir okkur til þessa dags.

En eins og Sportin-Life segir í Porgy and Bess: "The things that youre liable  to read in the Bible, it aint neccesarily so."

Björn Bjarnason og Kristrún Heimisdóttir munu seint teljast hlutlausir rannsakendur á samningi sem þau hafa fyrirfram í hávegum og því er EES skýrsla þeirra ekki hafin yfir gagnrýni þó góð sé og inngangurinn sé frábær.

 

 

Athugasemdir

[Jóhann Elíasson, 2.10.2019 kl. 08:06]

Það fara ekki alltaf saman gæði og magn....

[Jón Valur Jensson, 2.10.2019 kl. 08:31]

Það er margt hæpið og varasamt í þessari skýrslu og ekki sízt í tillögum nefndar-mannanna þriggja, einkum þeim sem snúa að stjórnarskránni, og þar að auki hefur mikil einhæfni ríkt um val álitsgjafa (rétt eins og nefndarinnar sjálfrar), og því verða forsendurnar skekktar og skakkar, og um sitthvað þar gildir því non sequitur. Sjá t.d. stutta umfjöllun mína á eftir þessari Vísis-frétt í dag: https://www.visir.is/g/2019191009835/an-ees-samningsins-vaeri-haetta-a-einangrun-stodnun-og-afturfor-/ (og á Facebók minni). Og þetta er bara brotabrot af því sem þarf að taka á í skýrslu þessara hlutdrægu aðila.

[GÍSLI HOLGERSSON - ICELAND (IP-tala skráð) 2.10.2019 kl. 20:44]

Björn Bjarnason og "PÉTURSEY" á Bloggi BJÖRNS stendur glæsileg undir LÝÐVELDINU og FULLVELDI ÍSLENDINGA. Vonandi bregst BJÖRN aldrei lýðveldinu og SJÁLFSTÆÐI ÍSLENDINGA.

Það sama gildir um VIRTAN FORSETA ÍSLANDS, að þjóðarkosning fari fram varðandi umsókn að "vistinni" með ESB. Ég NEITA INNGÖNGU ÁSAMT 85% ÍSLENDINGA?. Skipulagður fjölþjóða innflutningur ESB landa til ÍSLANDS neitum við,nema gegnum ástina.

Björn skal fylgja þessu máli "alla leið" fyrir PÉTURSEY, BÆNDUR, SJÓMENN OG fámenni OKKAR ÍSLENDINGA.