Sjálfkeyrandi bílar?

hverjum datt þessi vitleysa í hug?

Hver er munur á sjálfkeyrandi bíl sem þú átt ekki sem fjölskyldubíl af því að hann hentar ekki og Borgarlínunni? Mér skilst að þú eigir að kalla á sjálfkeyrandi bíl með appi og hann kemur og pikkar þig upp þegar hann er laus. Bla bla. Sama bullið.

Þú kaupir þér bíl eftir því sem auglýsingarnar útmála kosti hans umfram aðra og kaupmennirnir gefa þér meiri afslátt. Maður vill sko keyra sinn bíl sjálfur.

Sjáið þið Ómar Ragnarsson eða Benna ekki vilja stýra sjálfir? Það er ágætt að bílar bremsi sjálfir áður en þeir lenda aftan á næsta bíl og það er ekkert stórmál og vel þekkt. En hver vill ekki hafa sinn bíl til að keyra þangað sem hugurinn girnist skyndilega, beygja þegar manni dettur nýtt í hug.

Þetta sjálfkeyrandi bull er jafnvitlaus hugmynd og að Borgarlínan uppfylli þarfir fjölskyldanna. Þær vilja hafa góðar tekjur, kaupa bíla og lifa lífinu í nútímanum.

Þær vilja ekkert gamalt reiðhjól eða svoleiðis vitleysu. Bíllinn er öruggasta farartækið fyrir börnin og þolir vind og veður. Það vantar bara götur og akreinar og mislæg gatnamót, jarðgöng og hvaðeina. Hvað sem Holu-Hjálmar og Dagur tyggja upp í sinni sérvisku með hjálp litlu ljótu sérviskuflokkanna.

90 % fólks vill keyra sinn bíl sjálft. Allt annað er bullshit kommatitta með brenglaða lífssýn og sérvisku  sem á ekki heima í nútímanum.

Nútímafjölskyldan þarf að koma börnunum í skóla, leikskóla, bíó, íþróttir og í vinnuna. Hún þarf 2 bíla.

Sjálfkeyrandi bíll er sniðugt kúríósum en hefur ekkert með almenningsþarfir að gera frekar en Borgarlínan.

Athugasemdir

[Ómar Ragnarsson, 2.10.2019 kl. 23:42]

Hvar á að finna pláss fyrir 50 þúsund viðbótarbíla við þá sem fyrir eru og átta akreina hraðbrautir með tilheyrandi mislægum gatnamótumi, og hvar á að afla peninga fyrir öll þessi ósköp? 

[Halldór Jónsson, 3.10.2019 kl. 09:54]

Það er nógur afgangur af því sem sparast með því að sleppa Borgarlínunni. Nóg pláss fyrir öll umferðarmannvirki eins og í Florida, miklubrautin getur auðveldlega orðið 8 akreinar og brýr yfir í stað gönguljósa og undirgöng þar sem þarf.