Halldór Jónsson

17.12.2019 | 14:35

Meiri ríkisafskipti

eru boðuð af Framsóknarflokknum. Lilja Alfreðsdóttir skrifar pistil í Morgunblaðið í dag:

"Miklar breytingar hafa orðið á rekstrarumhverfi fjölmiðla með tilkomu samfélagsmiðla og nýrra miðlunarleiða. Flestir fjölmiðlar byggja afkomu sína á auglýsingum og áskriftum og þegar báðir tekjustraumarnir minnka verulega verður staðan erfið.

Tekjusamdrátturinn er rakinn annars vegar til þess að sífellt stærri hluti auglýsinga er birtur á vefjum erlendra stórfyrirtækja og hins vegar aukins framboðs á ókeypis fjölmiðlaefni.

Stjórnvöld víða um heim hafa brugðist við þessari þróun með því að veita fjölmiðlum styrki eða bætt rekstrarumhverfi þeirra með öðrum hætti. Sömuleiðis hafa Norðurlandaþjóðir verið í fararbroddi í stuðningi við fjölmiðlun um áratuga skeið. Í upphafi miðaðist hann einkum að dagblöðum en hefur á síðustu árum einnig tekið til annarra tegunda fjölmiðlunar, svo sem netmiðla og hljóð og myndmiðla.

Í stjórnarsáttmála ríkisstjórnarinnar kemur fram fyrirheit um að bæta rekstrarumhverfi einkarekinna fjölmiðla. Því hefur verið smíðað frumvarp þess efnis sem er í þinglegri meðferð. Markmið frumvarpsins er að efla stöðu íslenskra fjölmiðla með því að styðja við og efla útgáfu á fréttum, fréttatengdu efni og umfjöllun um samfélagsleg málefni. Til að ná því markmiði er gert ráð fyrir að heimilt sé að veita einkareknum fjölmiðlum fjárhagslegan stuðning sem felst í því að endurgreiða þeim hluta þess kostnaðar sem fellur til við að afla og miðla slíku efni. Stuðningurinn verður annars vegar í formi endurgreiðslu á allt að 18% af launakostnaði viðkomandi fjölmiðils vegna ritstjórnarstarfa og hins vegar í formi 4% sérstaks stuðnings, sem einnig er miðaður við tiltekið hlutfall af launakostnaði.

Einnig er gert ráð fyrir að endurgreiðsla til fjölmiðils geti ekki orðið hærri en 50 milljónir króna, en ekki er þak á sérstökum stuðningi sem miðast við 4% af framangreindum launakostnaði.

Vert er að taka fram að endurgreiðsluþáttur frumvarpsins er í anda annarra kerfa sem stjórnvöld hafa sett á laggirnar á síðustu árum til að styðja við menningu á Íslandi og nefni ég þar endurgreiðslur er varðar kvikmyndir, hljóðritun og bókaútgáfu. Einnig má nefna styrki til nýsköpunarfyrirtækja. Hér er um að ræða endurgreiðslu á kostnaði úr ríkissjóði til einkaaðila hvort heldur í menningar- eða í nýsköpunarstarfsemi.

Ég vonast til þess að sá stuðningur sem frumvarpið gerir ráð fyrir geri fjölmiðlum kleift að efla ritstjórnir sínar, vera vettvangur skoðanaskipta og tjáningarfrelsis og með þeim hætti rækja hlutverk sitt sem einn af hornsteinum lýðræðisins.

Mál þetta hefur verið á döfinni í mörg ár en því hefur ávallt verið ýtt til hliðar. Nú hlakka ég til að fylgja þessu frumvarpi eftir því það er heillaspor fyrir íslenska fjölmiðlun í heild sinni."

Hvað verður um trúverðugleika Útvarps Sögu þegar það fyrirtæki er orðið ölmusuþegi Framsóknarflokksins? Stundin og Kjarninn og álíka vinstrisneplar sleikja út um enda komnir á hausinn fyrir löngu. Ég get ekki séð að nein eftirsjá væri í því ef eigendur þeirra hætti útgáfunni. RÚV hefur áfram sína forgjöf. Fólk sættir sig við RÚV ef hægt væri að hreinsa kommabakteríuna út úr fréttastofunni og er furðulegt að slíkt skuli ekki vera hægt.

Ég hef gefið út blað, www,samufostri.is í mörg ár.Það blað kemur út án styrkja. Náist ekki að afla auglýsinga í það kemur það bara ekki út. Svo einfalt er það og enginn myndi sakna þess.

Prentmiðlar eiga bara einn óháðan styrktaraðila og það eru þeir sem vilja leggja þeim lið í skiptum fyrir auglýsingar. Aldrei myndi mér detta í hug að sækja um útgáfustyrk fyrir þetta blaðabrölt mitt. Rekstrartap eiga eigendurnir eða styrktaraðilar að borga en ekki ríkið. Allt annað er sósíalismi andskotans.

Meiri ríkisafskipti í útgáfustarfsemi að hætti Lilju Alfreðsdóttur er ekki til að sópa fylginu að Sjálfstæðisflokknum sem er nú ekki beysið þessa dagana.

Flokkur: Stjórnmál og samfélag | Facebook

Athugasemdir

Takk fyrir ábendinguna. Líst vel á Sámur fóstri.

Benedikt Halldórsson, 17.12.2019 kl. 14:55

ÍSLAND hefur breyst til batnaðar? Börnin læra og keppast við að vinna hjá Ríkinu eða Borginni. Þar er framtíðin ÖRUGG. ALÞINGI styrkir STJÓRBMÁLAFLOKKA um miljarð á ári. ALÞINGI greiðir hundruð miljóna til aðstoðar og embættismanna ALÞINGIS.

Nú á að tryggja og kaupa "velvild" blaðamanna og styrkja DAG-BLÖÐIN um 400 miljónir á ári með styrk frá ALÞINGI. STANSLAUS EYÐSLUSEMI er ríkjandi. SPARSEMI hljómar vel í UPPELDI barna og við rekstur góðra fyrirtækja.

Þú hefur réttar skoðanir Halldór á rekstri fyrirtækja og lífinu. Þetta er EKKI alltaf auðvelt og stundum bölvað, en oftast spennandi og skemmtilegt.

GÍSLI HOLGERSSON - ICELAND (IP-tala skráð) 17.12.2019 kl. 21:53

Því ætti þá ekki ríkið að ,,bæta" öðrum greinum upp tekjutap vegna internetsins?? það er ljóst að margskonar verslun og þjónusta á í vök að verjast vegna einmitt internetsins. Hér skal allt ríkisvætt,stjórnmálaflokkar og blöð. Er nokkkuð skrýtið að fylgi xd sé á fallandi fæti. Hvernig er hægt að taka þátt í svona?

Steinþór Jónsson (IP-tala skráð) 18.12.2019 kl. 08:32