737Max/757?

Ég hef ekki hundsvit á flugrekstri eða hagfræði flugvélategunda. Ég fór nokkrar ferðir með lærimeistara mínum honum Ingimari K.Sveinbjörnssyni á B757 og þar áður á B727 milli heimsálfa í gamla daga.

Ingimar var Flugmaður með stórum staf og mér fannst hann alltaf hafa ófreskigáfu hvað varðaði veður háloftanna, hvernig hann gat þrætt flugið milli þrumuklakkanna sem lýstu eins og perur á jólatrjám, beygt til vinstri en ekki hægri þegar vélin var á tampi sinnar getu, og komið okkur út úr óveðrinu. Mér fannst hann alltaf tala með virðingu um 757una, að hún væri afbragðs flugvél sem hann treysti.Við áttum marga ógleymanlegar stundir á lofti og hann reyndi að troða einhverri flugvizku í minn heimska haus. Það litla sem festist er honum alfarið að þakka.

Nú tala þeir um að 737MAX framleiðslu sé hætt en Icelandair ætli samt að setja þær aftur inn í vor. Spá þeir ekkert í það hvort einhver vilji fara um borð í þær?

Það er enginn hræddur við 757. En það eru margir smeykir við 737Maxinn vegna sögunnar. Er útilokað að fljúga bara á 757 en ekki 737? Verri afkoma sjálfsagt en það er þó jákvæð afkoma og öruggur rekstur.

Spyr sá sem ekki veit um 737/757.

Athugasemdir

[Ómar Ragnarsson, 18.12.2019 kl. 13:54]

757 nýtur þess, hvað varðar brautarnotkun og burð, til dæmis á fragt, að vængir hennar eru næstum 50 prósent stærri að flatarmáli en á þeim þotum, sem hafa rutt henni úr vegi, svo sem 737 og Airbus 320. 

Stærri vængur þýðir að öðru jöfnu meiri loftmótstöðu og þar með meiri orkueyðslu. 

Stóru, nýju hreyflarnir á 737 Max og Airbus 320 neo ásamt vængjum með eins litla loftmótstöðu og unnt er að ná fram, bjóða upp á rekstarskilyrði í hinni miskunnarlausu samkeppni farþegaflugsins, sem 757 getur ekki svarað, jafn frábær flugvél og hún þó er. 

[Halldór Jónsson, 18.12.2019 kl. 14:05]

Takk fyrir þinn fróðskap Ómar. Hefurðu nokkrar tölur um það hvað eyðist meira á farþegasætið í 757 en 737Max?

[Halldór Jónsson, 18.12.2019 kl. 14:07]

Og af hverju er bara hægt að flytja fragt en ekki farþega með því að pakka þeim þéttar, leggja af Sagaclass osfrv.og hafa ódýrari miða?

[GÍSLI HOLGERSSON - ICELAND (IP-tala skráð) 18.12.2019 kl. 16:26]

Ég kynntist INGIMARI K.SVEINBJÖRNSSYNI flugstjóra á Keflavíkur flugvelli. Hann var ræðinn og skemmtilegur. Bróðir hans var EINAR fiðlusnillingur. Við blessum minningu þeirra beggja.

KEFLAVÍKURFLUGVÖLLUR breytti Landinu OKKAR til góðs. Síðar var hann gjöf USA til okkar ÍSLENDINGA, brautirnar og öll tækni. Framtíðarstaður flugsins og INNANLANDSFLUGS.

ÖRUGGT flug ICELANDAIR og kunnátta gefur bjarta FRAMTÍÐ.

Þarna kynntumst við mótmælum og fótgönguliði vinstri sinna, um og kommunistum, sem mótmæltu

[Ómar Ragnarsson, 18.12.2019 kl. 20:26]

Það hefur verið flaggað tölum á milli 20 og 25 prósent sparnaði og það munar um minna í hinni grimmu og miskunnarlausu samkeppni í þeim stærðarflokki þotna, þar sem markhópnum, fjölgandi farþegum í milliklassa, hefur fjölgað meira en öðrum.